-
وجع
ماكفاكم من وجع راسي وجع
حتى حرضتوا عليا الاحتجاج
شفت كيف الناس خلونا همج
هم كذا الاصحاب مافيهم خراج
الكلام اللي بقلبه قد خرج
لايفكرني ابي منه ابتهاج
ولو تبي من ضيقة الدنيا فرج
مالقيت اللي يناولك العلاج
ولو تعدله المريه على الدرج
مامسك من القمر غير انزعاج
غير من ذاك الحمام اللي درج
يحتويني حتى لو جوي عجاج
اتصبر وانت نوري ياوهج
ولو خرب جوي عدلت المزاج
...اثااال
-
ياشروق الشمس نادهـ
بقهوته وسكر نباته
وياصباح الخير واهله
وطيبتة من حسن ذاته
يامساء الاحساس هاته
بضحكته وبسمة شفاته
ما يزعلني حبيبي
اعرفه وافهم صفاته
...اثااال
-
ياضايقه
ياضايقه ترى الفضاء ضاق بصحاب
وشقيت صدر الليل بغصة حنيني
وكسرت من عود الحطب ضلع ل حباب
وفرشت من بيت الشعر رمش عيني
وسيلت من عيني دموع ب الاهداب
وناديت ياربي ضلمني ضنيني
ودعيت له في تالي الليل محراب
وسجدت ل الله سلمه في يديني
وغطيت هذا الليل في جفن مرتاب
وشبيت نار الشوق ادفي سنيني
...اثااال
-
طال الجفاء ..
قلوبنا تمتلى ود
قلبي به الغيره ويشره عليها
ادري بها ..
مايوم زعلت علا حد
ولا افكر يوم .. ازعل عليها
بس القلوب ..
لو تختلف تمتلي ضد
وانا احس الحب .. واحس فيها
يافاكره ..
ليل الغرام امتلا ورد
ياجارحه ..
ذاك الامل في يديها
ياهاجره ..
كل الرسايل بلا رد
ياواصله ..
احساس قلبي يبيها
وش فيك ياقلبي تغيرت من جد .. حتى وانا زعلان اوله عليها
....اثااال
-
الهيم هي العطاش من الابل
ولا يطلق عليها هذا الاسم الا اذا اشتد بها العطش وورودة لشرب الماء قال تعالى (فشاربون شرب الهيم)
واذا تزاحمة على الماء كسرت الحوض وهناك مثل شعبي يقول (العطشانه تكسر الحوض) رغم ان الماء سبيل لها
ويضرب المثل في النساء
لعلها من عطاش الهيم اذ وردت ... كسرت إنآ الماء وهو سبيلا
...اثااال
-
هدية حب
مدري وش اللي جابك اليوم عندي
جيتي بالي والوصل كان مقطوع
يافرحتي.. خوذي شعوري وردي
وهدي سلامي.. العتب صار مرفوع
بعض الليالي لونها صار وردي
وبعض الليالي برد... وفراشها دموع
في صوتها نبره حنان و تحدي
ومن ضحكها اطيب والقلب موجوع
بالله ردي ..خوذي اليوم ودي
انتي هدية حب ..وانتي لي شموع
....اثااال
-
***
انا بنتظارك من امس
اجلت كل انتظار
اكيد بحساسي يقين
انك اذا رحتي تجين
باالله ياعين الشمس
وينك حياتي من امس
جيتي ومستحيه
خذاك من عيني الكسوف
وانتي مخضبت الكفوف
مستحيه كلمتها همس
تفرك اصابعها الخمس
صارت مشاعرها كتاب
اقراها من فوق الحجاب
فيها الهناء .. وفيها العذاب
واحساسها كله يقين
إنا بوعدنا ملتقين
واني على حبه امين
....اثااال
-
خطيه
انت ياقلبي مامنك خطيه
الخطية جت من قلبي انا
وين مالديت يتحمل اذيه
وماشتكا في يوم من هذا العناء
ولو ضحك لك يوم يتغيرعليه
وان بكا يبكيك اكثر من هنا
خفت اني فيك اتحمل اسيه
والليالي طول ويزيد الاساء
