خالد عبدالرحمن: ألبوم آمر..تدلل 1414-1994 مع النصوص الصحيحه

[صبا نجد 1980]

مجلد الأغاني
http://www.4shared.com/folder/RVJAj3DU/__online.html
1-آمر... تدلل
كلمات : غيوض .
ألحان : خالد عبدالرحمن .

حبـي لك أكبـر من جميـع التواصيــــف= حبـي لك أكـبـــر مــن كـلامٍ يــقـــــــــالِي
غـلاي لـك صـافـي ولا فـيــه تـزيـيـــف= أصـفـى مـن الـمـي الـقـــراح الــــزلالِي
الحـب ما بـيـن القـلـوب الـمــوالـيــــف= سـعــادةٍ مـا بـيــن غـالـــي وغــالــــــــي
إن غبت جابك في حلـى نومي الطيــف= وإن شفـت زولـك كـل شـيءٍ صفـى لـــي
من غيــرك الأيـام يا صاحبـي صـيـــف= أنت الربـيـــع اللي بـنـبـتــه زهـــــــــى لي
دايم وأنا أمشي لك حبيبي على الكـيف= آمـــــــر ..تــــدلل لـك عـلـيّ الــــــــــدلالي

آمر..تدلل.mp3
****************************** ************

2- بادلي قلبي
كلمات : مجازف .
ألحان : خالد عبدالرحمن

صدقينـي لـو أبيّـن لك غـــــــــــلاك= ما تصدق أذنك اللي تسمعــــــه
طـال عمـري أو قصـر محدٍ سـواك= يفرح بشـوقٍ فـؤادي يـجمعـــــه
بادلي قـلـبـي شعـوره في هــــــواك= حسّـسيـه إنك معه يا مطمعــــه
ما أعتقـــد إن فيـه بالدنيا مــــــلاك= تشبـه لزولك تُـصـور بأجمعـــه
حــار تفـكـيــر المـولـع في رضــاك= مستريـح البال لا صرتـي معــه
من سبب صدّك معرض للهــــــلاك= ناجي دمـوعٍ عيونـي تدمعــــــه

بادلي قلبي.mp3

3- بنساك
الحان : خالد عبدالرحمن
كلمات : شيمة .

بنساك .. لأني لك
ألبس ملبس النسيان
ما أبغاك .. لأني الآن
أرفض عيشة الحرمان
ما أبغاك يكفينـي تـعــب
ما أبغاك لو إنك ذهـب
كـانـك قـدرت تجمـع سنينـي اللي مضت
كـانـك قـدرت تسقيهـا روحي اللي ظمت
حتى لو إنك قـدرت
لا تطري الرجعــه عـلى لسانك أبـد
وما أظن لي قـلـبٍ بـيـرقـص لك طـرب
ولا عاد لي نفسٍ تنادي لك مـحــب
حبك رماد
حبك ذراه ذاك المـهـب
حبك رميتـه وأتبعـه
حبك طويتـه وأنـتـهـى
باودعك على أمل أنساك
ويا ليتنـي صدفه أبد ما ألقاك
بنساك وأنسى ما مضى
وبشـوف بعيونـي الفــرح
بنسى الندم وجرح الهوى
عـلّـه يطيب قلب إنـجــرح
ثغري لقى الضحكـه ونيـس
من قلب علمنـي الصبـر
حاضـر حياتي لك يقيس
كيـف أثـر بي الغـدر

بنساك.mp3

****************************** ******************** *****

4- خبروه
كلمات : خالد عبدالرحمن .
ألحان : خالد عبدالرحمن

خبروه إني على وصله حـــــييت= و إن تفارقنا ترى موتـــي دنى
لــــــي حبيب يوم روّح ما سليت= يعلم الله تو ما ذقت الــــــــعناء
عبرتي هليتها حـــزن وبكيـــــت= يا ردى عمر الحسوفه ما جنى
ذقت من دنيا حبيبي وما أرتويت= جـنـة الدنيا حبـــــــيبي والمنى
عشت بأحلام الهوى ليـل وبنيت= كل أمالي تداركـــــها الفــــــنى
في حياتي ما ذكــرت إني شكيت= في هوانا ضحكـــــت الدنيا لنا
لا حياة ً عقب محــــــبوبي رأيت= والممات أرحم ولا فرقا السنا
هو سنا شمسي وغيره ماهقيت= يفرح بوصلي ولو مــــوته دنا

