الرسالة الأصلية كتبت بواسطة ليل و طرب
من ناحية الذوق .. مؤكد ما عنده ذوق .. بس يمكن الرجل على نياته
أنا ما اعرفه شخصيا .. أخوك هو اللي يعرفه ويعرف من أي أنواع البشر
ومن خلال المعرفة .. يعامله حسب رؤيته فيه
بس إذا كان الرجل غلبان وعلى نياته ... مستحيل ما اوقف معه
راح ارسل الفلوس واللي اقدر عليه .. حتى لو كان ما عنده ذوق
يمكن لأن الأمر ضروري .. وفعلا الرجل محتاج ويتصل من المطار
بصراحة ... إذا ما وقفت معه وأنا قادر ... اروح ادفن نفسي أحسن
المشكلة انه هذا الرجال نعرفه بالاسم بس حتى اخويا برضو
يعني ماقد جلس معاه
و ابويا الله يرحمه ماقد جاب سيرته خير شر
و كان اوقات يجي وقت العصرية يجلس مع ابويا يشرب شاي
و انا اللي خلاني انبههم لان افتكرت مرة سألت ابويا مين عندك تحت!
قال فلان ال ... ( اللي فهمته من الكلمة اللي قالها و اللي لاحظته من تعابير وجهه انه مو متقبل هذا الشخص ..
ف انا هذا الموقف اللي خلاني انبههم و رددتهم في انهم يعطوه
و اذا على العطا كلنا نقدر نعطي ياليل
و كلنا نحب الخير و نسعى له للغريب قبل القريب
لكن اوقات يجوك ناس في وقت مو مناسب
و اوقات يجوك ناس تكون انت اخذ فكرة عنهم سواء كلام او موقف يخليك تهون من مساعدتهم
و انا ماانكر انه ضميري أنبني عليه
لكن مو مرة .
الله يهديني
و يستر عليه و يسد حاجته ان كان فعلا محتاج