PDA المساعد الشخصي الرقمي

عرض كامل الموضوع : أثاليات



أثال
18-10-2013, 11:21 PM
غربه


انا حياتي كلها لوم وعتاب
مدري من الغالين ولا عدوي


البارحه وش صار..؟ ماكننا اصحاب
الله واكبر من كلامك يدوي


غربة حياهـ.. وزدتني غربة احباب
وانا بكيفك.. وش تبيني اسوي


ماهمني لوباعني بعض الاصحاب
اعيش ياغربه .. انا الجو جوي


ياما غفت عيني على دكة الباب
حتى خفوقي صار يمك يعوي


الله يعوضني على الصبر بحباب
والقاء يدين تضمني في تروي


اول هجرتيني بلا ذنب وسباب
واليوم في عينك واحد مهوي


....اثاااال

أثال
18-10-2013, 11:27 PM
ذكرى عزيزه

كل ماتجي ذكرى عزيزه وطاريك
القاء غيابك جالس (ن)في مكانك


وتاخذني الاحزان..وقعد اناجيك
وتخيلك تزهم..تنادي حنانك


وشوفلك صوره بعيني تراعيك
علقتها بجدار قلبي وصانك


والمشلح اللي تلبسه يوم الاقيك
يفوح منه العود وريحة زمانك


والمسبحه اللي لاعبت كل اياديك
علقتها بصدري قلاده عشانك


حتى فناجيلك وكاسك وشاهيك
سويتها وصبيتها من حنانك


وذا مجلسك لاجيت ودي اقهويك
قلت اجلسي .. تسلم يديك وبنانك


وسيارتك لاجيت ودي اخاويك
قربتها وخذيتني في امانك


ونظارتك اللي تخبي الخجل فيك
مسحتها وحطيتها في مكانك


لويسمحولي احفر القبر لاجيك
واقول لغيابك يفارق مكانك


.....اثاااال

أثال
18-10-2013, 11:31 PM
[FONT=Arial]فنجال الغلا


حبيبتي ..


انتي وانا .. مابكينا


ولاجبرنا الشوق .. ولا حكينا


ولا جتمعنا يوم .. ولا التقينا


حبيبتي ..



كل مااظمك شوق .. صديتي


كل ماابيك فراق .. عييتي


حبيبتي ..


كنت انتظارك بالامس


كنتي ملاذي بالهمس


وفجاه لقيتك رايحه ..


ولقيت فنجال الغلا


وطيفا سرى



وحروف ماهي واضحه


وسكوت وصمت ومصارحه


ياغامضه .. ياواضحه

راحت علينا البارحه


لوكان من سمك ابيه .. لوكان ترياقك ابيه


بس انتي كوني واضحه


....اثاااال

أثال
24-10-2013, 10:44 PM
الاولويه

حبيبي مانبي ايت مشاكل
كلام الناس مااثر عليه


اذا كان الغلا للقلب واصل
ترى بيدك انا لقمه هنيه


حمام الشوق هات من الرسايل
بها من ضمتة عطر وحميه


وسلم لي على كل الاوائل
غلاهم باقي(ن) بـالاولويه


سبقني بالغلا سيد المراجل
رمى بشته من العلياعليه


فرح بي ليتني اقدر اواصل
معاه العمر ويقبلني هديه


حبيبي لاتجاملني وجامل
انا احبك وذا قلبك عليه


....اثااال

أثال
24-10-2013, 10:48 PM
لاتلومني


لاتلومني حاكني بشويش
من غبت مأاحد سأل عني


تعال قل لي ازعل من أيش
أخذت صوره خطا عني


اشوف باسمي طلع لك ريش
وتغرد اليوم وتغني


اعطيك من فكري البخشيش
وبنيت لك صيت من فني


كل ماسمعتك شربت الطيش
واسقيك بالكاس وتثني


غيرت طعم الرضا والعيش
والود من ابيض الـبني


يرضيك مرت سنا تطنيش
وقلبي به الشوق مستني


خلاص ماعاد اقولك ليش
خذ ماتبي بس لي غني


...اثااال

أثال
24-10-2013, 10:51 PM
الموده



كل ماناديت جاوبني بصده
وكل مامديت له ودي خذاه


ويل قلبي ماعرف هزله وجده
كل ماقربت اهابه من عطاه


فيه طيب وفيه حب وفيه حده
وان بغى قلبي تربع في حشاه


ماقوى قلبي على هده ورده
صرت البي له بقلبي مابغاه


ليتني اقدر اروم اليوم يده
نائف(ن)عودالزهر بحلا بهاه


وليتني اقدر اجاري دمع خده
من غلادمعه عشقت ابكي معاه


ما اشوف من البشر انسان قده
ربي اللي حط في قلبي غلاه


لو يبيني مال والله غير امده
وان بغاني حب ياخذ مبتغاه


ياحبيبي عاد عيدك بالموده
ياعساه يعود عيدك ياعساه


لاتعادونه ياويلي باح سده
كيف ظالمني وانا اتبع خطاه


ماكتبت من الشعر قصدي اشده
وماعطيته من حناني هو خذاه



.....اثااال

أثال
24-10-2013, 10:54 PM
يامن يتابعني

يامن يتابعني وانا شاعرا فيه
واحس قلبه يرتجف لاطراني


وده يناديني وانا ميت فيه
واخاف يحسدني عليه الاناني


صاروا ينادونه باسمي وناديه
اكيد تجمعني معاه الاماني


قبل العتب غنا باسمي اراضيه
وبعد العتب غنيت فيه الاغاني


والله لوهو ينزع القلب لعطيه
وقول ماقصر حبيبي عطاني


قلبه حنون وقال للحب لبيه
وش عاد ودك يالحسود بحناني


...اثااال

أثال
24-10-2013, 11:04 PM
حب ساعه


تحب ساعه وتجرح الناس ساعات
خليت هذا الحب ساعه بيدك


تقلبه مثل الزمن والمسافات
تظن كل الناس توقيت يدك


دردش على نتك والعب على الشات
يمكن تلاقي ثوب يكون قدك


لنفس عزه وللاناء حب للذات
وانا بملكوتي من ايام جدك


يشتاقني غيرك وتشتاق حسرات
وثااال ماهو اليوم لعبه بيدك


يومك نويت تقول هات العبارات
خايف بوسط الناس يبوح سدك


لك من خيالي شي بين الممرات
وسمي تراه اليوم شامه بخدك



....اثااال

أثال
24-10-2013, 11:50 PM
برد الشتاء

من ربيع العام الى برد الشتاء
مانبت في دفتري اية كلام


كل مااستسقيك تسقيني ظما
وكل ماصدك ترميلي الزمام


الوكاد ان الوصل اصبح جفا
والنهار الليل والليل الملام



مانشوفك لو زعل منك كفا
ولوبغيت الحق والله ماتظام


مايشيل الظيم من قلبه صفا
ومايطوف البيت غير اهل السلام


رف قلبي لك بجنحان الوفا
يابعد كل الكناري والحمام


حام طيري بالسماء لين انعما
كنت وكر الحر في مرفا الهيام



...اثااال

أثال
24-10-2013, 11:55 PM
من قدها ..؟؟


كاني ماني قدها .. يوم كفت يدها

انسحبت ..!

