http://www.4shared.com/download/FvGy.../123123123.jpg
01 - سني تقدم
موال :
يا ما حلى شوف العشير لعشيره
لا صار ما جاء بين الأثنين ميعاد
قلبي كما بيراً تزايد حفيره
ذولي مصاديراً وذوليك ورّاد
--------------
سني تقدم ورجلي خلت الممشى
والشيب في عارضي يبرق تباريقي
والقلب ما زال في طرد الهوى هشى
ما هون القلب من طرد الغرانيقي
بأسباب طفلً بعرض السوق يتمشى
يا عين شيهانةً بلا صعافيقي
يا حش قلبي على لآماه يا حشى
اللي سهومه تحرق القلب تحريقي
البِيض مثل السحاب اللي على المنشى
من طاح في حبهم ما فيه تفريقي
--------------
02 - وضاح الأنياب
موال :
البارحة نومي قليل التخافيق
كني شفيق مضيع له رفيقى
--------------
الله وأكبر على وضاح الأنياب
الصاحب اللي تبدل وش علامه
بدلت أيام مزحه والتعجاب
عقب الجفا عفت مزحه وإبتسامه
من يوم غير مزاجه خاطري طاب
والقلب بـ أكويه ما يطري غرامه
ماني من اللي يحب الهرج نصاب
هو يحسب أني غبي ما لي كرامه
بان الجفا من عشيري ماله أسباب
شفت الجفا من عشيري في كلامه
--------------
03 - خلوني أظهر عبرتي
موال :
قبل أمس تعطيني عهود مواثيق
واليوم تقول جحيد منت برفيقي
--------------
خلوني أظهر عبرتي من ضميري
لأحداً يلوم اللي سواتي إلى ناح
لاني بمجنونً ولاني غريري
لكن حب مورد الخد فضاح
لولاه ما هلت مدامع نظيري
ما كان دمع العين بالخد ينساح
أنا مع خلي ولا أعرف مصيري
من قبل عرفي له وأنا كنت مرتاح
مدري متى يسمح ويصفى عشيري
ويبدل أيام التعايس بالأفراح
--------------
04 - كامل الشارات
موال :
البارحة كني على جال صالي
قمت أتقلب كن في مرقدي شوك
--------------
مل عينً حاربت لذة النوم
والناس ممسين
الناس في راحة وأنا بت مهموم
صبري إلى وين
كامل الشارات ما صار معلوم
وين الوفاء وين
وأن فْريت الجيب ماني بمليوم
قبلي ملايين
أنا أشهد أن بالحب معطى ومحروم
وناسً معنيّن
--------------
05 - يا صاحبي
موال :
يالله يا مطلع يا واحداً كافي
حسبي على العين سوت لي مرض خافي
--------------
يا صاحبي اللي مضى منا ومنكم دعه
لا تشره وأنا أشره وكثر عتابنا ما يفيد
وأن جاء عدوي بهرج فيني لا تسمعه
----------------------------------
----------------------------------
راضي بظلمك وأشوف أني بذلك سعيد
بس المواصل معي يا زين لا تقطعه
أسمح وصافح ولا تبقى فـ رايك عنيد
----------------------------------
----------------------------------
--------------
06 - كم مرةً
موال :
يا عين لا تفضحي بالله أسراري
إلى متى تسكبي من دمعك الجاري
فضحتي يا عين سراً كنت أحسبه
جنة نعيم ولم أحسبه كالنار
--------------
كم مرةً جيت أبي شوفه وردوني
أرجع وأنا عبرتي بالصدر مخفيها
خلوني أبرد غليل الكبد خلوني
والنفس ما تنردع من حب غاليها
لو أن دريتوا بِما جاني عذرتوني
ما ينفع الهرج يكفي النفس ما فيها
حالي تدانى وشفت الموت بعيوني
من حبه الكبد يباسً مطاويها
إن كان هذي حياة اللي يحبوني
مثلي بيصبر لين الله يسويها
--------------
07 - وين أبلقى لي
وين أبلقى لي رفيقً على حالي شفيق
ما يعاتبني إلى أخطيت يدمح زلتي
أنقطع بي حبل الأصحاب في نص الطريق
وأن شكيت الحال للناس بانت خلتي
يوم كان المال عندي فكلً لي رفيق
ويوم راح المال مني تلاشت شلتي
وش خانة صاحباً ما نفع وقت المضيق
وش أبغى به وهو ما يحس بعلتي
حملوا قلبي من الهم حملً ما يطيق
من ونيني شالوا أهل السوامر شيلتي
--------------
وكذلك مجلدين للفنانين :
مبارك محمد ( مريسان )
عبدالله غريب
وشكراً
