اخوي بو تركي قراتلك رد على موضوع كليب اغنية البارحه وانت قلت ان اغنية البارحه رد على اغنية حس طار
كلنا ملاحظين ان نفس الشاعر ونفس الملحن
لكن للمعلومه اغنية فنانك الاستاذ محمد نزلت بالالبوم الاخير هذي السنه 2013
واغنية فنانا الاستاذ خالد نزلت ايضا هذي السنه ضمن البوم ثاني وما كان بين نزول البومات كل من الاستاذين الا اقل من شهر على ما اظن
لكن الشي اللي ما تعرفه انت واكثر الاخوان ان البوم خالد كان جاهز قبل بسنه من طرحه بالاسواق وحصلت كثير من المشاكل اللي اخرت نزول الالبوم
كيف بتكون اغنية البارحه رد على حس طار والاستاذ مغنيها ومجهزها قبل بسنه او سنه ونصف على الاقل؟؟؟؟؟؟؟؟؟؟؟؟؟؟؟؟
الشي الثاني: انك تقول خطه من روتانا لتربط اسماء ببعض؟؟
فانا اقول لك اسم الفنان الكبير خالد عبد الرحمن ما يحتاج ينربط باي اسم فني اخر يا اخي والله عيب تقول ان خالد عبد الرحمن يدور يربط اسمه باسم فنان اخر
خالد عبد الرحمن اسم اثبت حضوره في الساحه الفنيه بوقت قياسي وكلكم تعرفون هالشي في وقت الساحه كانت تمتلئ بالاسمااااء انذاك
وخالد عبد الرحمن لو يهتم بالفن مثل اهتمام فنانك لتجده الان بكوكب اخر وللعلم انه ما يهتم بالفن ومحصل كل هالجماهيريه بشهادة الكثير الكثير وعلى راسهم شركات الانتاج والتوزيع اللي قالت ان خالد اكثر الفنانين توزيعا ونلاحظ ما في استفتاء او توب تن الا ونشوف خالد اما بالصداره وحيدا او بالثاني
ابي اعرف وش سبب كلامك ان روتانا بتربط اسم خالد باسم فنانك؟؟؟
ليكون خالد معطيهم فلوس ليعملو هالحركه؟؟؟
وش مصلحة خالد من هالشي والان خالد الفنان الجماهيري الاول بلا منازع؟؟؟؟
خالد الان بدا يوضع خطته للايتعاد عن الفن والاعتزال وراح تسمع الخبر في هالسنتين الجايات وطبعا تركه للفن ارضاء لدينه بالدرجه الاولى
خالد ما يدور مهاترات ولا مقارنات خالد اكبر من كل هالكلام لكن انتم تكتبون مواضيع تدورون سوالف وتعاليل مو اكثر
خالد لولا جمهوره اللي متمسك فيه كان لقيته معتزل من سنتين على الاقل
اسف على الاطاله لكن هالمواضيع تستفز الواحد بصراحه
زمان تركنا ذي المواضيع وانت جاي تقارن وتربط اسماء وكان خالد فنان مبتدئ يدور شهره؟؟؟؟؟