وقلت : اسف

هذي هي من جدها

والحقتني ليش خايف

وين يدك مدها ..!!

قلت ماني قدها


***

البياض بيدها .. والبياض بخدها

وانحنيت وبست يدها .. والتفت لخدها

قالت : الله لايهينك

لاتعدا حدها ..!!

الرضاء بشبش عليها

وسمحت لي بيدها

قمت الوحها ودور .. طايره بيدي تدور

راقصه بين الحضور


والايادي بيدها

والعيون بخدها

ولمحت لي بالرضاء .. وبالكثير من العطاء

وقالت الله لا يهينك

مافي غيرك قدها



....اثااال

أثال
28-10-2013, 11:32 AM
البرد


فديتك البرد ذابحنا .. الله على رجفت عظامي

الهجروالبرد صاحبنا .. من ذاق زمزم ماهو ضامي

وشلون صرتوا حبايبنا .. والنت شامي على عامي

ارجوك لو كنت عارفنا .. خل اللقاء بيننا سامي

نبرد وتبكي خواطرنا .. والشوق مابيننا حامي

تعال ترجم مشاعرنا .. لا تصير من جملة احلامي



.....اثاااال

أثال
28-10-2013, 11:38 AM
لذيذالحرف



كسرت فنجال الغلا في صدودك
واسقيتني من ريق الايام حلواه

خليتني يازين اطق عودك
واسهر انا وياك من اه ل اه

خذ من لذيذ الحرف وبودر خدودك
وترك لنا بالصدر جمر المعاناه

ماقلت توبه يوم ودي اعودك
وفيض المشاعر بينا والمناجاه

شف حيرتي منك تعدة حدودك
شف لهفتي لشوق ماهي مخباه

نثرت ورد الحب وبين حسودك
لامرت الايام خلها تعداه

وشرب حبيبي صافي الحب ذودك
الطرش يبعد بس يرجع على ماه



....اثااال

أثال
28-10-2013, 12:19 PM
غصة دموع



اهات في صدري بها غصة دموع
م قدرت اطلعها وماساعدتني


مثل السحاب اللي نشاء فوق مرفوع
يبرق ويرعد بس مابللتني


ياليتها سالت على خد موجوع
ومالجلجة بالصدر ثم خنقتني


مدري بلاها شي او حب مقطوع
سالتها ياغصتي وكتمتني


الله عليها كسرت فيني ضلوع
وسدت مجاري هـ النفس وذبحتني


وصارت تنازعني من الكبد بنزوع
مقدرت اقوها و مافارقتني


باالله ياوصل الغلا هاتي دموع
ابكي بها من ناس ماريحتني


عامين وانا عندها صرت ملطوع
لاهي رحمت حالي ولا سيبتني



.....اثااال

أثال
28-10-2013, 12:21 PM
التوقيع



جيتك صباح الخير ماشفت توقيع
يعني غيابك زاد بالكبد مره




وشبك علينا نشتري الحب وتبيع
ونرسم سنابل خير ونهديك زهره




خل العناد اللي ملا قلبك يطيع
وخل الخجل يطبع على الخد حمره




وخل السلام احساس بقلوبنا يشيع
بلاش تزرع لي من الوهم حسره




ياغاليه لو باعوا الناس مابيع
احد يبيع الخير ويحب شره




وين انت ياحي القلوب الموجيع
وين انت ياللي شفت معك المسره




انت الصباح وكل صبحك مرابيع
وانت المساء اللي ملا الليل قمره




هون علي من هـ الدموع الينابيع
اللي تقاطر عبرة(ن) فوق عبره



....اثااال

أثال
28-10-2013, 12:26 PM
فناجيلك


قم صبلي الشهد ي معطر
وبالود بـاشر فناجيلك

ارضاك عندي حلاالسكر
وملبس الورد اهدي لك


في ناس تحب تتكبر
وفي ناس بالود ترميلك


وفي ناس تجامل الاكثر
تجرحك لوهي تغنيلك


القلب لولاك مازمر
ولاقطفنا قناديلك


قم حبني خلها تكبر
ومدها مع فناجيلك


تكبر بعيني ولا تصغر
من ودك اصبحت كلي لك


.......اثااال

أثال
28-10-2013, 12:31 PM
الهديل

جيتك وصل وخذتني عندك فراق
وفاح الالم وستمطره موق عيني


هذا جفاك من الوفاء صد الاشواق
وهذا حنيني مات بينك وبيني


صوت لك ودي دفا وضم وعناق
ورددت صوت الحب لأم العيوني


كنت بتفاصيلي وانا كنت مشتاق
واليوم خذني يالهديل الحزيني


وترك وساده للعنا ودمع وشهاق
وليلا طويل يذكرك بالحنيني


وترى الامل لو يكذب يصير مصداق
وترى الصدق احساس تلقاه زيني


تمم وفاك وهاك من ودي سياق
هذا الشعور اللي بحدك يجيني


حقك علينا ترمقك عيني ارماق
وشلون لو تمسك يدينك يديني



....اثااال

أثال
28-10-2013, 07:16 PM
اثاليات

هيا بناء والوقت ضمات وفراق
والعمر يفتح باب ويصك طاقه


ترى حبيبك طاب لك وانت مشتاق
وصحى يعكر صفو حبك رفاقه


يشره عليك يقول بيعاع الاشواق
مايدري انك بارعا بالباقه


مشاركات الحرف لقلوب عشاق
والا انا وياه اخر رواقه



...اثااال

أثال
04-11-2013, 11:44 AM
وش ذكرك..!

خلاك ترجع من جديد

اوتفتكر حب رميته بعيد

لكن خلاص....

لا لا تحاول لاتزيد ولاتعيد

خلاص انا قلبي عنيد

كل الكلام وكل رويات الغرام

بيامنا ..وسنيننا

صارت الم صارت ندم

صارت مثل لون الصدى

تكرار للجرح القديم

تذكار للحب الهشيم

ولا نسيت ذيك الحكايه

افضل روايه...

اللي ترددها بنشيد

مجنون ليلى وحب يزيد

لكن خلاص...

