ألبوم ( معاذير الظروف )

عود وإيقاع عالي الجودة ونادر


جميع الأغاني من ألحان : عبدالله السالم





الوجه الاول :


معاذير الظروف


للهوى وأنتي ومعاذير الظروف
ما بقى للقلب من صبري مفر

الرجا شمسه بدى فيه الكسوف
والأمل في ساحة الظلم أنتحر

نلتقي في صمت ونتوادع بخوف
بيننا حتى الحكي صار بحذر

في خواطرنا إختفت حتى الحروف
والمشاعر تبكي من جرح القهر

حبنا اللي بالوفا كان محفوف
فوق كفك دمه اليوم أنتثر

لا الزمن يرحم ولا قلبك يروف
لـ متى إنتي سحابه بلا مطر


كلمات : شايوش الجوهر


----------------------------------


الواقع المُر


ما أقدر أعيش الواقع المُر بسكات
غصبً علي من جور الأيام ضايق

بيني وبين أفراح عمري مسافات
تعوقني بالحيل عنها عوايق

شيبي وهمي والضلوع النحيلات
من غربةً بالعمر مابه وفايق

غربة عمر منها الجوارح عطيبات
ولجل الرجا جربت كل الطرايق

ورد الأمل في زحمة الياس ما مات
يحيه دمعاً به رموشي غلايق

كذا أبجاوب صرخة العمر بـ آهات
ما دام حظي من عنا الوجد ذايق

يا ليت خلي راح مع فايت فات
أقفى ولا شب بضميري حرايق

أقفى عن أطلال بقت به علامات
جو الهوى فيها من أعوام رايق

يوم أعتذر وأرسل على الخد عبرات
ألحق على جرح الضماير لحايق

مظلوم أنا تحت الظروف الصعيبات



كلمات : فهيد السلطان


----------------------------------


جيت البحر


جيت البحر وأبديت همي للأمواج
حيث أن قلبي يصطفق مثل موجه

جرح الزمن والحب ما في له علاج
وين الحبيب اللي تسلي هروجه

في سكة العشاق أسايرك محتاج
وقف بدربي دنيتي منك عوجه

يا صاحبي مثلك مع الخلق ما داج
عليك أنادم من تعالت بروجه

كل ما تلاقينا ليه تحرجني إحراج
أحرجتني والقلب تصرخ فروجه

الحزن يالغالي يداهمني أفواج
بعدك فضاة الكون ضاقت فجوجه

الحب يكبر والشقى شيد أبراج
ما جاء رسول الشوق ناطر هروجه


كلمات : فهد الأحمد


----------------------------------


الوجه الثاني :


رحيق الورد


رحيق الورد لو قالوا جميع الناس يا زينه
يطيح من الخجل لـ صافحه مدعوج الأعياني

مديح الناس له يمحاه ما قالوا فيه شينه
قصايد مني ومنه غضي شافوه وحياني

إلا منه تبسم تبتسم دنياي في حينه
وإلا منه زعل أشقى وأبات الليل سهراني

على شانه أبيع العمر ما أشاور عن سنينه
لأن العمر هو لحظات فيها صاحبي جاني

يناظرني وأناظر له وعيني تنظر لـ عينه
مشاعرنا تلاقت يا علي بالعالم الثاني


كلمات : عثمان المجراد


----------------------------------


أميل للعزلة


أميل للعزلة وأبعد عن الناس
ما ابي عيون الناس تنظر لحالي

قلبي من الأحزان تايه ومنحاس
وعيني تهل الدمع يا عزتالي

ما عدت أواطن عقب فرقاك جلاس
من حزني اللي ما عطاني مجالي

جو السعادة لي تبدل بالأتعاس
من يوم عني أبعدتك الليالي

أصيح بأسمك كل ما هب نسناس
لا جت بريحك لي هبوب الشمالي

وأذرف دموع الوجد وأقول لا باس
ومن القهر تصفق يميني شمالي

عزت علي فرقاك يا عدم الأجناس
ماني عقب فرقاك داله وسالي

حبك بقلبي ماله حدود وقياس
حبك حياتي وشوفتك راس مالي


كلمات : سعود الشبرمي


----------------------------------


ملف المعلومات


المجلد كاملاً


----------------------------------


الرافع : مضحي العنزي

تاريخ الرفع : 27-06-2011, 04:20 PM

المصدر :
http://www.vb.6lal.com/showthread.php?t=96948