الـصدق عـار وفشيله .. والكذب منجاة وفضيله ..!

أبيات جميلة كتبها الاخ الشاعر هاني المهنا .. تحمل معاني وحكم من تجارب وخبرات السنين

وبما تحويه من ( قناعات ) فهي ليست فُقاعات إنما هي ذكرى لأؤلي الألباب

نأمل أن تحوز على رضاكم


قالوا عن الطيّب المخلص هبيله
وقالوا عن الخاين الواطي مُحارب !

شتّان بين الكثيره والقليلــــــــه
ما قلتها غير من بعد التجــــــــارب .!

من تجربـة وقـت وأيام ٍ عليلـه
( عرفت كل الخوافـي بالمضـــــــــارب )

آذاك ماهو من المبعد حصيلـه
آذاك محصول من بعض الأقــــــــــارب .!

الصدق في هالزمـن عار وفشيله
ما صان بيض اللحى ولا الشوارب !

" الكذب منجاه " والكذبه فضيلــه
كم نجّت أقوام من طعنات هــــارب .!

الزين في مظهره كل ٍ يجيله
لو كان في مخبره كفين ضــــــارب .!

(( إن البساتين لو كانت جميلـه
لن تخلوا امن الافاعي والعقــــــــــارب ))

الحب ولّى ولا يوجد دليلــه
لو كان عامر تراه اليوم خــــارب .!

ردي على التافه يكبّر شليله
واذا خسرته غدى مثل الجوارب .!

الحاسد ايخيب لو هو شدّ حيله
حطيت دوني ودونه سدّ مارب .!

حلفت ما أفرّح أعدائي بليلــه
أنا البحر كانهم مركب وقارب .!

وأن قالوا الطيّب المخلص هبيله
قلت الهبيله مهو مثل العقارب .!!