ماانخدع فيها ابد

احسها بقلبي عذاب


اشوفها بعيني سراب

جرح اليم

موجود بالعهد القديم

والا...خلاص

راح اللي راح

ماعاد تعنيك الجراح

لكن خلاص..خلاص ابد

قلبي عنيد..قلبي عنيد


........اثاااال

أثال
04-11-2013, 11:50 AM
فرط الرمان


نويت اني اجي دارك واتعرف
وخفت انك علي تكون زعلاني



تراني ياحبيب القلب اتشرف
وجيتك حب كلي قبل تلقاني



تعال وشوف حالي بـ الوله رفرف
فرط حبك بقلبي حب رماني



تناثر من عيوني دمع لك يذرف
نهيته عنك وصار اليوم يعصاني



شهق بــ الصياح وصار لك يهرف
يعاتبني على الزله من الساني



حبيبي كل ماقربت تتطرف
وباسم اللي جمعنا كلمة احساني



على كيفك تمون وغن وتصرف
واذا ودك تفضل هاك الالحاني


...اثااال

أثال
04-11-2013, 11:52 AM
عود الزهور


اعذريني لو حصل مني قصور
ماتجي كل الليالي مقمره


وسمحي لصمت يجمعنا دهور
طالما ان الكلام يكسره


شوف عينك مابقى فيني حضور
الغياب ارحم علي من ثرثره


كل مافوحت لك عودالزهور
بالملام تفوح شمس المنقره


وكل ماكسرت من ضلعي بخور
احرقوا قلبي بجمر المبخره


وفاح لك مخلوط من دمي شعور
ومن احاسيسي دموع وغرغره


وكل ماغمضت عن بعض الامور
زاد حبي للعفو والمغفره


انا من دنيا وسيعين الصدور
وهم من دنيا لحود المقبره


ودثريني بين حرفي والغرور
وسامحيني قبل اقول المعذره


وخلها بين الكتابه والسطور
ولا تخليها سفينة مرمره


...اثااال

أثال
04-11-2013, 11:55 AM
العتب

يامن تراضيني وانا منك زعلان
ترا العتب مانام بينك وبيني



خذيتني معروف وطيرت الاحسان
والليل رف من السهر وسط عيني



هذا حمام الشوق غرد بالالحان
وهذا الشروق اللي يدفي حنيني



مديت لك ورده من الحب عرفان
وطفيت شمعه بالعمر من سنيني



وفوحت لك عطري على كل نشوان
ونقشت وشمي بالسماء ياضنيني



ازعل على مثلك اذا انت شرهان
وعاتبك وكل العتب عاش فيني



وعرف رضاك اللي ملا كل الاركان
ومن الغلا ودي اضمك بيديني



.....اثااال

أثال
04-11-2013, 12:15 PM
ياعين





ياعين قري وسعدي لا تراعين
عيشي خيالك ونثري لي حروفه


اللي يبي شوفك عنه تعيين
واللي تبين اليوم عيت ضروفه


ياعين جوزي عن هواء الشين والزين
الله عطاك من العذارء شريفه


اللي لها في داخل القلب بيتين
بيت تقيل به وبيت تحوفه


ياعين طبع القلب مايعشق اثنين
وانتي تحدينه على اللي يشوفه


ياعين قطرات الدموع العزيزين
وقع المطر ياعين محدا يعوفه


ياعين قيثارة حبيبي بالحنين
لحن القلوب الطاهره والعفيفه


...اثااال

أثال
04-11-2013, 12:19 PM
لهفة الشوق






من لهفة الشوق ناديتك
ومن الوله غصت في يمك


شف فرحتي يوم لبيتك
اصيحت احظنك وضمك


يالعنبوا حيك وميتك
ذبحتني وانت ماهمك


ان غبت عنك تحريتك
ون جيت اسقيتني سمك


لبيه بلقلب راعيتك
ياليتني من ولد عمك



فنجالك الحب قهويتك
ومن الحلا سكرهـ دمك



طربت لك لين غنيتك
وزعل على كل من ذمك


....اثااال

أثال
10-11-2013, 06:46 PM
رحوي


دمعة للعتاب ودمعة للغياب
وكل واحد يحط ايده على قلب الخوي


همي فيك الوصال ولوعتي اغتراب
والمسافر على الرحله عزومه قوي


افترقنا وشوف البعد من حول الهضاب
والدموع اجمعتها عشرتك يارحوي


جونا دوم صافي مايعرف الضباب
وجوغيري مع العجه نباح وعوي


ياحسود العواطف هاك حفنة تراب
جونا جو فاخر جو صحراء بدوي



...اثااال

أثال
10-11-2013, 07:29 PM
قلت اشوفك


قلت اشوفك .. يمكن اقدر اقنعك
ليه .. ! عزيت اللقاء يبن الحلال


انت خايف ..؟ ان عينك تفضحك ..
والا خايف اني اجرح بــالسؤال


مثل عيني انت .. دايم احفضك ..
ادري تخجل .. من كلامي والدلال


كنت اظن انك .. تاخذني معك ..
وقلت في نفسي .. معك يبدا الوصال


يامعانتي .. اهدك وتبعك
واسالك بالحب .. لاتبعد تعال


تصدق ..! اني اليوم مقدر امنعك ..
ارسمك صوره .. وانسجها خيال


لاتخليني اصد واقطعك ..
بس خليني على بالك اثال


.....اثااال

أثال
13-11-2013, 10:11 AM
ياعاشقه




ياعاشقه غاب القمر وغابة الشمس
والليل اقبل وبتدى بي مداري



دار الفلك فينا ودرنا مع الهمس
لا الليل ليلي ولا النهار اختياري


في غربتي اصارع الموت وادس
خلف الضلوع اشياء فيها دماري


ووسادتي هي وحدها تعلم الرمس
اشكي عليها منك من حر ناري


ماهمك اني بحالتي صرت في يأس
وزودت هم الليل ب وهم النهاري


حتى احاسيسي اذا قلبي يحس
ممنوع اترجمها اذا كنت عاري


الله عليك احساس احرجتني بس
ازعلت كل الناس حتى القماري



....اثااال

أثال
13-11-2013, 10:17 AM
.

اكتبيني فجر صادق ونحريني

سيلي دمي بطعناتك اذا كنتي تبيني

قطعي لحم الذباب وطيريني

بالملاوي .. بالمصافي .. بالمعادي

شوفي سوق الليل يمكن تشتريني

خوذي كل الاغنيات والطعيني

قولي انه كان كلب بلا حراسه

ونصفيني

من يكون اثااال هذا ..؟

شخص تافه ..فكر بمره يبيني

غثني بلبس العباة وبالمبادي والصلاة

وقال ايش ...الاغنيات

والتناقض بالحياة

اجمعيني اوراق دفتر وحرقيني

ورقصيني

مااليق تعلقيني باستار

وبالخمار

ومااليق اكون عندك

لوحمار

ومااليق بماء زمزم طهريني

وموتيني



.....اثااال

أثال
15-11-2013, 06:50 PM
القلم


انامثل القلم مقهور
ابوح بصوتي الصامت


اشق من الظلام النور
واحرك كل شي ثابت


وارسم لك سما وطيور
وغلا في بيتنا نابت


ترى بالاوله معذور
جرحت القلب يا ساكت


واخاف انك على تجور
تصير بحبنا شامت


وابني ياوهم لك سور
واكتب بالالم هانت


انا واياك محنا بزور
فلا هنتي ولا هانت



....اثااال

أثال
16-11-2013, 09:26 AM
خليني مره اشوفك
وشرح لي ابسط ضروفك

ياللي شغل قلبي طيفك
من مده وانا احتريك

كل ما اقرب تبعد .. يوم اتصل بك تجمد
مدري دلع مدري من جد
مع هذا .. انا ابيك


يانور قلبي وعيني .. اجيك والا تجيني
ترى الزعل مستحيل

ياراحتي يوم اشوفك
يافرحتي من يعوفك
متي تسمح ضروفك .. واخذك من عند ابوك

اديني مره جوابك .. اجيك واطق بابك
ارجوك انا احتريك


..اثااال

أثال
16-11-2013, 09:46 AM
بوكيه جوري


.

