انا النخلة السعفها فياي للتعبان
انا الشيعية بس جذوري سنية
انا المتروس طيبة واحس بالمظلوم
السني الينجرح تلگه الالم بيه
احب الناصي من يوم على يوم يطول
واكرهه العالي من ينلاح يومية
ما احب المطر چي عيشته من يطيح
الدلال الفارغة تغثهن الجمرية
اطرب للوصل ونسة بلم بالماي
الچتف بي خلة اذا مو فوگه خاچية
اكرهه الطائفي لو ابن ابوي يصير
واحب السني كون اسم ابنته رقية
ترى الشيعة والسنة للمگص ذرعان
اليطب بيناتهم ينگطع تاليه
ماگلي علي سب عمر حتى ارضيك
ولا گلي عمر سب علي يومية
گلالي علي ابن ادم كشخته اخوان
الاذن الفاهية مابيها ترچية
شحلات شيوخنا من اسمعهم يگولون
مثل بناتنا بنية الغربية
علي المنصوري