PDA المساعد الشخصي الرقمي

عرض كامل الموضوع : احب اقول لكم تجربة لأول مرة في حياتي اسويها



ليل و طرب
11-02-2015, 12:41 AM
احب اقول لكم تجربة لأول مرة في حياتي اسويها


السالفة وما فيها إني اعرف واحد عنده بعض المشاكل في الظهر والرقبة

كان دايم يشتكي عندي ويشرح لي قصته مع الأمراض

في البداية يقول قبل الزواج كنت بصحتي ووضعي كان سليم

وبعد الزواج استمريت حتى جتني بنت بعد سنة أولى زواج

وبعدين بدأت المشاكل بيني وبين زوجتي وبدأت نفسيتي تتغير وازعل من اتفه الأشياء ودايم متضايق

في البداية الألم اللي عندي بالظهر والرقبة كان عند زوجتي وبعد 5 شهور تقريبا صار الألم موجود فيني

ويقول رحت تعالجت في المستشفيات واخذت زوجتي معي .. وتحسنت حالتي ولكن يرجع الألم بين فترة وفترة

ونصحوني في مختص بالرقية الشرعية والأمراض الروحية

وانا رايح للشيخ الفلاني .. ومحتاج إنك تروح معي ..!


قلت : ابشر ولا يهمك .. بس ترى ما افهم شي فيها .. اللي تبي أنا معك فيه


المهم .. رحت معه .. و وصلنا المسجد وكانت صلاة العشاء .. صلينا بالمسجد وبعدين قال تعال

رحت معه .. وأخذني خارج المسجد ودخلنا مع باب خلفي .. وكان فيه غرفة خاصة لبيع الأرقام

كل رقم بـ 15 ريال .. المهم دفع 30 واخذ رقمين .. رقمه 34 وأنا رقمي 35

واخذني ودخلنا في صالة كبيرة فيها كراسي .. وناس جالسين على الأرض .. وانا اجلس على كرسي

وكان فيه غرفة ثانية .. بعد ما انفتح الباب .. شفت ناس جالسين ع الأرض .. اعتقد الغرفة للناس اللي فيهم سحر

المهم .. جلسنا 5 دقايق .. وجانا الشيخ وتكلم ببعض النصائح ودخل للغرفة اللي موجودين فيها الناس المرضى

والصالة اللي احنا جالسين فيها .. كان فيها مكبرات للصوت

وأخذ الشيخ المايك .. وبدأ يقرأ القرآن ... كان الصوت قوي مرة واحيانا يعيد في بعض الكلمات ...

وإذا توقف صوته اسمع اصوات من الناس اللي داخل الغرفة .. تشبه الصراخ والبكاء .. زي أفلام الرعب بالضبط

وبعد 10 دقايق من القراءة .. طاح واحد في الجهة المقابلة لي .. وجلس يتلوى بالأرض

أنا بيني وبينكم .. قلت وش جابني هنا .. عسى الليلة تعدي على خير .. المهم شالوه ودخلوه الغرفة

وبعدين أخذنا حدود نصف ساعة وهو يقرأ في الآيات .. بعدين خرج الشيخ وجلس في بداية الصالة

وكان فيه واحد ينادي بالأرقام .. تعطيه الرقم وتوقف بالصف حتى يجي دورك عند الشيخ

فيه ناس كانوا جالسين معنا وكانت اشكالهم عادية جدا

بس بعد ما قرأ الشيخ عليهم .. اللي صار يصارخ واللي ينصرع

واحد كان شكله أنيق وما تحس ولو بنسبة 1 % إنه مريض

لكن بعد القراءة صار شكل ثاني .. يصيح وحالته حالة

أنا بصراحة قلت : الله يستر .. لا يكون فيني شي وانا مدري

بس قلت : التجربة خير برهان .. خلك معهم وما راح تخسر شي

وامشي في الدور حتى وصلنا .. قرأ الشيخ على صاحبنا .. وطلع عادي .. قلت : الحمد لله

وجاني الدور .. جلست وسلمت وانا كاشخ .. كني جاي حفلة .. قال الشيخ وش تحس فيه ؟

قلت : أبد سلامتك .. انا والله جاي مع زميلي وقلت ناخذ الرقية معه .. ومنها نسلم عليك ونشوفك

حسيت إنه ابتسم وارتاح لي .. مسك يدي وهو مبتسم وقال : دامك طيّب المفروض تقول الحمد لله و

أنا قاطعته وقلت : الحمد لله على كل حال .. بس ما اعتقد فيها شي لو تقرأ علينا .. قال أبشر نقرأ عليك