حبيبتي ..؟

ضاع الغلا والموده

وعياا الفراق .. الا يكسر شعوري

اشتاق لك ..

وتقول للقلب صده !!

وانا تجمل ..

وانت تلغي حضوري

صرت الغياب المر .. وزدت مده

حتى عذابي.. صار عندك ضروري

علقتني ..!!

مابين صده ورده ؟

وانا تحرى منك .. بوكيه جوري

عذبت قلب الحب ..ونسيت كده

اظن صار الحب .. مشروع صوري


خلاص لا ترجع .. ترا القلب حده


يمكن تلاقي حب يكمل قصوري



....اثااال

أثال
17-11-2013, 02:54 PM
شمس



الشمس غابة علينا دون تذكارك
وماعاد نفسي تحب اني اطالعها



مالت على اللي يبنا عنده نبارك
مايدري اني اشرقها وغربها



اشب نار الامل وضوي على دارك
دارا نبيها وصل ودارا نفارقها



وش مزعلك ياشوق برد على نارك
مرات اطفي شمس ومرات حارقها



الجو غيم وانا متفهم اعذارك
شف بالسماء وشلون رفت بيارقها


...اثااال

أثال
17-11-2013, 03:38 PM
الحظ



رماني الحظ والايام

عندك

وانا مدري على ايش

اموت عندك..

اذا كانت لك الايام

وحشه

انا والله يوحشني

مكاني..

ولك وحشه لو اني

كنت عندك..

و توحشني ولو كنت بمكاني..

انا وياك اغرب التقينا

من الفرحه لقينا الحب فينا

انا الغربه تسكن في حياتي

لو اني جالسا بالعالمينا

احب اكون مع همسة حياتي

غريب انته..!

تحب انسان ثاني

والا انته..! عايش ع الاماني

اكيد انته..!

توحشك الثواني

تعال انوقف الساعه الغريبه

وكسر لك عداد الثواني

كرهت اني غريب وضاع حبي

وانا القاك في احلا الاغاني


.........اثااال

أثال
17-11-2013, 04:39 PM
الا .. انت

وربي انا صادق
وحبي بعد صادق

مابقى بالكون من حب
الا .. انت

لو رجعت الايام .. لو جددو الكلام
ماحب الا انت

وحبي الماضي نسيته ع الشاطي
يقابل البحار

انا اللي اخترتك .. وقدرت انا صبرك
وحملتك الاسرار

خذوني من نفسي .. نسيني يوم امسي
ترى الزمن غدار

وقفت بالدنيا
ابحث عن اصحابي .. ادور احبابي
ماشفت .. الا انت

انت عيون الصبح .. انت الهناء والربح
وكل شي انت


...اثااال

أثال
18-11-2013, 04:35 PM
اليوم وقع علينا طاح
ياحلو طشه على رشاشه

وين انت يصاحب المزاح
ماشفت نكك على الشاشه

عامين ماجيت ي الذباح
وانا تحراك منداشه

اليوم رحمه بدون سلاح
وكل يوم اناونت بهواشه

مسكين قلبي عليكم صاح
والعين رشت لك رشاشه


...اثااال

أثال
18-11-2013, 05:10 PM
تغريدة الورد

اهدي لك الورد وترده
احترت مدري وش اهدي لك



خذوك عني اهل جده
تركتني وش اسوي لك



خليتني اعشق الصده
وصد عنك وغني لك


طال الزعل زادة المده
وانا تحرى مراسيلك


قلبي غصبني على وده
شف وردة اليوم شاري لك



...اثااال

جرح السحاب
19-11-2013, 04:47 PM
قم صبلي الشهد ي معطر
وبالود بـاشر فناجيلك

ارضاك عندي حلاالسكر
وملبس الورد اهدي لك


في ناس تحب تتكبر
وفي ناس بالود ترميلك


وفي ناس تجامل الاكثر
تجرحك لوهي تغنيلك


القلب لولاك مازمر
ولاقطفنا قناديلك


قم حبني خلها تكبر
ومدها مع فناجيلك


تكبر بعيني ولا تصغر
من ودك اصبحت كلي لك

.....

رائعة بحق :::

أشعار جميلة الف شكر

أثال
19-11-2013, 05:10 PM
عساك طيب حبيبي ..

عساك دايم بخير ..

تسألني عنك عيوني .. تقول لي انت غير

مشتاق اشوفك بجنبي ..

تعال وبشر بخير ..

بس لاتفكر نسيتك .. صعب هذا يصير

والله ماحد بقلبي ..

من يوم وانا صغير ..

مريت انت بحياتي .. وصبحت حبي الكبير

غنيت معك الاغاني ..

خليتني بجوغير ..



