إقتباس:
الرسالة الأصلية كتبت بواسطة كاسيت
يعطيك العافيه سامي
تسلم لاعدمناك
كل الشكر على التسجيل والرفع
اتوقع عندك الكثير لسلامه العبدالله
معظم اعماله غير موجوده على الشبكه
ومنها ماهو موجود لكن تسجيلها ليس بالشكل المناسب تسجيل مونو
على فكره سامي الألبوم هذا اللي اعرفه انه من تسجيل رومكو
و مسجل على طريقة جلسه شريط رقم 22
وسلامتك الحين التسجيل لـ رومكو ولا لـ هتاف
هلا فايق يعافيك ربي...
نعم صحيح عندي جميع الألبومات الخمسين الرسميه وعدد الأغاني فيها 284أغنية تقريباً وعندي أسطوانات رسميه قديمه وعددها 111تقريباً وعندي عدد يفوق ال60تسجيل من الجلسات الخاصه الغير رسميه بالإضافه لأكثر من 70أغنية من الحفلات وعندي رغبة بجعلهن في متناول الجميع وأعتقد اليوتيوب هو أحسن مكان في الوقت الحالي بالإضافة للمنتديات الكبيره وطبعاً منتدى طلال مداح حالياً هو الأشهر قدمت معظم التسجيلات لكذا منتىدى بالثلاث سنوات الفائته بس تسجيلي كان سيء جداً لأسباب كثيره لكن إن شاء الله أقدم كل ماأملك من تسجيلات بالجوده المطلوبه هنا في منتدى طلال مداح واليوتيوب...سلامه العبدالله قد أقول عنه حقائق لكن لن أمجده أكثر من اللزوم وأضعه بمكانه ليست مكانته لكن بالمجمل هو أسم مهم في الفن السعودي ومن كبار الفنانين وماأعجبني خلو الشبكه من أعمال هذا الأسم ...
بالنسبه لتسجيلات رومكو أنا كنت صغير ومالحقت على النسخ الأصليه (ماشفتهن)لكن شفت نسخ أصليه لمحل مشهور أسمه تسجيلات صبا نجد ثم تحول لباريس نجد عندنا بعنيزة والكلام هذا قبل شركة هتاف اللي تحولت بعدين لمؤسسة هتاف وصارت ملك سلامه...كلامك صحيح فيه إختلاف في أول عهد شركة هتاف كان ياصلني وأنا صغير الجلسات هذي بترتيب مختلف حتى الأغاني الموسيقيه اللي سجلت بالقاهره كنت أشتري الألبومات وكانت الأغاني بترتيب غير الترتيب الحالي وبعض الأغاني بتوزيع مختلف لكن إختفت الأشرطه عام1413بسبب نظام الفسح اللي طبق آنذاك والنسخ الأصلية وكان عندنا بالقصيم يطبق بصرامه والمحلات ماتجد فيها إلا نسخ أصليه وعلى فكرة عنيزة كانت أهم مكان ومرجع لمن يرغب في الحصول على تسجيلات سلامه بسبب تعامله مع محل التسجيلات المذكور وشعبيته الجارفه عندنا وحب سلامه للقصيم وعلاقاته وصداقاته مع الشعراء والجمهور ...بإختصار مجموعة الجلسات هذي معظمها سجلت قبل ظهور هتاف والأخ مضحي العنزي ذكر لي وجود ألبومات في محل رومكو بالكويت بنسخ أصليه وهذا الشيء يوضح الأمور .
من وجهة نظري مجموعة الأغاني القديمه المجدده واضح أنها سجلت بإستعجال من سلامه رحمه الله وبدون ترتيب مسبق وبروفات وظهرت بعض الأغاني دون المستوى وأضرت بمسيرة سلامه.
آسف على الإطاله وحياك