جلس يقرأ في إذني ويمسك راسي وبعدين حط يده خلف الرقبة وهو يقرأ آيات السحر و آيات الحسد

بعدين قال : انت بخير وابتسم لي مرة ثانية .. حسيت كأنه يعرفني من زمان

ولو إني متعود على هالشي في حياتي .. بالعادة أي شخص اقابله لأول مرة .. يرتاح لي

المهم .. سلمت عليه ومشينا .. وصاحبنا أخذ من عندهم مويه واعتقد زيت .. أما أنا مشيت على طول للسيارة


بيني وبينكم .. كانت ليلة رعب .. بس عطتني إنتعاش حلو .. وقلت الحمد لله على الصحة والعافية

والله يشفي كل مريض ويعينه على ما فيه من امراض سواء من الحسد والعين أو السحر والمس


الحقيقة بعد هذه التجربة وبعد الصدمة اللي شفتها من ناس كانت اشكالهم عاديه جدا ولكن بعد القراءة .. شي ثاني

لذلك .. انصح اللي ما دخل التجربة يجربها حتى يكتشف نفسه بنفسه

والله يعينه على اللي راح يشوفه


___________________

ba7 al3za
11-02-2015, 12:58 AM
https://www.youtube.com/watch?v=DmSsMALi96w


تذكرت هذا :tongue:

ليل و طرب
11-02-2015, 01:08 AM
لا حول ولا قوة إلا بالله

والله العظيم ما كتبت حرف في هذا الموضوع من خيالي

كل اللي شفته بعيني كتبته لكم بالضبط وبالحرف الواحد

ليل و طرب
11-02-2015, 01:12 AM
الواحد يتحمد ربه على الصحة والعافية

وإذا ماهو مصدق لا يكذب الرجاجيل .. يروح بنفسه ويجرب

ba7 al3za
11-02-2015, 01:15 AM
ههههههههههه
مصدقينك بدون ما تحلف
لا تفهمني خطأ :angel:

ليل و طرب
11-02-2015, 01:15 AM
ههههههههههه
مصدقينك بدون ما تحلف
لا تفهمني خطأ :angel:

الضحك هناك بالكشكول

ba7 al3za
11-02-2015, 01:20 AM
خلك عاقل لأن ما ينفعل بهالطريقة إلا اللي فيه بلا ، متأكد ما طلع فيك شي؟

ليل و طرب
11-02-2015, 01:24 AM
خلك عاقل لأن ما ينفعل بهالطريقة إلا اللي فيه بلا ، متأكد ما طلع فيك شي؟

الموضوع مكتوب حتى يستفيد منه الجميع .. ماهو مكتوب للإستهزاء والتريقه

شي شفته بعيني ونقلته لكم

بإمكانك تستفسر عن أي شي .. بدون تكذيب وبدون عبارات خلك عاقل ومتأكد فيك شي والخرابيط الفاضية

مورفين ..
11-02-2015, 01:29 AM
الحمدالله على كل حال
الله يشافي كل مريض وكل مسحور

ياباح انتي اش عرفك بشغلات الرجال خليكي في الطبيخ والغسيل والكنيس

ba7 al3za
11-02-2015, 01:32 AM
أين التكذيب؟

ليل و طرب
11-02-2015, 01:33 AM
أين التكذيب؟

تذكرت هذا

والرابط يعني التكذيب ( ودي اصدق لكن قوية )

ليل و طرب
11-02-2015, 01:38 AM
الحمدالله على كل حال
الله يشافي كل مريض وكل مسحور

ياباح انتي اش عرفك بشغلات الرجال خليكي في الطبيخ والغسيل والكنيس

انصحك بالتجربة يا مورفين .. راح تشوف أشياء عجيبه

وبتكتشف أمور ما كانت تخطر على البال

كما انصحك وانصح الجميع بقراءة الأذكار في الصباح والمساء

ba7 al3za
11-02-2015, 01:39 AM
التكذيب للنصاب اللي في الفيديو وهو مشهد طريف ، وش اللي يزعل فيه؟

ليل و طرب
11-02-2015, 01:43 AM
التكذيب للنصاب اللي في الفيديو وهو مشهد طريف ، وش اللي يزعل فيه؟

الربط بينهم .. خطأ

ba7 al3za
11-02-2015, 01:47 AM
فلتخرس يا عزيزي

ليل و طرب
11-02-2015, 01:49 AM
عموما .. الموضوع للقراءة والفائدة

اللي يحب يستفسر أو عنده سؤال .. يسأل

ليل و طرب
11-02-2015, 02:06 AM
فلتخرس يا عزيزي

هذا الكلام لي أنا

مورفين ..
11-02-2015, 03:14 AM
خلاص عدلتها

ليل و طرب
11-02-2015, 03:17 AM
المفروض الشيخ يقرأ على ميجور لانه من جمهور الطحالب المصرع هههههههههههههههه

