نعم في اوروبا ما ولد نجم مثل بيليه
وهذي حقيقة من سنوات مذكوره
يحسبون ما يولد خليفة له يضاهيه
يترجم جمال الفن في لعبة الكوره
وحضر من ملاعبنا شبل كمله واليه
شبل سجل التاريخ جيته وحضوره
وشهدنا مع العالم ميلادٍ فرحنا فيه
في يومٍ سعيدٍ كان ميلاد الأسطورة
يحرك شعور النجم ويذكره ماضيه
والى عهده السابق يهيضبه شعوره
كشف له نقاط الضعف واللي عنه خافيه
وانه سطع نور يغطي على نوره
خلاه يتمنى رجعة الوقت ويناجيه
لعله يقلد نجمنا طبق بالصورة
هذا العميد اللي ليا حللي طاريه
عسير القوافي تنهمر مثل نافوره
طريقٍ عرف ماجد وهو تعرفه رجليه
سهل بس غيره حيل يلقا به وعوره
تقدم بسيف الفن معتز في يديه
ووراه اللعيبه صف كالجيش طابوره
غلاه الكبير بقلبنا بالفرح كاسيه
مع قلوب ناس غيرنا فيه مجبوره
يا حتى الرضيع اللي بوسط المهد يغليه
على حبه نفوس البشر كن مفطوره