عطشان يا طفلة الما يا إنتعاش الزلال !
.................... غيمك خذلني .. ولا لي بعد ربك .. معين !
الهمّ : رحلة طويلة .. ترفض الاختزال
.................... والحب : لوحة نستها الشمس في بيت طين
وأنتي مع كبرياءك ... نايمه بالحلال !
.................... وانا أقطّع ورودي .. يا تجين .. أو ما تجين !
ليت السما .. لا دعيت الله تمطر وصال
.................... ما كان جفّ الخفوق و صار شكلي حزين !
ذنبي زرعتك فـ بستاني .. بلحظة زوال
.................... ذنبك : رحلتي مع النسيان .. خلف السنين
فيني من الكادحين .. الصبر و الإعتدال
.................... إنسان قُوتي .. على كثر إحتياجي [ يقين ]
اصحابي إن رحت عنهم صوّتو لي تعال
.................... وإن جيت : شبّوا فوانيس الجفا .. مبعدين
يطردني الحكي | وآتهرّب من الإنفعال !
.................... لين أتعثر .. بواقع .. للمصالح .. رهين !
طفلٍ تعوّدت أوزّع ضحكتي [ برتقال ] !
.................... للناس .. لأشباه تشبه ناس .. للعابرين !
مرّي / قبل تتلف آمالي هبوب الشمال !
.................... بعض الغلا ... يذبح الرجّال .. لو ما يبين !
صدري حديقة .. حواليها المواجع ظلال
.................... عمرك سمعتي حديقة .. تفتقد .. ياسمين ؟