ركبت معي السيارة بدون اي كلام ولا سلام !
سلام عليكم ورحمة الله وبركاته
أمس وانا جاي من مشوار مريت بقالة اباخذ لي غرض ونزلت من السيارة والوضع طبيعي الى الان ، وأخذت الغرض ورجعت للسيارة ويادوب طلعت السيارة الا وهذيك جايه من ورايه تبغى تطلع السيارة !
وانا وقتها كنت مستعجل وباقي على اذان المغرب تقريباً ربع ساعة ، المهم والله طلعت السيارة وانا الصراحة ماقدرت انزلها وماكان لي اي نيه اني أطلعها بس قلت مادام جات والله ما أردها ..
لاحظت في يدها اليسار اصابه وقلت في نفسي يمكن الله أرسلني لها عشان اساعدها اوديها الصيدلية اشتري لها شاش ولا مرهم او اي شيء المهم اساعدتها بللي اقدر عليه ..
وبالفعل وديتها الصيدلية وحطينا لها شاش ومرهم ولفه على اليد وكل شي والحمد لله على مايرام والمشكلة ان طول هالموقف وهي ساكته ولا تكلمت بكلمه ورجعتها مكان ما اخذتها وبرضو حتى شكرًا ما سمعتها منها لكن حسّيت انها راضيه بهذي المساعده البسيطة ..
وش رأيكم ؟