قل الحمد لله على الصحة والعافية

مورفين ..
11-02-2015, 03:21 AM
اللهم لك الحمد على كل شيء

مورفين ..
11-02-2015, 03:22 AM
هيا انت عدل ردي مع الاقتباس بتاعك

ليل و طرب
11-02-2015, 03:44 AM
راح التعديل

أساسا ما كان له داعي تعدل .. أنا فاهم قصدك وميجر أيضا

بس من اللي شفته .. اتمنى الواحد يحمد ربه على الصحة والعافية

ليل و طرب
11-02-2015, 03:52 AM
اتمنى من الجميع التجربة


والله العظيم .. ناس عاديه جدا .. ممكن تسولف معه ولا تلاحظ أي شي عليه

وفجأة .. تشوفه قدامك يصرخ أو ينصرع أو يسقط ع الأرض .. وأنت تتفرج ع المشهد ومندهش من حالته

واحد منهم كنت ادردش معه عند غرفة الأرقام .. شكله عادي وكلامه يدل على انه طبيعي جدا

وبعدين .. شفته يصيح ويبكي وينصرع واللي معه يمسكه عشان ما يطيح

وبعد 10 دقايق .. رجع طبيعي وكأنه كان غايب عن الوعي أو نايم .. ويمشي عادي مثل اي شخص


___________


أنا الحقيقة ما ألوم باح أو أي شخص ممكن يشكك في كلامي .. لأن اللي ما شاف بعينه .. صعب يصدق

أنا لو ما عشت التجربة بنفسي .. يمكن ما اصدق

وخصوصا من الأشخاص العاديين لأن الصدمة كانت منهم اكبر من الأشخاص اللي مريضة وباين عليها المرض



كنت اتمنى ما تحكم بسرعة ولكن ... !

مورفين ..
11-02-2015, 03:57 AM
أبدا ما احد يشكك هذا الشيء واقع وحاصل والحمدالله اولا وأخيرا والله يشافي كل مريض

الله سبحانه وتعالى يقول في كتابه الكريم ( وننزل من القرآن ما هو شفاءٌ ورحمة للمؤمنين ولا يزيد الظالمين إلاّ خساراً )

جرح السحاب
11-02-2015, 04:10 AM
هههههههههههههههه

ما دام عجبتك التجربة ياليل

عيدها ثاني

وخذ مورفين معاك صاحب ومنها يسلم ع الشيخ ويكشف كمبيوتر هههههه

ليل و طرب
11-02-2015, 04:16 AM
هههههههههههههههه
ما دام عجبتك التجربة ياليل
عيدها ثاني
وخذ مورفين معاك صاحب ومنها يسلم ع الشيخ ويكشف كمبيوتر هههههه

الرقية ماهي عيب يا ابوضحكة جنان

يمكن لو تجرب بنفسك تطلع مريض وانت ما تدري .. فتحمد ربك وقل الله يعافينا ولا يبتلينا

جرح السحاب
11-02-2015, 04:19 AM
ما قلت في الرقيه شئ ابداً...يابو عيون عسلية

تكلمت عن التجربة

ع العموم نحمد الله ع السلامة احسن
هو الشافي المعافي

..ما تعرف اسم الشيخ

مورفين ..
11-02-2015, 04:23 AM
ههههههههه

ليل و طرب
11-02-2015, 04:25 AM
ما قلت في الرقيه شئ ابداً...يابو عيون عسلية
تكلمت عن التجربة
ع العموم نحمد الله ع السلامة احسن
هو الشافي المعافي
..ما تعرف اسم الشيخ

والله يابو علب

الشيخ اعرف اسمه واعرف اسم المسجد بس ما راح اقول لك

جرح السحاب
11-02-2015, 04:36 AM
يعني بتروح مره تانيه ههههههههههه

الله يسعدك خيو
ويشفيك

مورفين ..
11-02-2015, 04:38 AM
ههههههههه

ليل و طرب
11-02-2015, 04:54 AM
يعني بتروح مره تانيه ههههههههههه

الله يسعدك خيو
ويشفيك


كانت تجربة .. استفدت منها ونقلتها للجميع

والحمد لله على العافية

فيه ناس ياخذون الرقية مرة ومرتين وثلاثة .. يعني الموضوع عادي ولا فيه عيب

إذا كنت تشوف الرقية شي يدعو إلى الضحك .. فأتوقع إن ربي راح يبلاك بمرض ماله علاج

جرح السحاب
11-02-2015, 05:11 AM
مريض المحبة داه ودواه بوصالة

ع العموم حبينا نمزح معك شوي

بوركت

ليل و طرب
11-02-2015, 05:31 AM
مريض المحبة داه ودواه بوصالة
ع العموم حبينا نمزح معك شوي
بوركت


