من يُحضر لي خبر الواد الشقي ؟
مرحبا .
من بين كل الأعضاء الذين انسحقوا في هذه الدنيا
وابتلعتهم دوامة الماضي وغاصوا في بئر النسيان
يطرأ على بالي منهم عضو وحيد كان محبوب للغاية
رغم دفاشته وغلظته وثقل دمه وفوق هذا تعصبه المقيت لنادي الهلال
إلا أن الكل كان يحبه وحتى لو اختلفوا معه يبقى محبوبا
إنه العضو [...نسيت الكلام...] ، أو هكذا أذكر طريقة كتابة اسمه .
يا أخوان لو واحد منكم يعرفه شخصيا يطمنا عليه فقط
لا نريد أكثر من ذلك
هل هو حي فندعو عليه أو ميت فنتجاوزعن خطاياه .
هذا موضوع له وجدته عندي محتفظ به لأنه كان يتحدث عن التصوير
أجببتُ أن أشارككم به ، وهو كان مليء بالأيقونات لكنها ذهبت في الوورد :
اليوم مافي صور رومانسيه وجو إنحراف كالعاده .. الأغنيه للجو العام فقط
اليوم بنتكلم عن تقنيه جديده نوعا ما في عالم التصوير .. ألا وهي تقنية الـHDR
في الزمن الغابر أيام القروبات سأل اخونا (محمد - حجاز) عن هذي التقنيه .. ووقتها ماكنت اعرف عنها إلا معلومات بسيطه جداً
بس تحمست أتعلمها وأقرأ عنها كثير خصوصاً إني كنت اشوف نتائجها اشياء جميله
طبعا ماأتقنتها 100% ، لكن قلت نتشارك شوية المعلومات اللي عرفتها عن البتاعه هذي واللي عنده زياده أو تصحيح يزيد ولا يبخل علينا .. فـ هيا بنا
..
أول شي:
يجي واحد مفهي مثل الحبيب (عاشق الذكرى) ويقول يعني ايه الهدر؟
ونقوله لا ياعاشق مااسمها هدر ياهدر
النطق الصحيح لها هو إتش دي آر ، وهي إختصار لـ:
High Dynamic Range
يعني : المدى الديناميكي العالي
طبعا لا احد يسألني يعني شنو (ديناميكي) .. مالقيت لها معنى آخر .. يمكن (ميكي) عنده بنت واسمها (دينا) وصارت (دينا ميكي) --> بلا سماجه
..
عرفنا معنى الـHDR
طيب سين سؤال:
شتسوي هالتقنيه؟ وشنو الفايده منها؟
ج: الغرض من هالتقنيه هو أولا توزيع إضاءة الصوره بشكل صحيح أو بشكل غير صحيح أحيانا - حسب رغبة المصور
يعني كلها تعتمد على الإضاءه وكيف تبرزها في مناطق معينه في الصوره بشكل عالي وتتحكم في الظلال
وكيف ممكن تخفيها من مناطق اخرى في الصوره وتتحكم في كل جزء من الصوره كأنك تركب كل تفاصيل الصوره على مساحه بيضا علشان تطلع بشكل معين حسب ذوقك.
..
طيب عرفنا الهدف من هالتقنيه
سين سؤال:
حنعملها إزاي؟ وإزاي نزبط اعدادات الكاميرا علشان تطلعنا صوره بالشكل ده؟
ج:
أولا:
لازم تصور نفس المشهد ((3)) مرات لكن مره بإعدادات مختلفه ..
مثلا:
الصوره الأولى نخلي التعريض فيها 1+
الصوره الثانيه نخلي التعريض فيها 00
الصوره الثالثه نخلي التعريض فيها 1-
ملاحظه: الأشياء المتحركه نستخدم لها سرعة غالق (شتر) سريعه بعدين نغير إضاءتها من الكاميرا نفسها
ثانياً:
لازم تستخدم برامج مساعده علشان تضبط معك الصوره في الدمج ، من ابرز البرامج السيد/ فوتوشوب
افتح الصوره بعدين عن طريق
Image ---> Adjesments ---> Curves
أو بالإختصار Ctrl+m
- وعندكم بعد برنامج اسمه
Photomatix- Pro3
وبرنامج اسمه
Dynamic-Photo HDR
والأخير أنصح فيه لأنه سهل وواضح <--- ياقبح هالفيس
..
نجي للأمثله الحيّه للصور اللي طبقت عليها هالتقنيه
1
Nordiska museum
صوره لواجهة متحف الـ Nordiska في ستوكهولهم .. ولاحظوا كيف تغيرت الألوان
http://www4.0zz0.com/2017/09/04/20/569692023.jpg
..
2
صوره من شباك غرفتي لكنيسه قديمه .. الوالده اللي يطول بعمرها شافت الصوره قالت زين المسجد قريب منك
http://www4.0zz0.com/2017/09/04/20/972900814.jpg
..
3
Aspir Tower
صوره لبرج أسباير في الدوحه - قطر .. كانت صوره سقيمه بس بالـHDR أحلوّت .. بس مايله حبه
http://www4.0zz0.com/2017/09/04/20/776158206.jpg
..
4
Rainy
صوره للبحيره أمام منطقة القصر الملكي في ستوكهولم .. هالبحيره فيها بط ووز ياكل اكثر من الأوادم
http://www7.0zz0.com/2017/09/04/20/806088555.jpg
..
5
Fast life
صوره من منطقة السوق في Fittja احد أحياء ستوكهولم
http://www7.0zz0.com/2017/09/04/20/796252673.jpg
..
وبكذا خلصنا التعريف بها لتقنيه
