يا روح روحي يا نظر عيني

[عبادي فنان العالم]

من قصائد الشاعر الكبير رحمه الله

----------------------------------------------------------------------------

[عبادي فنان العالم]

نصيحة

-------------------------------------------------------------

الاجواد واجـد والمراجـل لهـا كسـاب
لكن واعد العشـرة ليـا صـرت جمالـي

يطير الشـرار وكـل نـار لهـا شبـاب
ومن ولع النيران يصبـر علـى الصالـي

تجارب حياتي معجـزة والدروب اصعـاب
ولقيت الرجال انـواع و الـوان و اشكالـي

صديق الشدايد ما خذا منك علـم وجـاب
وسيع الصدر يضحـك ولا هـو بزعالـي

صديـق الشدايـد لا ينافـق ولا يغتـاب
يدلـه غريـب الـدار ويزيـن الجـالـي

وصديق الرخى عقاب ومصادقـه عقـاب
شجاع الحكي والمـدح بالقيـل والقالـي

وصديق الرخى ما غير صورة ولبس ثياب
يا ليته يبرقـع مالـه شمـاغ وعقالـي

وعنـدي نصيحـه جـد ما قلتهـا لعـاب
أقول الصحيح ونايـم القلـب يصحالـي

ترا خوة أهل الطيـب يالطيبيـن أطبـاب
يطيـب السقيـم وخـوة الاش سـلالـي

تغانم شبابك يا بيض الوجه دامك شـاب
ترى البدر لو يطلع قمـر عـود أهلالـي

فلا تهجر المسجد وخلـك ورى المحـراب
ترى روضة المسجد لهـا منـزلٍ عالـي

ولا تترك اللي يزهمـك خايـفٍ مرتـاب
ترى الذل ما نجـى الثعـل بـا التحيالـي

ولا للندى غير الفدى لـو تـروح أرقـاب
ومن ضاع شوره ياخذ الشـور ويمالـي

ومن باشـرك بالعـذر لا تلحقـه بعتـاب
ولا تشوف نفسك شيخ والنـاس عمالـي

ولا تهين نفسك لو تجي بين ضرس وناب
وهيبتك لا تنقـص ولـو ربـع مثقالـي

وبنت الردي لا يعجبـك زينهـا الجـذاب
تراهـا كمـا المخيـال خيـل وتخيالـي

ولو شفت حمر خدودها وثمـان أعـذاب
لا بدك تمنى ليـت مـا جالـك أعيالـي

ولدها لا ياشاف النقـى والملاقـى هـاب
ذليـلٍ بخيـلٍ فيـه خفخـاف وجفـالـي

أخذ بنت قرمٍ طيـبٍ ساسهـا مـا عـاب
تنومسك بنت الشبـل ويجيلـك أشبالـي

أعيال الذياب تصير مثل الذيـاب أذيـاب
وعيال الثعالـب مثلهـا زهـر الاذيالـي

وفرخ الصقر مثله وفرخ الغـراب غـراب
وبوم الخـراب ايقابـل العـش ويلالـي

الي صار راسك فوق يا طيـب الا نسـاب
فـلا ينحنـي لقـدام رجليـن ونعـالـي

لكن الله اللي يكتب الـرزق يـا خطـاب
هو اللي يفك البـاب ويقـص الاقفالـي

ولا يهمـل الا واحـدٍِ عايـفٍ الاشبـاب
ولا ضيع أحقوق البشر غيـر الاهمالـي

وترى للقصايد كيف والكيف لـه شـراب
وانا ما اشرب الا كيف راسـي بفنجالـي

ولا طاوع الجاهـل ولا جامـل النصـاب
أقـدم يميـن الحـق واحـط معـذالـي

ولاني بو الله طيبن له مـع مـن طـاب
ومن طاب لي برخص له الحال والمالـي

أكذب وانا خابـر واجامـل وانـا كـذاب
سنين مضت هـي صـدق والا يورالـي

تلخبط جهاز المخ وانهـارت الاعصـاب
وفورت دمـي وارتفـع ضغطـه العالـي

لكن في رجى اللي من رجى رحمته ماخاب
هو الواحـد العالـي وهـو ربنا الوالـي

وهو الخالق الرازق وهو المعطي الوهاب
لـه الملـك كلـه والكمايـل والاكمالـي

رئوفٍ رئيـفٍ رحمتـه تنقـذ المنصـاب
يغيث الديـار الممحلـه عقـب المحالـي