دايم اقول المزح والضحك في الكشكول

هذا موضوع حساس .. موضوع ديني .. موضوع عن الرقية وعن المرضى .. الله يشفيهم ويعافيهم

التجربة طرحتها للفائدة .. ما طرحتها للتريقة والإستهزاء بالمرضى

لو كنت أناني .. بإمكاني اطنش واقول وش دخلني بخلق الله .. وما كان نقلت التجربة من الأساس


__________________


لازم الواحد يكون عنده وعي .. يعرف متى يمزح وفين وكيف

مشكلة لو صار كل موضوع .. ( كشكول ) .. وصار كل عضو ( مهرج ) ..!

جرح السحاب
11-02-2015, 06:02 AM
ومشكله لو كل عضو يبجي يمشينا على كيفه ....ويعلمنىا متى نضحك ومتى نسكت ...

خصوصا انه من طلاب الأبتدائي يعتبر في المنتدى وبمعنى اخر من المستجدين

عجبي على قلة الذوق


خلاص براحتك انت وموضوعك يابو موضوع

جاب اللي ما حد جابه ذلحين

قال موضوع قال

هههههههههههههه

ليل و طرب
11-02-2015, 06:19 AM
ومشكله لو كل عضو يبجي يمشينا على كيفه ....ويعلمنىا متى نضحك ومتى نسكت ...
خصوصا انه من طلاب الأبتدائي يعتبر في المنتدى وبمعنى اخر من المستجدين
عجبي على قلة الذوق
خلاص براحتك انت وموضوعك يابو موضوع
جاب اللي ما حد جابه ذلحين
قال موضوع قال
هههههههههههههه


شف كيف تفكيرك .. هذا يدل على إنك شخص تافه

حتى لو اخذناها بالجديد والقديم .. أنت الخسران بالنهاية

شف من متى أنت موجود بالمنتدى وشف وش قدمت ؟

وبعدين تعال وقارن نفسك مع فلان وعلان ... سواء كان جديد أو قديم

عرفت الحين إنك تافه وما عندك ذرة ذوق


الله لا يبلانا .. قال قديم قال

جرح السحاب
11-02-2015, 06:25 AM
ههههههههههه

ياولدي انا من يوم شفت موضوعك بغظ الطرف في الأرقام والطابور ومدري والغرفه

كل الموضوع رحت انت وواحد ابلة معاك للشيخ قرا عليكم وما حصل فيكم جني وانتهينا

بالله هذا موضوع انت ووجهك

ياشيخ روح نام احسن لك ههههههههههههههههه

ولا تفكر تكتب مواضيع نصيحه

وعشان تطول الموضوع عندك بيت الشيخ واللفه ورقم الشارع وما بتقولنا هههههههههههههههههههه

اجل فين الفائدة

عدمتك انت وموضوعك الحلو ههههههههههه

لا تزعل تراني احب اطقطق عليك شوي مدري ليه ياخي

ليل و طرب
11-02-2015, 06:44 AM
ههههههههههه

ياولدي انا من يوم شفت موضوعك بغظ الطرف في الأرقام والطابور ومدري والغرفه
كل الموضوع رحت انت وواحد ابلة معاك للشيخ قرا عليكم وما حصل فيكم جني وانتهينا
بالله هذا موضوع انت ووجهك
ياشيخ روح نام احسن لك ههههههههههههههههه
ولا تفكر تكتب مواضيع نصيحه
وعشان تطول الموضوع عندك بيت الشيخ واللفه ورقم الشارع وما بتقولنا هههههههههههههههههههه
اجل فين الفائدة
عدمتك انت وموضوعك الحلو ههههههههههه
لا تزعل تراني احب اطقطق عليك شوي مدري ليه ياخي



الحلو مع كل رد .. إنك تكشف نفسك بنفسك وتثبت صحة كلامي

حتى الرجال اللي معي غلطت عليه وهو ماله أي علاقة في مشكلتي معك وهذا يدل إنك قليل ذوق

