جودي هبايب نجد مني سلامي ... وشوق المحبة لأريش العين وديه
واحكي له اللي صابني في غرامي ... وقولي ترفق بحبيبك وداريه
وعساه يسمع قصتي باهتمامي ... ويرد ماضي أسعدتنا لياليه
واللي يعيش بواقعي ما يلامي ... معذور من يشكي الجفا من محبيه
أنوي بحبك خير والقصد سامي ... ودرب الردى والله مانيب ناويه
زرع المحبه عقبك اليوم ضامي ... يا صاحبي والهيف بانت مواريه
من عقب ماهو يرتوي بانتظامي ... من عطفك الفياض بالدمع نسقيه
وانا على الذكرى تزايد هيامي ... يا حّر بحر ٍ هاجي ٍ وانت راعيه
بينت لك قصدي وغاية مرامي ... وانت وضميرك سوي ما كنت ناويه