......اثاااال

أثال
25-11-2013, 09:45 PM
التعاليل


علليني بالنسايم والحروف
عز بحروفك معي حتى الحكي


صابني منك كثير من الكسوف
اندهشت اسكت وانا ابكي بكي


سولفي لي عن غلا ذيك الهنوف
وعن دواوين الرجال المتكي


وعن غدير حيال والعالم وقوف
والبهم والناس منه ترتوي


وعن ظفائر مشطها حد السيوف
وعن نزول البدو حتى ترتعي


وعن ترانيم الاحبة بالضيوف
يابعد هذا المساء المخملي



...اثااال

أثال
25-11-2013, 09:47 PM
الامل


ياما بنيت من الامل برج وبيوت
ومن كل زهرا قلت هذا قطافي


والبسه من حلت الدر ياقوت
وسرح انا وياه بقفر الفيافي


ورمي عليه من الوله ثوب وبشوت
عساه مايوطى على الجمر حافي


وان فات فينا العمر ماينفع الصوت
حلآت لبس الثوب لآصار ضافي



...اثااال

أثال
26-11-2013, 02:46 PM
من شافني مهبول وابيع عقلي
لاهل اللحى او لابسين العمايم



واحد يجيب كتاب ويقول تدري
عن شيخنا عن شيخكم عن غنايم



واحد يقول اشتم واللطم بصدري
وردد مع الرادود وشد العزايم


وسلامنا واقف على باب قصري
وصرنا نكيل البعضنا بالشتايم



ياحزني اللي شايله طول عمري
منهو يعدل وضعنا صار عايم



واللي يدمر ديرته صار نمري
اسد علينا او خليفة نعايم



وضاعة حضارتنا من البيت بدري
صارنا تفر من البلد من غشايم



......اثااال

أثال
27-11-2013, 01:00 AM
قسوة كلام وزدتني قسوة الصمت
وتشب نار وقازها دمع عيني


وبكي عليك ومنك وبكي من الوقت
ويبل حزن العام باقي السنيني


وتتعثر الخطوات ومشي ولاخفت
لوان وقعك يالمطر مايجيني


انت القديم اللي معي وين مارحت
وانت الجديد اللي بقاء حي فيني



....اثااال

أثال
27-11-2013, 01:13 AM
هدية حب

مدري وش اللي جابك اليوم عندي
جيتي بالي والوصل كان مقطوع


يافرحتي.. خوذي شعوري وردي
وهدي سلامي.. العتب صار مرفوع


بعض الليالي لونها كان وردي
وبعض الليالي هم... وفراشها دموع


في صوتها نبره حنان و تحدي
ومن ضحكها اطيب والقلب موجوع


بالله ردي ..خوذي اليوم ودي
انتي هدية حب ..وانتي لي شموع


....اثااال

أثال
27-11-2013, 01:27 AM
شع شع صباحك غناوي طير
ورف رف عليك الامل كله


حبيت اقولك صباح الخير
واقدم الورد مع فله


ان جيت يمك لقيتك غير
ون غبت عنك على المله


كل يوم وانت صباحك خير
يحفظك ربي من الزله


عساك دايم حبيبي بخير
هات الفناجيل والدله


وخذني صباح الرضا يامير
ونسا الزعل والجفا خله


ادري بقلبك حنانك غير
ياسرع دمعك على هله



....اثااال

أثال
29-11-2013, 11:59 PM
وجهة نظر



كان تفكيرك معي جدا غريب
تقصى الانسان من وجهة نظر


كلنا مرات نخطي او نصيب
بس نتعامل على انا بشر


التكبر ياحبيبي مو غريب
ولاشايفنا قطيع من البقر


خل ارائك توديك وتجيب
وخلنا نهدي على بعض الزهر


المحبه ماهي بسمك يالحبيب
ابتلينا فيك وامثالك كثر



....اثااال

أثال
30-11-2013, 12:33 AM
خلنا حلوين



ترى كل البشر تحكم على الاشياء بنظرة عين
وانا حكمي على بعض البشر لاشفت عنوانه


اظن اللي يحب الناس .. يعطي كاش ماهو دين
لان الدين ماحبه .. ولا طقيت بيبانه


لــ نفرض اني ماحبك .. ولاناظرة مره زين
اجل وشلون قلبي مال ..وغناء اعذب الحانه


تفضل قول وش عندك ..تهور او شقاوة مين
اقولك خلنا حلوين ..وهذي زلت السانه



.....اثاااال

أثال
30-11-2013, 03:17 AM
وجع

ماكفاكم من وجع راسي وجع
حتى حرضتوا عليا الاحتجاج


شفت كيف الناس خلونا همج
هم كذا الاصحاب مافيهم خراج


الكلام اللي بقلبه قد خرج
لايفكرني ابي منه ابتهاج


ولو تبي من ضيقة الدنيا فرج
مالقيت اللي يناولك العلاج


ولو تعدله المريه على الدرج
مامسك من القمر غير انزعاج


غير من ذاك الحمام اللي درج
يحتويني حتى لو جوي عجاج


اتصبر وانت نوري ياوهج
ولو خرب جوي عدلت المزاج




...اثااال

أثال
01-12-2013, 11:41 PM
ياشروق الشمس نادهـ
بقهوته وسكر نباته


وياصباح الخير واهله
وطيبتة من حسن ذاته


يامساء الاحساس هاته
بضحكته وبسمة شفاته


ما يزعلني حبيبي
اعرفه وافهم صفاته


...اثااال

أثال
02-12-2013, 12:14 AM
ياضايقه


ياضايقه ترى الفضاء ضاق بصحاب
وشقيت صدر الليل بغصة حنيني


وكسرت من عود الحطب ضلع ل حباب
وفرشت من بيت الشعر رمش عيني


وسيلت من عيني دموع ب الاهداب
وناديت ياربي ضلمني ضنيني


ودعيت له في تالي الليل محراب
وسجدت ل الله سلمه في يديني


وغطيت هذا الليل في جفن مرتاب
وشبيت نار الشوق ادفي سنيني



...اثااال

أثال
02-12-2013, 01:06 AM
طال الجفاء ..

قلوبنا تمتلى ود

قلبي به الغيره ويشره عليها

ادري بها ..

مايوم زعلت علا حد

ولا افكر يوم .. ازعل عليها

بس القلوب ..

لو تختلف تمتلي ضد

وانا احس الحب .. واحس فيها

يافاكره ..

ليل الغرام امتلا ورد

ياجارحه ..

ذاك الامل في يديها

ياهاجره ..

كل الرسايل بلا رد

ياواصله ..

احساس قلبي يبيها

وش فيك ياقلبي تغيرت من جد .. حتى وانا زعلان اوله عليها



....اثااال

أثال
02-12-2013, 11:53 AM
الهيم هي العطاش من الابل

ولا يطلق عليها هذا الاسم الا اذا اشتد بها العطش وورودة لشرب الماء قال تعالى (فشاربون شرب الهيم)
واذا تزاحمة على الماء كسرت الحوض وهناك مثل شعبي يقول (العطشانه تكسر الحوض) رغم ان الماء سبيل لها
ويضرب المثل في النساء