وبعدين الفائدة .. مالها علاقة بإسم الشيخ ولا المسجد .. لأن الرقية في كل مكان

اللي يبي يجرب يروح .. المساجد الحمد لله مليانه والشيوخ موجودين


عموما .. أنت شخص تافه وردودك تدل عليك .. وما يحتاج اتكلم واوضح اكثر

وعلى فكره ماهي المرة الأولى .. ولن تكون الأخيرة

جرح السحاب
11-02-2015, 06:55 AM
طيب

ياحلو

انا في الصباح اسامح اي احد عشان كذا سامحتك سامحتك

سامحتك كثير وباحذرك

واهديك الهرجة هذي عربون مسامحة نطلع من الموضوع بشئ كوبيس ع الأقل

https://www.youtube.com/watch?v=V8c45-IWdvA

ما في تجاربي اخرى ترويها لنا ع الصباح ترا انا مسمتع جيد...اروي اروي ياليلي

ما رحتم لمشعود مثلا ههههههههههههههههههههههههه

جرح السحاب
11-02-2015, 07:00 AM
هيا قلي في الكشكول ذلحين هههههههههههههههههاي

مورفين ..
11-02-2015, 07:59 AM
ههههههههه فايقين ماشاء الله عالصبحيه
خلاص صلوا على النبي ياجماعة الخير ويادار مادخلك شر

ليل و طرب
11-02-2015, 08:13 AM
طيب
ياحلو
انا في الصباح اسامح اي احد عشان كذا سامحتك سامحتك
سامحتك كثير وباحذرك
واهديك الهرجة هذي عربون مسامحة نطلع من الموضوع بشئ كوبيس ع الأقل
https://www.youtube.com/watch?v=V8c45-IWdvA
ما في تجاربي اخرى ترويها لنا ع الصباح ترا انا مسمتع جيد...اروي اروي ياليلي
ما رحتم لمشعود مثلا ههههههههههههههههههههههههه


من سوء حظك إن نقاشك معي صباحي

اسلوب الكتابة .. انا متعمد اتكلم بالعامية حتى يصل الموضوع بدون فلسفة ولا فرتكه زايده في اللغة

لأني بصراحة متشبع .. ومدرك تماما إن الموضوع مو مستاهل


___________________


وبعدين .. انت قديم وخبرة .. من المفترض إنك تكون مدرسة في الذوق والاحترام

لكن فاقد الشي لا يعطيه


ليل و طرب .. لو افترضنا انه عضو جديد وصغير وجالس يتعلم كل يوم شي جديد

حرام عليك تحطمه وتخرب موضوعه بالتهريج وتشتم صاحبه اللي ماله علاقة بمشاكل المنتدى

وفوقها تجي بكل صفاقه وغباء .. تقول أنا سامحتك .. يا شيخ طيررر


الحقيقة .. عقليتك عقلية طفل .. من النوع التافه .. اللي نقاشي معه يصنع منه حاجه

وهو أساساً ولا حاجه

فتى مكة
11-02-2015, 01:02 PM
تجربة مثيرة والحمد لله إنك كنت المرافق وليس صاحب المشكلة !
رغم إني لا أعتقد بالعلاج بواسطة الرقى والتعاويذ ولكن من باب الفضول وحتى تكتمل الفائدة كنا نتمنى لو تتابع حالة صديقك هذا وهل تحسنت صحته بعد القراءة عليه والدهن بالزيت "المقري عليه" وبقية طقوس الرقية ؟؟!!

وللعلم حتى لو تحسنت حالة من يقصد هؤلاء الرقاة فلا يعتبر ذلك هو الدليل العلمي على نجاعة هذا العلاج ، لأن كثيرا من الأمراض تقوم على الوهم وعلاجها هو الإيحاء بالشفاء وتصديق المريض نفسه ، عندما ينهض المريض من فراشه بعد ذلك وهو يشعر بالتحسن والنشاط ،والسبب الرئيس هو ثقته بالمعالج أو الطبيب وإيمانه بقدراته وهو لم يكن مريضا بالمعنى الصحيح في حقيقة الأمر ...

