PDA المساعد الشخصي الرقمي

عرض كامل الموضوع : خالد عبدالرحمن - سنقلات 2014



hilaleee
31-12-2014, 03:26 PM
صوتك مطر (http://www.king-kalid.com/albums/amg/9wtk-M6r.mp3)

كلمات : غياهيب
الحان : موسى محمد


صوتك مطر والقاك يشبه ربيعه
يامن ملكت القلب ومشاعره ملك
حملت قلبي فوق مايستطيعه
وعيني بها شوق انتظرك وتأملك
عذري وفاء واعذار وصلك ذريعة
ماكن قلبي بين راحة أناملك
من كثر ما قلبي غرامك يطيعه
احيان احس ان المشاعر تجاملك
لكن في قلبي وفيني طبيعة
أكملك بإحساس وآخذك كاملك
خذ حصتك من زرع شوقك وريعه
واللي شمل قلبي من الشوق يشملك
مادام لك بيعه ولي منك بيعه
عهدي يجملني وعهدك يجملك
إما وفا وإخلاص ولا قطيعة
هذي خيارات الهوى كيف أعاملك ؟





سيد الجرح (http://www.king-kalid.com/music/SAYED_ALJARH.mp3)


كلمات : محمد بن عبدالعزيز
ألحان : بكر عبده


ياسيد الجرح لو تدري
وش كثر متلهف لشوفك ؟
مشتاق لك والعمر يسري
ماغير اسولف مع طيوفك
لا قلت ولهان ياعمري
إلى متى القلب مكتوفك
تقول تو الهوى بدري
كمل جميلك ومعروفك
الشوق مايسمح لعذري
والوجد مايقبل ظروفك
أشعلت بأقصى الحشا جمري
لين انطفى من كثر خوفك
وإن كان ناوي على هجري
انا اللي بتحضن سيوفك
مادمت للحين ماتدري
وش كثر متلهف لشوفك ؟






أخلف مع نفسي (http://www.king-kalid.com/music/a5lef_ma3_nafsi.mp3)



كلمات : غياهيب
ألحان : وليد الشامي



أخلف مع نفسي اللي دايم أوعدها
إني بدونك حياتي بقدر أسعدها
وأصدق ولكن الوله في مهجتي اصدق
من لحظة بالتغلي ماتوعدها
يجبرني الظن والأشواق والغيرة
لله در الهقاوي فيك مابعدها
حالي من الوجد صار يبان بعيوني
والوصل كحل العيون وبعدك ارمدها
كأن في قلبي المشتاق لك فتنة
هديتها بالتغاضي لاتصعدها
كل المدن اللي بها لإحساسنا ذكرى
تشبه مدينة بقلبي لك مشيدها
كلمة أحبك قبل ماتوصل شفاهك
ينطق بها القلب وإحساسي يرددها
بعض الليالي بوجدي منك تسهرني
والبعض من حلوها ماودي ارقدها
ويحكم لك القلب لإنصافك ويظلمني
وعواطفه ماقدر حكمه يجردها
لأنه يحبك ويحلم بك ويحيا بك
وآماله البيض مايقدر يبددها





عذرتك
(http://music.ma7room.com/mp3/3Thrtk-5ald-3bdr7man-Ma7rooM.CoM.mp3)



كلمات : غياهيب
ألحان : موسى محمد


تخيرتك محبة ماتخيرتك ألم و أوجاع
أنا محتاج لك توقف معي وتقدر أوضاعي
أذا قلبي قنع عقلي لأجل يكسب غلاك وطاع
ترى لي نفس ماتقبل ورا الإحساس تنصاعي
أنا جيتك وفا وإخلاص ومشاعر غلا وإقناع
وجودك في حياتي ينحسب من غاية أطماعي
على مبدا القلوب اللي عهدها والوفا ماضاع
غدى حبك يشكل جزء من منطومة أطباعي
تهب هبوب ذكرى كل ماهب الهوى ذعذاع
مع طيفك .. وصوتك له صدى في خافي اسماعي
برق لك في ظلام الشوق وغيومه أمل وشعاع
تباشر به غلاك اللي ضمى مابين الأضلاعي
ملكت من العزوم اللي رقت بي هزعة المطلاع
وبعد ماصرت في قمة شعوري .. يصعب ارجاعي
عذرتك والظروف تشف لأعذارك لقاء و ووداع
و أنا ادري بإن عذري والعتب ماعاد له داعي



يابوي (http://cdn.top4top.net/d_69e9b4b8eb1.mp3)
( اغنية خاصة في الأب )

كلمات : بندر رشود
ألحان : خالد عبدالرحمن



الله يمد بحياتك يابوي اكثر
لأنك الشامخ النايف عن الباقي
يا تاج راس الكبير ويا ذرا الأصغر
لولاك مازانت الهقوة على الهاقي
خليت الحياة يصير لي اخضر
خليت هم السنين يموت بأحداقي
علمتني إن بعض الصبر يتذمر
علمتني كيف أغلب الناس بأخلاقي
ياعزوتي كل ماشفت الزمن أغبر
وياراس مالي وياربحي ويااشواقي
وصى عليك الغفور الظاهر الأكبر
مما جعلني أحطك داخل أعماقي
لك احترام و غلا لابد مايظهر
ياعرق دمي ويانبضي وخفاقي
تراك مثل السحاب اللي علي أمطر
تحيا بك الروح ياظلي ومشراقي
أموت ما أنطق بـأفٍ ولا أنهر
إن عاش راسي على عهدي وميثاقي

عاذب الأجواء
31-12-2014, 06:10 PM
الله يسعدك يا ( hilaleee )
هذا الشغل ولَّا بلاش
خالد فنان إحساسه وَ مغناه يفوق جميع المعايير
مجموعة رائعة من الأغاني وَ إهداء جميل وَ ذوق
شكراً جزيلاً لك وَ نريد من نوادر مخاوي الليل وَ أنت كريم
تحياتي لك على هذا المجهود المثمر بالإبداع
الله يحفظك أنت وَ من تحب

الجيهان
01-01-2015, 04:11 AM
عمل فخم ومميز جمع سنقلات خالد عبدالرحمن 2014 في موضوع واحد

تعجبني هاذي الفكرة ويعجبني هذا الذوق وبصراحة مخاوي الليل يستاهل

يكون على ملتقى الفن العام وأعماله كلها تكون موجوده وبجودة أصلية

ألف شكر أخوي الغالي hilaleee (http://www.vb.6lal.com/member.php?251805-hilaleee) على هاذي الأعمال المميزة

أنت وباقي الأخوان الأحباب على ملتقى الفن العام ....

ليل و طرب
02-01-2015, 04:45 PM
كل الشكر هلالي