مع الأسف - عبدالرحمن السعّيد

**مـغـبـون** · 04-10-2013, 12:13 AM

مع الأسف

مع الأسف كل الأسف يا زماني
جيته جريح ومنه عودت بجروح

ليته تركني للشقى ما عطاني
دمع الحنان اللي على خده سفوح

ظنيت فيه دواي يومه دهاني
وبينت له ما كان خافيه بوضوح

بينت له قصة عذاب طواني
لزم علي بكل الأسرار بالبوح

قال أنت لي وأنا لك الله هداني
أنسى الزمان اللي مضى خله يروح

وأخلف زماني فيه كل الأماني
مثله مثل غيره ولا شفت مصلوح

له بالغلا عندي مقام ومكاني
وأكثر من الرفقه فأنا منه مسموح

أنا نويت أنساهم أول وتالي
ما عاد لي بالحب نفسً ولا روح

محداً يحس الجمرة اللي أعاني
ألا الذي مثلي من الوقت مذبوح

مع الأسف كل الأسف يا زماني
ما بالهوى غير الغرابيل والنوح

كلمات : سالم الجبيلان
ألحان : عبدالرحمن السعّيد

-------------------

مع الأسف ( جلسة عنيزة - 2010 م )