جرح السحاب
11-02-2015, 09:17 PM
من سوء حظك إن نقاشك معي صباحي

اسلوب الكتابة .. انا متعمد اتكلم بالعامية حتى يصل الموضوع بدون فلسفة ولا فرتكه زايده في اللغة

لأني بصراحة متشبع .. ومدرك تماما إن الموضوع مو مستاهل


___________________


وبعدين .. انت قديم وخبرة .. من المفترض إنك تكون مدرسة في الذوق والاحترام

لكن فاقد الشي لا يعطيه


ليل و طرب .. لو افترضنا انه عضو جديد وصغير وجالس يتعلم كل يوم شي جديد

حرام عليك تحطمه وتخرب موضوعه بالتهريج وتشتم صاحبه اللي ماله علاقة بمشاكل المنتدى

وفوقها تجي بكل صفاقه وغباء .. تقول أنا سامحتك .. يا شيخ طيررر


الحقيقة .. عقليتك عقلية طفل .. من النوع التافه .. اللي نقاشي معه يصنع منه حاجه

وهو أساساً ولا حاجه




تمخض الجمل فولد فأراً

ليل و طرب
11-02-2015, 09:26 PM
تجربة مثيرة والحمد لله إنك كنت المرافق وليس صاحب المشكلة !
رغم إني لا أعتقد بالعلاج بواسطة الرقى والتعاويذ ولكن من باب الفضول وحتى تكتمل الفائدة كنا نتمنى لو تتابع حالة صديقك هذا وهل تحسنت صحته بعد القراءة عليه والدهن بالزيت "المقري عليه" وبقية طقوس الرقية ؟؟!!

وللعلم حتى لو تحسنت حالة من يقصد هؤلاء الرقاة فلا يعتبر ذلك هو الدليل العلمي على نجاعة هذا العلاج ، لأن كثيرا من الأمراض تقوم على الوهم وعلاجها هو الإيحاء بالشفاء وتصديق المريض نفسه ، عندما ينهض المريض من فراشه بعد ذلك وهو يشعر بالتحسن والنشاط ،والسبب الرئيس هو ثقته بالمعالج أو الطبيب وإيمانه بقدراته وهو لم يكن مريضا بالمعنى الصحيح في حقيقة الأمر ...



الأنيق في أجمل تعليق


فعلا التجربة كانت مثيرة بالنسبة لي .. والحمد لله على العافية .. هذا من فضل ربي

بالنسبة لصاحبنا .. لو ما طلبني وحسيت إنه في حاجتي .. ما كان رحت معه

في السابق كنت اعطيه نصائح و ارسلته على مستشفيات متخصصة .. ويقول يعني أفضل ولكن نفسيته تعبانه

الله اعلم إنه من النوع اللي يسمع الكلام ويتأثر .. يمكن فيه احد لعب في راسه وقال انت مسحور أو عندك عين

عشان كذا .. صار يفكر بالرقية الشرعية .. وأنا بصراحة ما حبيت اكون ضده

ولا حبيت اقلل من قيمة الموضوع .. لأن ما عندي أي فكرة عنها وما احب اتفلسف في شي ما أعرف ابعاده

ولأن الشخص المريض يعاني .. مثله مثل الغريق

يحاول يتعلق بأي شي يساعده على الخروج من بحر المرض والتعب


على كلامه لي .. يقول : استخدم الزيت وحالتي صارت أفضل

أما حكاية مشاكله مع أسرته .. ما حبيت اتكلم معه فيها

ولكن احيانا اذكر قصص عن العلاقات الجميلة ومشاكل البدايات .. حتى يستفيد ويتأثر .. ويتغير إلى الأفضل



بالنسبة للعلاج بواسطة الرقية

في القرآن : ( وننزل من القرآن ما هو شفاء ورحمة للمؤمنين ) وبالتالي مؤكد فيه شفاء

ولكن بالنسبة للأمور اللي شفتها بعيني

لاحظت إن القرآن يوضح لك بعد القراءة .. هل فيك سحر أو عين أو مس ؟

هذا اللي شفته بالضبط .. شخص طبيعي جدا

وبعد القراءة تظهر عليه بعض العلامات مثل : الصرع أو الصراخ أو البكاء

يعني تخيل فيه واحد .. كان عند الشيخ يصرخ وبعد دقايق يرجع طبيعي ويمشي

والأدهى إنه خرج من المكان

وبعد 5 دقايق رجع للصالة وبشخصية إنسان طبيعي يقول : يا شباب السيارة الفلانية سيارة مين ؟

هذا مثلاً ( لو شفته ) .. تقول : على كذا فيه ناس موجوده بالمجتمع من نفس النوع

ممكن يكون فيهم شي واحنا نتعامل معهم بشكل طبيعي .. وما نفهم إنهم مرضى وبحاجة للعلاج


___



من خلال كلام بعض الأشخاص .. يقولون الرقية فيها شفاء .. بس لابد من المداومة على القراءة والعلاج والدعاء