لعلها من عطاش الهيم اذ وردت ... كسرت إنآ الماء وهو سبيلا

...اثااال

أثال
04-12-2013, 08:53 PM
هدية حب


مدري وش اللي جابك اليوم عندي
جيتي بالي والوصل كان مقطوع


يافرحتي.. خوذي شعوري وردي
وهدي سلامي.. العتب صار مرفوع


بعض الليالي لونها صار وردي
وبعض الليالي برد... وفراشها دموع


في صوتها نبره حنان و تحدي
ومن ضحكها اطيب والقلب موجوع


بالله ردي ..خوذي اليوم ودي
انتي هدية حب ..وانتي لي شموع



....اثااال

أثال
04-12-2013, 09:10 PM
***

انا بنتظارك من امس
اجلت كل انتظار

اكيد بحساسي يقين
انك اذا رحتي تجين

باالله ياعين الشمس
وينك حياتي من امس

جيتي ومستحيه
خذاك من عيني الكسوف
وانتي مخضبت الكفوف

مستحيه كلمتها همس
تفرك اصابعها الخمس

صارت مشاعرها كتاب
اقراها من فوق الحجاب

فيها الهناء .. وفيها العذاب

واحساسها كله يقين
إنا بوعدنا ملتقين
واني على حبه امين


....اثااال

أثال
08-12-2013, 08:55 AM
خطيه


انت ياقلبي مامنك خطيه
الخطية جت من قلبي انا


وين مالديت يتحمل اذيه
وماشتكا في يوم من هذا العناء


ولو ضحك لك يوم يتغيرعليه
وان بكا يبكيك اكثر من هنا


خفت اني فيك اتحمل اسيه
والليالي طول ويزيد الاساء



والمشاعر في غلاها سامريه
وماقدرة اقول ياقلبي كفا


شفت بعض الناس تتغيرعليه
وانت ياقلبي تبكي من سنا


ماتغير لو تغيرتي عليه
وان طلبت الوصل زيديني جفا



...اثااال

أثال
08-12-2013, 08:57 AM
لاوربي ماابي الا رضاك

ماابي تزعل ..انا اكون السبب


قل لي وش ودك ..حسسني غلاك

انت عندي .. ماتقارن بالذهب


لاتصدق حد .. من قلبي خذاك

لاتظن اني ..عليك انقلب


انت صوت .. كيف مالبي نداك

والا اشر .. والا اطلبني طلب


تدري ماتحلا .. ليالينا بلاك

مااذوق النوم.. وانته مغترب


قلت سم .. كل هالدنيا فداك

ليه ..! شايفني اعيش بلا قلب



.....اثاااال

أثال
08-12-2013, 08:59 AM
قلوب احباب


حبيبي وش عليك من العواذل
عرفت الحب .. وغيرك مايدله


دخلت القلب.. وكنت من الاوائل
وغيرك يطعن القلب ويذله


لقيتك بالهواء انسان عادل
تحب الحب وتعزز محله


سكنت بقلب من ابها المنازل
مليته حب وسجلت بسجله


قلوب احباب .. ماهو قلب جاهل
يعيش الهم ..من زله بزله


حبيبي قلهم مقدر اواصل
وانا احس المهونه والمذله


ترى كل شي فيه اليوم فاصل
الا الحب لو يفصل تمله



....اثااال

أثال
08-12-2013, 09:01 AM
ازعل على قلبي لونه يناديك
خلاص انهينا معاك العلاقه



كم مره تخطي بحقي وراضيك
واقول نت و دردشه مع رفاقه



واثرك ترتب شي والقلب مغليك
ابغاك باب وصاير اليوم طاقه



لاتنزعج لاجاك جرحي يعزيك
اعرفك دفش وماتعرف اللباقه



تحب تطعن صاحبك في بلاويك
دمرت في نفسي حدود الصداقه



غنيت باسمي يوم كنا نغنيك
واليوم لو تسمح ترد البطاقه



...اثااال

أثال
13-12-2013, 07:35 AM
***

دعيت ربي وانا طواف .. بالبيت واحب اركانه

الله يجازيك ياعساف .. والعت بالقلب نيرانه

راح الوضيحي وانا بيلاف .. بجبال مكه وشعبانه

كم ليلة قلت يارواف .. يطيح قلبي على شانه

اللي خذا قلبي الخواف .. ياحلو خوخه ورمانه


....اثااال

أثال
13-12-2013, 08:04 AM
( حمرة خجل ) والا.. حروفي بهن بوح

هلت تباشير الفرح

.. ماعلينا

ساعات اضحك ..وممتلي قلبي جروح

وساعات ابكي هم .. للعا شقينا

من صار لي مينا ..

انا اصير له روح ..

(فيض الشعور) اللي لعينه قرينا

(الغايب)الحاضر..

سكن مهجة الروح ..

كم غايب عنا .. ويسئل عليـنـا






................اثااااال

أثال
13-12-2013, 08:41 AM
***



يسعد مسأك .. وكل ذا الحلم لك

والشمع ..

اولع لك اصابع يديني ..

ومسح على راسك .. وقول :العين لك

انت الوحيد ..

اللي بقلبي وعيني ..

ياما خذت مني الليالي .. وخذت لك

غالي من الغالين ..

ياسيد عيني ..

تزعل احبك .. بس والله مارخصك

خلك بعيد ..

وخل حبي دفيني



....اثااال

أثال
14-12-2013, 01:39 AM
***


ترى ماني لبعض الناس لابندق ولانيشان
برك حظي جمل ماقام لوني كنت راميها


انا من هـ المعادن معدني معدن الانسان
وعروس المطر لو جت ماني مخليها


اشد الركايب ونطح الفال بالاحسان
واداوي بقايا العمر ب احلا لياليها


تريث علينا شوي ياشايل السندان
لاتنحر الغيمه وهي في معاليها


تسيل مدامعها على وادي الاحزان
تهل المطر من غصة عائشه فيها


برك حظك ياظالمني اذا ماتوزن الميزان
ترى بنفس شي كثير ولاتقعد تاذيها





...اثااال

أثال
14-12-2013, 12:31 PM
سلة الحذوف




ماعلي من الفراغ ..صار عندي احبه
لاب تبي بجنبي وطقطق عليه



عالمي الافتراضي.. صرت مجبر احبه
كل ماغبت عنه ادور عليه



في بريدي رسايل .. واللي اقرا اكبه
سلة المحذوف عندي وشطب عليه



كم لقينا مدايح وكم لقينا مسبه
صعب اني بذا العالم وسيطر عليه



حلمي الافتراضي صار واقع احبه
بس ابغاك انته اداري عليه



لاتعيي دخيلك شفني طالبك طلبه
قدم اللي تعرفه واللي تقدر عليه



.....اثااااال.

أثال
16-12-2013, 05:11 PM
المشاعر



ليش كنت تبوح في احلا المشاعر
ليش صرت اليوم تتغلا علي




مادريت انك سكنت احساس شاعر
وصارت حروفك محسوبه علي



خلني بالله اترجم لك مشاعر
لاتقول اثال يتغلا علي




قل لكل الناس انه كان شاعر
بالمحبه لي وبالغيره علي




.....اثااال

أثال
17-12-2013, 12:19 AM
خصلة امير


مابكيت بشبابي صرت ابكي كبير
لعبت الايام فيني وانت اسبابها



كان امري يهمك شفني عندك اسير
امسح دموع عيني بفرحة احبابها



لاتكبر علينا وانت توك صغير
للمحبه قلوب و تفتح ابوابها



كل طبعك حلو بس ثقلك خطير
لك مكانه بقلبي وانت ادرابها



مانسيت المواقف ومانسيت الاسير
يوم كلن بوجهي صك بيبانها



اشهد انك وفي وفيك خصلة امير
تجمع الناس عندك وانت ربانها



ليتني بس اشوفك لالبست الحرير
وحضنك شوف عيني وانت قدامها




....اثااال

أثال
17-12-2013, 10:41 PM
اول الحب انتي
واخر الحب انتي

وينك انتي ..!!
وين كنتي ..؟؟

خابره يوم التقينا
كنت القاء الشوق يمك
كنت القاء العشق يمك


وانا امطارك ويمك
وانتي عطشانه
اضمك ..

انا يمك
اجمع الوانك حدايق
وطفي نيرانك دقايق


فاكره يوم التقينا
كانت تذوب العواطف
في حلا ريق الشفايف

وانتي عطشانه
انا يمك

مقدر الا اضمك


...اثااال

عبادي فنان العالم
28-12-2013, 09:02 PM
خلني بالله اترجم لك مشاعر
لا تقول اثال يتغلا علي

قل لكل الناس انه كان شاعر
بالمحبه لي وبالغيره علي

فـلاش
28-12-2013, 09:27 PM
الأخ الشاعر آثال
قلم جميل وفاعل في المنتدى..

نتمنى أن نرى له عودة قريبة..

أبيات الغرام
28-12-2013, 10:22 PM
مشتاقين لقلم الجميل أثال ..

