ولـ يا حمامة ( MP3 )
ولـ يا حمامة شتت الله شعابكي
ما كان غنيتي مجارير ولحون
أبغى الطرب لكني ما أبغى طرابكي
طربان بعض أيام وأيام محزون
وأكثر حزوني كلها من سببكي
خصً لـ يا قمتي تونين بالهون
أي والله أبكي وأكثر الناس تبكي
الناس وأن سمعوا خبر شين يبكون
يا نخلة الوادي ابي من رطبكي
لكني ما أبغى حزب الأحساد يدرون
دونك شجر يطلع ثمر شوك شبكي
ومن شوككم وقع على الكبد طاعون
مدري لو أن الحظ طلق نشبكي
وصرتي لنا ملكة شريعة وقانون
مدري لو أن الحظ قام وغصبكي
غصبً على العدوان وأبليس ملعون
لا واهني اللي بليله نهبكي
في ليلةً حواساها ما يشوفون
يا ذا الوطن ما عاد شفنا عربكي
ومن أولً في كل ساعة يمرون
يا نار شبي من ضلوعي حطبكي
صابر على نار المودة وممنون
كلمات : خلف بن هذال العتيبي