صور بعدستك

[أثال]

هنيالك يا أثال

غنيت ماقصدي طرب في حياتي ... لاشك من دورات الأيام غنيت
وجاوبت ورقا الراعبي عن سكاتي ... غنى وانا غنيت مثله وونيت

نشدتني عن حالتي ياشفاتي ... وانا مريض القلب لو اني أخفيت
أضحك وونات الحشا موجعات ... واشرب قراح وكن شربي من الزيت

بالعين ياخالد نشوف الجناة ... ياعز راسي شفت الإجرام واغضيت
وأغيب كني محرم في صلاتي ... لو هو ندهني رافع الصوت ما اوحيت

محد يعرف جروحي الخافيات ... إلى نشدني واحد عنه صديت
أصد وأبغض ناقلين الوشاة ... واناجي اللي مالغيره ترجيت

ماظن به حي يسوي سواتي ... وحيد بالدنيا وأصارع عفاريت
وذكرت دور ايامنا الماضيات ... والحقت مع عبرات صدري تناهيت

ياكثر ماشفنا من العايبات ... إلى زعلت من الخطا قالوا اخطيت
طاحت على الكتفين فجة عباتي ... وحلقت بالافكار ثم استلجيت

وفكرت في شيء جرى لي وفاتي ... حيف يفتت بسرة القلب تفتيت
من جور هوله زلزل الراسياتي ... يميت حي وباللحد يزعل الميت
..
محمد الاحمد
طلال مداح ــ غنيت ما قصدي طرب.: http://youtu.be/lCQiW5WUYcM