خبروه.mp3

****************************** ******************** ******

5- علمتني حبك
كلمات : مخاوي الليل .
ألحان : خالد عبدالرحمن

وشلون ما أغليك ..
وأنت الذي علمتني حبك ..
يا هاجسي ..
عشقي عيونك ..
إسأل ..
وتقرأ
الجواب ..
في ناظر عيوني ..
تصوير لأجمل عذاب ..
حبك يا مفتوني ..
تلقى حياتي كلها لذة غرام ..
مهما سهر طرفي ..
أو جارت ظروفي ..
أو عشت أنا الحرمان ..
تلقى حياتي كلها لذة غرام ..
يا عذب الصفات ..
يا كل الحياة ..
صبرك علي ..
هذا قليل ..
مهما ترى من تضحيات ..
هذا قليل ..
خل السهر لعيون من حبك ..
خل العيون اللي لها عشقي تبات ..

علمتني حبك.mp3

****************************** ******************** ******
6- من نشدني
كلمات : السامر .
ألحان : خالد عبدالرحمن

ودّي أشبـع منك شوف وما حصل لي= كـل ما ناظرتنـي ضاعـت عـلومــــــي
فـي عـيـــونـك للغــلا حــبٍ يهـلـــــــي= ناظـر لحبـك عـلى خـدي وســـــومـي
طحت فـي حب العيـون السـود كـــلـي= ومن عثر في رمش عينك ما يقومي
خدرةٍ تشرب ظمأ حسنـك رضاً لــــــي= كـنها فـي صحـوةٍ من عقب نومـــــي
إنشــرح صـدري بشـوفـك وإسفهـلّـي= خـافـقٍ ماله عـلى وصـلك سلومــــي
من نشدنـي قلـت أنا مجـروح خـلّــــي= فـي حيـاةٍ للـخــلايق مـا تــــــــــدومِي

من نشدني.mp3

****************************** ******************** *****
7- يامهاجره
كلمات : خالد عبدالرحمن .
الحان : خالد عبدالرحمن

يا مهاجره بإحساس ..
أغلى من الروح ..
ودعتها ذكراك ..
على أمل لقياك ..
وعشقتها ديره يوم وطتها خطاك ..
وجدي على نظره ..
يا مهاجره بإحساس ..
أشري بها عمري ..
وأنسى حديث الناس ..
ويوم إنك أقفيتي ..
من في الهوى لايم أقدر أطيع أمره ..
مني رسالة حرف شوقي لها معنى ..
دنياي أنا صوره ..
وجهك ملامحها ..
ولا زلت أبحكي لك يا مبعده عني ..
ومناي أنا أحكي لك يا مبعده عني ..
بشوقي أسولف لك ..
أدري حياتي هـمّ تعبت أبوصل لك ..
وهمي تراه أنتي ..
يا مهاجره بإحساس ..
يا مهاجره غبتي ..
وأخذتيني رقيق إحساس ..
والروح في وصلك ..
لا ما تعرف اليأس ..
عشتك معي أيام ..
يا كل تفكيري ..
ليله قمرها أنتي ..

يامهاجره.mp3

****************************** ******************** *****

تحياتي

[مـغـبـون]

لبى قلبك يا سامي

ما قصرت يالغالي على الألبوم وعلى الكلمات

[صبا نجد 1980]

لبى قلبك يا سامي

ما قصرت يالغالي على الألبوم وعلى الكلمات

لبى إحساسك يامغبون ...
يستاهلون محبين حبيبنا أبو نايف

[كاسيت]

صح عليك سامي انت الصح بطرحك ياقميل
البوم قمه في الجمال
مايحتاج ابو نايف
اشكرك على ماقدمت .

[صبا نجد 1980]

صح عليك سامي انت الصح بطرحك ياقميل
البوم قمه في الجمال
مايحتاج ابو نايف
اشكرك على ماقدمت .

ألبوم له ذكرى... كل ألبوم لخالد له عندي ذكرى وعتاب وأنغام ونجوى وأحلام ههههههه
حياك ياكاسيت

[Abdullah Alshehri]

يعطيك العافيه يالهقاص
تمنينا شوية ترتيب وتمنينا البوسترات وغلافات الالبوم موجوده
على اساس يتم توثيق الالبومات بالشكل الصحيح والمرضي للجميع
شكرا على اي حال

[صبا نجد 1980]

يعطيك العافيه يالهقاص
تمنينا شوية ترتيب وتمنينا البوسترات وغلافات الالبوم موجوده
على اساس يتم توثيق الالبومات بالشكل الصحيح والمرضي للجميع
شكرا على اي حال

الله يعافيك يالشهري والعفو