يعني لازم يستمر مع الرقية أكثر من شهر .. والشفاء من عند الله


____________________



الحقيقة رغم غرابة التجربة إلا إنها كانت رائعة

انصح كل شخص بالتجربة .. حتى لو كان سليم .. راح يستفيد كثير

وراح يقول : عجايب كل هالدنيا عجايب

ليل و طرب
11-02-2015, 09:33 PM
تمخض الجمل فولد فأراً

تعليقاتك كلها ههههههه مثل الفأر بالضبط

جرح السحاب
11-02-2015, 09:35 PM
اخاطبك بلغتك عشان تفهم ههههههههههههههههه


هيا طير عني جالس اسمع طلال

وماني فاضي لك انت وخرابيطك

لا تخليني اجيب جبنه ومصيدة واخليلك للفجر في المصيدة

هيا اكتم

ليل و طرب
11-02-2015, 09:38 PM
اخاطبك بلغتك عشان تفهم ههههههههههههههههه
هيا طير عني جالس اسمع طلال

وماني فاضي لك انت وخرابيطك

لا تخليني اجيب جبنه ومصيدة واخليلك للفجر في المصيدة

هيا اكتم


اللي يسمع طلال مستحيل يكون قليل ذوق مثلك

قال يسمع طلال قال

جرح السحاب
11-02-2015, 10:28 PM
انصحك بزيارة ثانية اخوي

ba7 al3za
11-02-2015, 11:14 PM
تجربة مثيرة والحمد لله إنك كنت المرافق وليس صاحب المشكلة !
رغم إني لا أعتقد بالعلاج بواسطة الرقى والتعاويذ ولكن من باب الفضول وحتى تكتمل الفائدة كنا نتمنى لو تتابع حالة صديقك هذا وهل تحسنت صحته بعد القراءة عليه والدهن بالزيت "المقري عليه" وبقية طقوس الرقية ؟؟!!

وللعلم حتى لو تحسنت حالة من يقصد هؤلاء الرقاة فلا يعتبر ذلك هو الدليل العلمي على نجاعة هذا العلاج ، لأن كثيرا من الأمراض تقوم على الوهم وعلاجها هو الإيحاء بالشفاء وتصديق المريض نفسه ، عندما ينهض المريض من فراشه بعد ذلك وهو يشعر بالتحسن والنشاط ،والسبب الرئيس هو ثقته بالمعالج أو الطبيب وإيمانه بقدراته وهو لم يكن مريضا بالمعنى الصحيح في حقيقة الأمر ...

ولا تنسى أنها من مجالات التجارة المربحة ، هم غالباً أشخاص يعانون من أمراض نفسية في كل دول العالم يتم تصنيفهم على هذا الأساس وعلاجهم يكون بطرق علمية على أيدي مختصين

ليل و طرب
12-02-2015, 01:20 AM
انصحك بزيارة ثانية اخوي

هذا اللي فالح فيه .. رايح جاي على نفس الغرض

ليل و طرب
12-02-2015, 01:36 AM
ولا تنسى أنها من مجالات التجارة المربحة ، هم غالباً أشخاص يعانون من أمراض نفسية في كل دول العالم يتم تصنيفهم على هذا الأساس وعلاجهم يكون بطرق علمية على أيدي مختصين


انا اتفق معك في نقطة تشويه السمعة عن طريق استخدام الموضوع كنوع من التجارة

واقرب مثال : الفيديو المطروح في أول الصفحة

هذا النوع موجود والإعلام يعطيه مساحة اكبر ويتعامل معه بسخرية وبسببه يبني المشاهد الصورة

لأنه خارج الدائرة .. يشاهدها من خلال آخرين .. ومثل ما يقولون دائما : التجربة خير برهان


فيه ناس من أهل الخير والصلاح .. سمعتهم طيبة عند الكثير من الناس العارفين

لذلك .. يجب على الشخص اختيار الشيخ المناسب .. هذا إذا حب يجرب الرقية والعلاج بالقرآن الكريم

وفي نهاية الأمر : الشفاء من الله .. و القرآن كلام الله .. و العبد عبدالله

malh
12-02-2015, 06:54 AM
جميل جدا، حقيقة ما عمري حضرت مثل هذه المجالس في حياتي .
احب انوه بس في ناس يتصورون ان الرقية شيء بدعي او مخالف للدين ، والاحظ في توجس بل وتشكيك ومغالطة، وهذا طبعا فكر مغلوط ودخيل ينشره غالبا العلمانيون والزنادقة والمنحرفين عقديا ، الصحيح ان الرقية دل عليها الشرع، الرسول صلى الله عليه وسلم رقى بعض اصحابه، والصحابة ايضا عملوا بالرقية، وثبت ذلك في الصحيح. اما قضية المتاجرة واستغلال الناس، هذا موضوع آخر. اسأل الله الشفاء لجميع مرضى المسلمين.

