PDA المساعد الشخصي الرقمي

عرض كامل الموضوع : أحد يفيدنا في الجدار الفاصل للغرف ؟



malh
28-09-2018, 06:02 AM
مساء الخير

كيف الحال

ان شاء الله الجميع بخير وصحة

استاجرنا بيت جديد بس صراحة احترنا فين نحط غرفة نومي

جوا البيت ما يصلح هي غرفتين وحُجزت مسبقا

وما في الا المجلس

المجلس مساحته كبيرة وموقع الشبابيك والمكيف جايه صح للقسمة

يعني اللي سوا هذا المجلس الظاهر كان حاسب حسابي ههههه

سبحان الله حتى الشباك اللي راح يكون ضمن المجلس

قريب من جهة المكيف مثل ما تشاهدوا بالكروكي !
http://www6.0zz0.com/2018/09/28/04/668182033.jpg

بس السؤال
ايش افضل جدار؟
خشب أو جبس بودر وكم التكلفة ؟
ومحلاتها بمكة ؟
طبعا الطول ستة متر

يا ليت احد عنده فكرة ويفيدنا

الكوبـرا
28-09-2018, 01:28 PM
ما عندي علم لكن الله يعين اهل الغربيه على أسعار العقار الكل ساكن شقق انا في جده حاليا و ضايق صدري من سكن الشقق أبو متر
في متر تقل أقفاص دجاج كنت في أبها و أغلب الناس ساكنين في فلل دور أو دورين لأن العقار أسعاره مقبوله .. جالس أعد الوقت
اللي أقدر أرجع فيه أبها و أفتك من زحمه و ضيقة جده

AhmedTheKing
28-09-2018, 03:21 PM
ما أعرف صراحة .. ولكن إذا سمح لك صاحب الملك فأعتقد أن الجدار المبني أفضل لأن الجيبسون بورد أو الخشب لا يعزلان الصوت كما يعزله الطوب (وجهة نظر)

malh
29-09-2018, 02:10 AM
ما عندي علم لكن الله يعين اهل الغربيه على أسعار العقار الكل ساكن شقق انا في جده حاليا و ضايق صدري من سكن الشقق أبو متر
في متر تقل أقفاص دجاج كنت في أبها و أغلب الناس ساكنين في فلل دور أو دورين لأن العقار أسعاره مقبوله .. جالس أعد الوقت
اللي أقدر أرجع فيه أبها و أفتك من زحمه و ضيقة جده

العقار مو زي اول يا كوبرا والله شقق في مكة طايحه تفاجأنا بالأسعار
يا رجل اغلب الشقق في الشرايع فاضية ويدور اصحابها لو دجاج يسكن فيها ومحد حولهم.
ثلاث غرف بصالة تحصلها ب 12 و 13 وجديدة لم تسكن ويمكن تحصل اربع غرف بأسعار طيبة
والمشكلة اللي واجهتنا في البحث عن الشقة بصراحة ما كانت بالأسعار
انما بتفصيل الشقق السيء .. اغلبها بدون صالات وبويات غريبة ومطابخ صغيرة
وسوء استغلال للمساحات
يضيق البيت من جهة قسم الحريم ويحط مجلس زي ملعب كرة القدم ههههه

الحمام الداخلي أكرمكم الله بعضهم يحطه بوجه الصالة أمام الجلسة المفترضة لجمعة العائلة
وكثير ملاحظات تتعب من يبحث عن شقة مناسبة ونظيفة.

بالنسبة لأبها وأجواها الرائعة والأماكن الريفية ذات الأجواء المعتدلة والمساحات الواسعة للمدينة
فأكيد الأغلب يفضل السكن بها لأنها راحة نفسية وانشراح
أنا بصراحة مو من محبين مكة وجده كسكن واستقرار بس نضظر والله المعين

malh
29-09-2018, 02:19 AM
ما أعرف صراحة .. ولكن إذا سمح لك صاحب الملك فأعتقد أن الجدار المبني أفضل لأن الجيبسون بورد أو الخشب لا يعزلان الصوت كما يعزله الطوب (وجهة نظر)

الجدار الاسمنتي ليس مكلف، ويمكن يكون نفس التكلفة
بس ما اعتقد سيسمح صاحب العمارة وما كلمناه والظاهر مستحيل يوافق باين شديد !
بس الجدار الجبس بودر أو الخشب تقدر تفكه وانت رايح عشان تسلم الشقة مثل ما هي
واعتقد لا يؤثر في البويات والديكور من الأعلى عشان كذا هو أسهل في بنائه وهدمه
الخشب اعتقد ليس فيه عزل صوتي بس الجبسون بودر الظاهر يعزل الصوت