والمشاعر في غلاها سامريه
وماقدرة اقول ياقلبي كفا
شفت بعض الناس تتغيرعليه
وانت ياقلبي تبكي من سنا
ماتغير لو تغيرتي عليه
وان طلبت الوصل زيديني جفا
...اثااال
-
لاوربي ماابي الا رضاك
ماابي تزعل ..انا اكون السبب
قل لي وش ودك ..حسسني غلاك
انت عندي .. ماتقارن بالذهب
لاتصدق حد .. من قلبي خذاك
لاتظن اني ..عليك انقلب
انت صوت .. كيف مالبي نداك
والا اشر .. والا اطلبني طلب
تدري ماتحلا .. ليالينا بلاك
مااذوق النوم.. وانته مغترب
قلت سم .. كل هالدنيا فداك
ليه ..! شايفني اعيش بلا قلب
.....اثاااال
-
قلوب احباب
حبيبي وش عليك من العواذل
عرفت الحب .. وغيرك مايدله
دخلت القلب.. وكنت من الاوائل
وغيرك يطعن القلب ويذله
لقيتك بالهواء انسان عادل
تحب الحب وتعزز محله
سكنت بقلب من ابها المنازل
مليته حب وسجلت بسجله
قلوب احباب .. ماهو قلب جاهل
يعيش الهم ..من زله بزله
حبيبي قلهم مقدر اواصل
وانا احس المهونه والمذله
ترى كل شي فيه اليوم فاصل
الا الحب لو يفصل تمله
....اثااال
-
ازعل على قلبي لونه يناديك
خلاص انهينا معاك العلاقه
كم مره تخطي بحقي وراضيك
واقول نت و دردشه مع رفاقه
واثرك ترتب شي والقلب مغليك
ابغاك باب وصاير اليوم طاقه
لاتنزعج لاجاك جرحي يعزيك
اعرفك دفش وماتعرف اللباقه
تحب تطعن صاحبك في بلاويك
دمرت في نفسي حدود الصداقه
غنيت باسمي يوم كنا نغنيك
واليوم لو تسمح ترد البطاقه
...اثااال
-
***
دعيت ربي وانا طواف .. بالبيت واحب اركانه
الله يجازيك ياعساف .. والعت بالقلب نيرانه
راح الوضيحي وانا بيلاف .. بجبال مكه وشعبانه
كم ليلة قلت يارواف .. يطيح قلبي على شانه
اللي خذا قلبي الخواف .. ياحلو خوخه ورمانه
....اثااال
-
( حمرة خجل ) والا.. حروفي بهن بوح
هلت تباشير الفرح
.. ماعلينا
ساعات اضحك ..وممتلي قلبي جروح
وساعات ابكي هم .. للعا شقينا
من صار لي مينا ..
انا اصير له روح ..
(فيض الشعور) اللي لعينه قرينا
(الغايب)الحاضر..
سكن مهجة الروح ..
كم غايب عنا .. ويسئل عليـنـا
................اثااااال
-
***
يسعد مسأك .. وكل ذا الحلم لك
والشمع ..
اولع لك اصابع يديني ..
ومسح على راسك .. وقول :العين لك
انت الوحيد ..
اللي بقلبي وعيني ..
ياما خذت مني الليالي .. وخذت لك
غالي من الغالين ..
ياسيد عيني ..
تزعل احبك .. بس والله مارخصك
خلك بعيد ..
وخل حبي دفيني
....اثااال
-
***
ترى ماني لبعض الناس لابندق ولانيشان
برك حظي جمل ماقام لوني كنت راميها
انا من هـ المعادن معدني معدن الانسان
وعروس المطر لو جت ماني مخليها
اشد الركايب ونطح الفال بالاحسان
واداوي بقايا العمر ب احلا لياليها
تريث علينا شوي ياشايل السندان
لاتنحر الغيمه وهي في معاليها
تسيل مدامعها على وادي الاحزان
تهل المطر من غصة عائشه فيها
برك حظك ياظالمني اذا ماتوزن الميزان
ترى بنفس شي كثير ولاتقعد تاذيها
...اثااال