ليل و طرب
14-02-2015, 03:03 AM
جميل جدا، حقيقة ما عمري حضرت مثل هذه المجالس في حياتي .
احب انوه بس في ناس يتصورون ان الرقية شيء بدعي او مخالف للدين ، والاحظ في توجس بل وتشكيك ومغالطة، وهذا طبعا فكر مغلوط ودخيل ينشره غالبا العلمانيون والزنادقة والمنحرفين عقديا ، الصحيح ان الرقية دل عليها الشرع، الرسول صلى الله عليه وسلم رقى بعض اصحابه، والصحابة ايضا عملوا بالرقية، وثبت ذلك في الصحيح. اما قضية المتاجرة واستغلال الناس، هذا موضوع آخر. اسأل الله الشفاء لجميع مرضى المسلمين.


صحيح

بعض الناس يخلط بين الرقية والعلاج بالقرآن وبين المشعوذين والدجالين والنصابين

والسبب .. ما عنده خلفية واضحة عن الموضوع ولا حتى تجربة

هو فقط .. يشاهد الأفلام ويحكم من خلالها

major
16-02-2015, 08:05 PM
توقعي الشخصي ان كثير من السعوديين سبق ومر بهذه التجربه لشخصه او لشخص قريب له او عزيز عليه

لكن الافضل للإنسان ان يرقي نفسه ويقرأ على نفسه آيات الرقيه

شخصيا سبق ومريت بها اكثر من مرة ومريت بتجربة الكي بالنار وغيرها من طرق الاستشفاء المشروعة

الله يشفي كل مريض

ولكن وجب التنبيه ان هناك من اتخذها تجارة

الشميسـي
16-02-2015, 08:38 PM
https://www.youtube.com/watch?v=DmSsMALi96w


تذكرت هذا :tongue:

هذا ليل و طرب هههههه
وبعض التراتيل الخالدية

ba7 al3za
17-02-2015, 01:53 AM
ههههه لا ما يسويها

ليل و طرب
17-02-2015, 03:43 AM
توقعي الشخصي ان كثير من السعوديين سبق ومر بهذه التجربه لشخصه او لشخص قريب له او عزيز عليه
لكن الافضل للإنسان ان يرقي نفسه ويقرأ على نفسه آيات الرقيه
شخصيا سبق ومريت بها اكثر من مرة ومريت بتجربة الكي بالنار وغيرها من طرق الاستشفاء المشروعة
الله يشفي كل مريض
ولكن وجب التنبيه ان هناك من اتخذها تجارة

صحيح كلامك يابوفيصل

شكرا لحضورك وتفاعلك مع الموضوع

ليل و طرب
17-02-2015, 03:44 AM
هذا ليل و طرب هههههه
وبعض التراتيل الخالدية

الضحك في الكشكول

ليل و طرب
17-02-2015, 03:48 AM
ههههه لا ما يسويها

يسويها في الكشكول

ليل و طرب
17-02-2015, 06:34 AM
اللي يحب ينكت أو يلعب دور المهرج يروح الكشكول

هناك يشرشح فيني يشتمني يحاول ينتقم مني .. يطلع كل شي في راسه .. ما عندي أي مشكلة

ليل و طرب
17-02-2015, 06:47 AM
في الكشول ما عندي مانع

حتى لو حبيت تلعب مع اصبع رجلي الصغير

الشميسـي
17-02-2015, 08:26 PM
هههههه آسف ما تزعلش

ba7 al3za
17-02-2015, 10:50 PM
يحاول ينتقم مني؟ ما عرفناك يا بشار الأسد هههههه
خير إن شاءالله وين قاعدين؟
أما السب والشتم كما نعلم جميعاً فلا يتخذه من خلف الشاشات
إلا جبان عقليته عقلية مراهق متأثر بتعليقات اليوتيوب غير اللائقة
وهو ليس لنا فلا تطالب به

ليل و طرب
18-02-2015, 04:06 AM
هههههه آسف ما تزعلش

تبي تلعب إلعب في الكشكول

ليل و طرب
18-02-2015, 04:12 AM
يحاول ينتقم مني؟ ما عرفناك يا بشار الأسد هههههه
خير إن شاءالله وين قاعدين؟
أما السب والشتم كما نعلم جميعاً فلا يتخذه من خلف الشاشات
إلا جبان عقليته عقلية مراهق متأثر بتعليقات اليوتيوب غير اللائقة
وهو ليس لنا فلا تطالب به

اي كلام في بطنك .. روحي الكشكول واكتبيه هناك