جديد فنان العرب محمد عبده "يا ناصر" عود وإيقاع

[بوتركي20]

السلام عليكم ورحمة الله وبركاته

أخواني وخواتي اعضاء هذا الصرح الجميل لقامه وهامه فنيه كبيره

حبيت أطرح لكم جديد فنان العرب محمد عبده هذا العمل الذي أعادنا لزمن الشعبيات الجميل

كلمات :- تركي ال الشيخ
ألحان وغناء :- محمد عبده

MP3
http://www.abdu-tarab.net/achg/2016/Esma3-Ya-Naser.mp3

يوتيوب :-
https://youtu.be/PGfElHU2EgY

كلمات الاغنيه :-

(( ياناصر ))

اسمع كلامي لك يا ناصر وانا ابوك
من قبل صعبات الامور اتشابه

مثل الذهب حكي إلى جاك مسبوك
تجارب والعمر فاتح كتابه

ترى الليالي بين هقوات وشكوك
مابين عدلات تجي وانقلابه

احسب حساب الوقت لا يبرك بروك
ومهما صفى لابد تحسب حسابه

قبلك اباطرة وسلاطين وملوك
الكل عقب العز وقته غدى به

وسلاحك اما صار جاهز ومفلوك
والا تجيك من الليالي اصابه

ودرب العمر وعر ومليان بالشوك
ولا يسقي الضميان شوف السحابه

وان جاتك العسرات لا تصير مضنوك
دنياك تبغى قوم عزم ومجابه

فل الحجاج وكل ما فات مدروك
ومنك الدعاء والله عليه الاجابه

وذخرك ولد عمك وعزوتك في اخوك
وأطيب جمالات الرجل في القرابه

حذراك ماء وجهك الى صار مسفوك
يصير مالك بين ربعك مهابه

ولا تصير عبد المال والعبد مملوك
المال محدن ياخذه في ترابه

وما هوب راس المال ما ترصد بنوك
الطيب راس المال في كل جابه

ترى الغنى ما هو عمارات وصكوك
اغنى غناة الرجل لا فتح بابه

وش فايدة قصره اذا الباب مصكوك
الله يسعى للقصر في خرابه

واهلك وجدانك على الطيب ربوك
والرجل ما يطلع ترى من ثيابه

واهل المصالح حط بالك الى جوك
دو خلا لا يخدعك في سرابه

ان فزت قالوا يا ولدي الف مبروك
وان طحت محدن مسك دونك نصابه

ولا تماشي كل نذل و صـعلوك
ماش الذي في مشيته يقتدى به

خلك فطن لو قالوا الناس حبوك
وان لم تكن ذيب كلتك الذيابه

والعز بالطاعات تكفى وانا ابوك
ولا ينفع الشايب الى أقفى شبابه

تركي ال الشيخ ❤

سماعاً ممتعاً 🌹
أخوكم :- بوتركي 20-الدوحه