شديد العقاب ويعتق المذنب اللـي تـاب
عسى مـا يواخذنـا بسيـات الاعمالـي

كما قالـه الله فصبـروا يأولـي الالبـاب
ترى الصبر زين وكلمـة الحـق تنقالـي

و أصلي واسلم عد مـا تنبـت الاعشـاب
وما لاح بـراقٍ سـرى يشعـل أشعالـي

على المصطفى اللي وحد الدين والاحزاب
شفيع أمتـه يـوم الهوايـل والاهوالـي

















الله يرحمك يا إبن شايق

[عبادي فنان العالم]

[عبادي فنان العالم]

آخر موال للشاعر الكبير رحمه الله

------------------------------------------------------

[عبادي فنان العالم]

راحت على الباب الايمن فوق مكسيما ..

------------------------------------------------------------

[عبادي فنان العالم]

معاد منها شي بينت مخفيه .. مليت اجامل والدموع افضحتني

غصبن علي ابكي ليا حل طاريه .. تظهر دموع العين ما شاورتني

[عبادي فنان العالم]

من يوم دربي خالفه سير دربك .... وغيرت طبعك ونظراتك وممشاك

لا تحسبن الزيــن يـا زين . قربــك ... الزين والله يا اريــش العــين فرقااك

[عبادي فنان العالم]

جمالك يا جميل أجمل جمال مر بالأجيال

قهرت الجيل كله يا مليك أجمل جمال الجيل


تعال آهلا وسهلا يا هلال هل عقب هلال

هلا بك عد حب الهيل والتسبيح والتهليل


أقوله قول قايل صح ماهو قول قيل وقال

مقال اليوم أقوله ما تقول مثل قال وقيل

[عبادي فنان العالم]

ألا يا عاذلي عذلك كفى تعذل وأنا عذال

أعذلك ياعذولي كف عذلك واترك التعذيل


أبرحل رحلتين مرحلتها تتعب الرحال

وبحل بمحل محتمل حلا بلا ترحيل


غريب(ن)غربلتني غربتي يا غربة الغربال

غليل (ن) غلني غرو غلاه الغل والتغليل


تزلزل الأرض ويزل القدم من هزت الزلزال

ولا زلت استزل من الزلل وازعل من التزليل


هدف مجهول أخاف اجهل جهالة جاهل الجهال

أجامل وأتجاهل واجحد الجهال والتجهيل

[عبادي فنان العالم]

سلطان الهاجري .. يعلن توقفه عن المحاورة .. لمدة شهر

راشد ابن جعيثن وقصة الراتب عندما استلمه وقصة الساعة و شهادة الشاعر الكبير مطلق الثبـيـتي

شايع العيافي .. ينفجر باكيا على الهواء

--------------------------------------------------------------------------------

[عبادي فنان العالم]

إبن شايق - القلب طيّب والنوايا نظيفة

-----------------------------------------------------------------------------

[جرح السحاب]

الله يلعن أبليس ومن عز نفسه وجدها

الله يرحمة ومن مات معة,,والمسلمين والمسلمات

شاعر جميل ومبدع في شعر المحاورة

شكرا عبادي

[عبادي فنان العالم]

الشكر لك ع المرور

[عبادي فنان العالم]

سلام الله على اللي يكســبون المدح والناموس

رجــال بالمراجـل مثل موج البـحر لطــــامه

رجــال مع شجاعتهم وهيـــبتهم خفـاف نفوس

كبير الـسن فيـهم يبـتسم لجـــيت قــــــــدامه

[عبادي فنان العالم]

متى يا وقـــــــت والدنيا تواصل سيرها المعكوس

له دورة فـلك والعـافيــــــه ما هــــي بــــــداومه

ما بـــين الناس فرق الا ليا صار الحــبل ممسوس

لـكن الله يعـز اللي حكم بالشـــرع واحكــــــــامه