أثال
04-01-2014, 04:20 PM
فلاش .. ابيات

مشكورين على المشاركه والمرور


الحياة

الحياة اللي بها نقص ومذله
ماابيها لوبها تكون الحياة


اطلق ايديني انا دربي ادله
قادرا بالله حل المعضلات


المعالي ماهي فنجال تصله
ماهي جلسه راقصه بين البنات


اومجالس تحتوي بعض الأذله
اوسكوت الناس عن ظلم الذوات


روح عنا شوفلك (...)شله
ماسلنا يوم عن اهل الشتات


لعبة الاشواك فوق الورد سله
صحت بين الناس ..وين اهل الثبات


ياسلفنا ياخلفنا .. باي مله
تنتحر امه من قهر الذوات



الكراسي واقعه .. بالفين عله
والمعالي في حديث الذكريات



الصلاة اليوم مقصوره بظله
اذنوا بالناس.. حي على الممات




....اثاااال

أثال
04-01-2014, 06:20 PM
غلانت

محد دخل قلبي من الناس الاانت
ومحد ملى عيني يانور عيني


خليني يومين ادور على النت
يوم لقيتك غبت ياشيب عيني


وش ذا الجمال اللي نقشتيه يابنت
حلو الاصابع فوق نقش اليديني


ياما جلست ابحث من نت الى نت
وانتي بجنبي بس ترفض تجيني


طيب خلاص اودعك وين ماكنت
لاصار حظي صاير اليوم طيني


خلاص بكتب جنب اسمك غلانت
وتذكرك طول العمر والسنيني


...اثااال

أثال
04-01-2014, 06:39 PM
غلانت

محد دخل قلبي من الناس الاانت
ومحد ملى عيني يانور عيني


خليتني يومين ادور على النت
يوم لقيتك غبت ياشيب عيني


وش ذا الجمال اللي نقشتيه يابنت
حلو الاصابع فوق نقش اليديني


ياما جلست ابحث من نت الى نت
وانتي بجنبي بس ترفض تجيني


طيب خلاص اودعك وين ماكنت
لاصار حظي صاير اليوم طيني


خلاص بكتب جنب اسمك غلانت
وتذكرك طول العمر والسنيني


...اثااال

أثال
06-01-2014, 09:40 AM
**

شقشق العصفور


اديري علي الكاس في غسق الدجا
معتقتة من بئر هاجر زمزما


ثم اوقديني على المحراب اتلو لكم
من وحي قلب ينبض العجبا


ماشقشق العصفور الا بدجا طربا
بتمتمات من القران يتلوها


ولا تيمم الا وهو قاصدها
ولا توضاء الا من ارضيها


ولا تنادم كاسا الا وهو عاصرها
ولا استفاق من الشيطان راعيها


ولا تطهر من رجس ولا وثن
الا الحبيب خليل الله بانيها


ولا تداعت غصون الورد مائلة
الا لئن الود ساكنا فيها


ان الاماني اذا عاشت بنا املا
عطرا من الله فوق الياس يهديها


....اثااال


***

أثال
08-01-2014, 07:05 AM
فلفل على حامض


فلفل على شطه وليمون حامض
يمكن يسلك غصتك ي ابن الاجواد


انا بجوي وانت ب الارض رابض
وان ماعجبك الجو البس لك حداد


الناس واجد والبحر دوم فايض
وش عاد تبغا بين مركب وصياد


كل ماجمعت الليل القاه غامض
ضد النهار ودايم الليل ينقاد


فيه المشاعر كنها روض هايض
للي فقد من اجمل الناس ميعاد



...اثااال

أثال
08-01-2014, 01:12 PM
خلك صديق

خلك صديق ولا تقرب لـ قلبي
انا وقلبي مصطلحنا من سنين


اخاف تزعل منه لا صار سلبي
تتغير الايام ونرجع حزينين


وبكي عليك العمر ابيك جنبي
خلاص لا تصدق كلام المحبين


والله ماشبع منك لا صرت جنبي
شفني انا ويك مثل المجانين


نصرخ من الضحكه ونبكي يـ قلبي
مدري انا وياك نمشي على وين ..؟



...اثااال


**

أثال
14-01-2014, 03:25 PM
***

عقرب البيت


عقرب البيت تقرصنا وحنا صغار
يوم طالت اضافرها علينا وش تبي؟


خلها بيوت ابوها تحتوي الانتظار
ماابيها على صدري ولا منكبي


يم وجهين كذبك واضح ك النهار
منتخبت الغويه وبيرتي زمزمي


قلها بختصار الحمامه حصار
وان صيد القماري يبي له رمي


وما يجيك المطر غير عقب الغبار
وكل عقرب على المزراب اوطاها وطي


مالعبنا صغار ومالهينا كبار
وذيك سم العقارب تحت شبشبي



...اثااال

**

أثال
14-01-2014, 04:46 PM
***


ماهمني لو قالوا الناس شاعر
انا قضية صرت اكبر من الشعر

...اثااال

**

أثال
19-01-2014, 08:13 AM
باح الغلا

لاتعتذر الحب مابه معاذير
يكفيك من حلو المحبه عتابه


خل العذر للي جروحه مغاوير
عيت تطيب وصاحبه مادرابه


باح الغلا في حب همس الغنادير
قلبي بكاه وجاء يقبل ترابه


لاوعذابي كان هذي مقادير
ودي رضاه وصاحبي صك بابه


...اثااال


***

أثال
19-01-2014, 03:37 PM
الخلوج


ياالخلوج اللي بكت عيني عليها
ومايمل القلب من كثر الصياح


يوم انا توي سقتني من يديها
ويوم غابت حق اهديها النجاح


ليه عيني مابكت الا عليها
ليه عيت عن كثير من الملاح


وشبها زايد وانا وشبي عليها
غير انه قدمتني لنجاح


ياصباح الحمد قم بارك عليها
وياصباح النور مع هذا الصباح


حسبي الله كان نكتوا عليها
وحسبي خير الظن من كثرالصياح


ماالوم اللي بكاء قبلي عليها
وماالوم القلب ينبت به جراح



....اثااال

أثال
20-01-2014, 09:24 PM
**

ماابيك

منت ملكي افرض ارائي عليك
انت عندي شخص من ضمن البشر


كنت اودك كان قلبي مشتريك
لاتفكر يلحقك مني غدر


انا بالمبدا اعزك مثل اخيك
ونت لك مبدا مع الناس الحذر


خفت اني جاي اتريق عليك
قلت في ناسك علي واحد قذر


سامحك ربي انا اشره عليك
ماغلطت بحق غيرك لو بزر


انت ودك واحد يهايط عليك
كل يوم يجيك شايله عذر


عاد تكفى روح عني ماابيك
مثل ماتروح الليالي ياقمر



عاد عيدك ربنا يعوده عليك
خل هذا الشي باقي بصدر


.....اثاااال

**

أثال
22-01-2014, 02:19 PM
واحد يهمك واحد غم
همين صارو على قلبك

خفيف عقله ثقيل الدم
اصحى تطاول على عمك

عقيم مابك ضنا او شم
دور على غيري يلمك

...اثااال

**

أثال
22-01-2014, 03:34 PM
شف غيابك مر ..

