مشاهدة النتائج 1 الى 2 من 2

الموضوع: تجربتي للكيا سيراتو 1.6 سي سي كوبيه ((غلطة ولن تتكرر))

  1. #1
    Kurtlar Vadisi Pusu
    الحاله : Anmar Alemdar غير متصل
    تاريخ التسجيل: Feb 2005
    رقم العضوية: 11973
    المكان: Türkiye İstanbul Büyükçekmece Toskana Vadisi alan
    الهواية: Mücadele ve cumhurbaşkanlığı ve otomobil ve motor
    السيرة الذاتيه: Karizmatik ve yakışıklı ve güzel
    العمل: Paşalar
    مشاركات: 28,683

    تجربتي للكيا سيراتو 1.6 سي سي كوبيه ((غلطة ولن تتكرر))

    .
    .

    في هدا الموضوع راح اتكلم عن تجربي للكيا سيراتو كوبيه موديل 2012

    طبعا المحرك 1.6 سي سي هدا المتوفر في الوكاله التعيسة

    طلعناها في شهر 12 من سنة 2012

    ممشاها الان 10.100 كيلو قبل كم يوم دخلناها صيانة ال10.000

    وقلت مايصير لازم كلمة الحق تنقال فستحملوني

    وهدا موضوعي عن شراء السياره

    http://www.assayyarat.com/forums/thread260797.html

    اول شي بذكر محاسن السياره ((ايجابيات))

    1-شكل جذاب خارجيا ورياضي فيه من الروح الالماني و الالماني فوووق
    2-داخليه رياضية رائعة مع تمازج الالوان الاحمر و الاسود
    3-قير تايبترونيك يقولو الوكاله 6 سرعات و انا اقول 4 سرعات حدها
    4-شكل الجنوط فتاكة
    5-مساحة الكرسي الخلفي بين الارجل ممتاز جدا زكرتني على المرحومه البيتل
    6-مواصفات رووووعه

    نجي للسلبيات

    1-ضعف في اداء المكينة و المكينة تعبانه جدا تسارع فاشل 1.6 تويوتا كرولا اوتو تلعب فيني حتى الي اسمها يارس
    تلعب فيني لعب ولمن ادعس بلسياره صوت المكينة يذكرني بصوت الدباب الديهاتسو و السزوكي الله يكرمهم بس
    ممكن لو كانت 2.0 افضل تسارع مع اني اشك فيها برضو

    2-تجاوب القير ضعيف مع انه تايب ترونيك وممكن القير 3 نسب او 4 وخشن لمن اغيره من الP الى الr مع طقة قويه

    3-مكيف فاشل لازم اعليه على الوسط عشان يبرد قلت ممكن من الشاشة فكيت الشاشة ورجعت مسجل بلدها نفسه هو الحال ماتغير بس الفرق بدال ماحطه في النص انقص طقه وحده

    3-مقاعد ماشافت الراحه متعبه تكسر الظهر و الورك بذات الامامية

    4-الان بعد تجربة 10.000 بداء السامفونيات تظهر اصوات الديكور و الخلخله من الطبلون الامامي و الطبلزن الخلفي و من عند الشابيك صوت طقطقه وهدا غير التنسيم من التنده و الطيق و البيبات و العازل السيئ تقولو مو سياره وكاله كانها تشليح موديل 60-70-80-90
    مع انو حتى السيارات القديمه افضل منها سيارتي الامبالا 68 و رساوه و تماسك و جودة افضل من السيراتو

    5-فرامل ضعيف مو زي الاكورد حقتي و امبالتي العزيزه وهدا الشي لاحظته من لمن طلعت السياره

    6-الان عندي كفرين امامية حبلت و لمن وديتها الصيانة قالو مايشملها الضمان
    ايش اقول بس عشان لايزهل المشرف صالح يلي يطاردني *******************

    7-لمن غيرو الزيت و الفلاتر نسيو مفتاح سكروب داخل المكينه طبعا شلتها حرام فيهم

    دافع 160 ريال على لا شي غير زيت و فلتر وانتهى الموضوع

    8- رساوه X مافيه رساوه مع انو يقولو فيها مواصفات السلامة كاملة
    9-كهربة السيارة ضعيفة جدا ركبت زينون في الواطي و تاني يوم ضرب عندي الفيوزات و رجعت عند صاحبي
    وظبطها مرة ثانية و الان المحول يرمش ((محول هيلا اصلي + كتاوبدون اي تجريح))
    10-اضائة سيئة مع العواكس ليتهم نزلو عليها عدسات

    ..............

    اخيرا

    انا بعد تجربة شهر للسياره كرهت ابوها و جد جدها لو هي سيارتي كنت بعتها

    و خدمة وكيل

    كنت اقول ابو جميل و ابو جميل طلع خدمته احسن من الجبر التعبان

    ولو رجع الزمن لورا كنت اقنعت اخوي ياخد اي سياره او ياخد فيوجن او حتى فيجو

    ولا ياخد السيراتو السيئة

    دحين يجي واحد و يقلي استخداك الابوكلب تطعس و مدري ايه شيكلو

    ارد عليه و اقولو ايش دراك ايش عرفك انت عالم الغيب مثلا

    عارف ايش اسوي بلدقيقه ماشاء الله عليك

    و انا من الناس يلي تحافظ

    وعندي الاكورد من 2007 بيدي من الوكاله و للان اجود من الخردة الكيا

    وعندي شفر امبالا 68 ويامحلاها مع انو موديلها قديم بس تفوقت على الكوري في السلامة و الجودة

    وانا اقولها للمرة الاخيرة

    سياااارة فاشلة جدا والكوري مو فالح غير في الاكسسوارات و مواصفات

  2. #2
    طلالي
    الحاله : روحي هوى السودة غير متصل
    تاريخ التسجيل: Jul 2007
    رقم العضوية: 77517
    مشاركات: 97
    يا أخي أنا أعرف واحد عنده كيا سبورتاج 2010 ماشيه 190.000 مادخلت الوكالة غير مرة وحده
    على تشييك الـ5000 والرجال سواقته خشنة لكن مهتم من ناحية الصيانة الدورية وتغيير الزيوت ولو حس بأي
    نفضة بالسيارة سوى لها تشييك كامل وصلحها , طبعا الرجال هذا مايعترف بالوكالة وهو عارف أنهم نصابين
    مجرد يشتري منهم قطع الغيار لأنها أصلية.
    مع العلم أنه فيه ناس قالو لة سنة بالكثير ونشوفك تحرج عليها لكن ماشاء الله عيني عليها باردة كل الخرابات
    كانت شغلات بسيطة
    اخر تعديل كان بواسطة » روحي هوى السودة في يوم » 25-04-2013 عند الساعة » 06:48 AM

قوانين المشاركة

  • غير مصرّح لك بنشر موضوع جديد
  • غير مصرّح بالرد على المواضيع
  • غير مصرّح لك بإرفاق ملفات
  • غير مصرّح لك بتعديل مشاركاتك
  •