في غيابك ..

قهوتي مره وساده

الصبر فيها زياده ..

في غيابك ..

ليلتي مره وساده

مالها طعم الوساده ..

في غيابك ..

انا ابكي .. انا اشكي ..

انا اتالم زياده ..

في غيابك ..

كل شي واقف وساكت

لا كحل هــ العين ..

لابسمة شفايف .. لاقلاده

مر علينا .. مر

شف غيابك مر ..


...............اثاااال

أثال
23-01-2014, 07:11 AM
الايام

عادت الايام تضحك لي سنين
الفرح يلعب معي ويضمني


مادريت اني بها رهن الحنيين
كل ماسالها تقول تهمني


طارحتني في فراشي وشتنين
قمت عنها والحقتني تضمني


لين اعمتني وخلتني رهين
وملكت قلبي وانا ماهمني


اللهاكبر
من جهل ذيك السنيين
كل ماتضحك على تلمني


عشت بالايام مرفوع الجبين
عاشت الذكرى معاي تخمني



...اثااال

**

أثال
24-01-2014, 07:15 PM
**

الحر يخطفها وهي بـعلآ سما
ويحوم فيها فوق روس جبالها


والذيب يقنب لاعدى حول الحمى
يوصل مفاليها ويحوس ارحالها


لا صرت بالبستان احذر نحلها
قبل العسل لازم تشم ازهارها



...اثااال

أثال
25-01-2014, 03:28 AM
**

اهدي تحياتي لموقف ثباتي
ودثر القسوه بفرحه طريه


يافرحة ايامي بمذبح نجاتي
يامنيتي جيتي بليا جزيه


طاب الفرح توه وطابت حياتي
ومشاعري تلعب طرب سامريه


وانا اشهد ان العمر لذة فتاتي
يمضي بناء والناس بالموت حيه



اضحك على فقري بساعة غناتي
يامدور العزه بثوب اجنبيه


ياهووووه ردي مشلحي مع عباتي
مالي انا ومال شر البريه


فرحان فيه وجابه الله لذاتي
ومن فرحتي حتى الانا مخمليه


...اثااال

***

أثال
25-01-2014, 05:50 AM
**

ترمي كلامك علي ودك توبخني
وانا اللي ماشي معك بسمع والطاعه


وش جاك مني حبيبي لاتفضحني
عشان ذاك الغلا اصبحت شماعه


ازرع لك الورد وانت اللي تقطفني
واظن ماني ورع احتاج رضاعه


...اثااال

أثال
26-01-2014, 02:48 PM
زعوله


يامزعله ليل الرضاء بقفلة الباب
يانايمه بالحاف هجر وزعوله



ياقاطعه لو بيننا ثار ورقاب
كله زعل ولا بطبعك خجوله


وش جاك مني هاجرتني بلا سباب
حتى سلام الله تبخل تقوله


تدرين اني بنيتي بين الاصحاب
لو مابقلبي حب بقلبي طفوله


تتصورين اني اطالبك همسة عتاب
ولا اسف يرضي مقام الرجوله


يكفيني انك غاليه بين الاحباب
انتي ملكتي حب قلبي بطوله


بكره تعالي عندنا مافي اغراب
وهاتي معك ورد الرضاء ياعجوله


...اثااال

أثال
26-01-2014, 09:32 PM
زعوله


يامزعله ليل الرضاء بقفلة الباب
يانايمه بالحاف هجر وزعوله



ياقاطعه لو بيننا ثار ورقاب
كله زعل ولا بطبعك خجوله


وش جاك مني هاجرتني بلا سباب
حتى سلام الله تبخل تقوله


تدرين اني بنيتي بين الاصحاب
لو مابقلبي حب بقلبي طفوله


تتصورين اني اطالبك بعتاب
ولا اسف يرضي مقام الرجوله


يكفيني انك غاليه بين الاحباب
انتي ملكتي حب قلبي بطوله


بكره تعالي عندنا مافي اغراب
وهاتي معك ورد الرضاء ياعجوله


...اثااال

أثال
27-01-2014, 12:45 AM
**


لاتصدقني احبك .. ولا يكذبني غلاك

ان زعلت ازعل بحبك .. وان رضيت ارضا معاك

من غلاك ودي ادبك .. ومن زعلك اشري رضاك

ان رضيت اسعد بقربك .. وان زعلت مالي سواك

انت حبي وانا حبك .. بس لااخسر غلاك

ياالله اضحك

منين احبك ..؟ من اقبالك او قفاك


...اثااال

***

أثال
28-01-2014, 02:11 PM
كاس الجليد

اسقيك من كاس الرضاء
تسقيني من كاس الجليد


افرش لك عيوني غطاء
وتــ طير عيونك شديد


واحس فيك من الجفاء
اشد من صلب الحديد


ويشب لك شوق وغضاء
ويزيد صمتك ياعنيد


والله مامنك خطا
واكيد مامني اكيد



وش فيك صاير بك بلا
اشوف هـ القصه تزيد


هذا الدلع والا الغلا
والا التغلي يافريد



كل يوم ارسل لك هلا
وترسلي من صمتك بريد



وشلون تبغاني هنا
واجيك وتبعدني بعيد


اظن في حاجه خطا
ماقلت لي عيدك سعيد



....اثااال

أثال
30-01-2014, 01:45 PM
اشفق عليك


اشفق عليك تحسب اني احبك
يعطف عليك القلب عطف المساكين


لا يزعل احساسك على لو اسبك
كم مرة منك اكلت السكاكين


اصبر اداري طعنتك لاجل ربك
اللي امر حسن العطاء للضعيفين


مسكين ياقلبي مشاء غير دربك
واطي على درب الرجال الامينين


...اثااال

**

أثال
31-01-2014, 07:11 PM
فلاش

أين اختبي ..؟ الكون كله مناظير
فلاش نور العين يكشح عليه


اريد ادور عذر .. القى معاذير
عياا حبيب القلب يرضى عليه


طبعه غريب يقول هذي مقادير
عيون حساد الهوى دوم سيه


تدرون ماهو بار .. ماهي مواخير
ادري ضنيني مايظن الرديه


اصبحت في حيرة سؤال وتفاسير
عياا يجاوب نص كلمه عليه


الله يحفظ حب زين الغنادير
لوكان يبعد غير اقرب شويه


...اثااال

**

أثال
03-02-2014, 05:59 AM
ترمي الكلام


ترمي كلامك علي وتحب تتبلا
يااخي تاكد قبل ﻵتظلم احبابك



نفسي اسامح ودي عنك اتخلا
والقلب ماطاعني واقف على بابك


ياقو قلبك على لاصرت تتجنا
وياطيب قلبي معك ماطاع حسادك


من سكر الشوق جابه ليه يتغلا
يذوق مر الكلام اللي من اسبابك


لما ابوح الكلام اتقول اتمنا
وان جيت في عزتي تقول وش جابك


...اثااال

***