خالد عبدالرحمن : من ألبوم لايروح بالك 2014 : "ماينعذر" والخروج عن السائد

[صبا نجد 1980]

كلمات : غياهب
ألحان : وليد الشامي

*ماينعذر*

ماينعذر قلب تولع في الغرام وماحسب
حسبة حسابات الضعيف اللي تحت رحمة قوي
أثر على قلبي غلاه اللي على العمر أنكتب
وصارت حياتي تحت حكمه بالمحبة تنطوي
قولوا لعذال الهوى كفوا ملامات العتب
بالحب مايفرق هوى المجنون والعقل السوي
واللي يدور له سبب يلقى له أعذار وسبب
حد يحب الحب موت وحد حبه معنوي
وأقسى الامور اللي تسبب في حياتك لك تعب
إن الخوي في حزة الضيقات مايلقى خوي
*****
وأكبر علامات التصنع في حياتك والعجب
تترك قناعاتك وتمشي درب مالا تهتوي
من أجل عينه كل هالعالم بكبره والعرب
عندي رضاهم والزعل في شف خلي مستوي
واللي تعود عــ الظمأ يصبر وإذا منه شرب
مايشرب إلا من قراح أنهار منها يرتوي
وأسهل علامات الأمانة كلمة صدق أوكذب
تعرف بها اللي قالها وش مستواه التربوي
واللي تعنى في لهيب النار وبجمره لعب
يلعب بنار يمكن إنه من لظاها يكتوي
*****
واللي ترك طيفه فبالي يوم هو عني ذهب
يدري بأن القلب من نشوة غرامه يحتوي
اللي حنانه وسط نبض القلب والدم إنسكب
وأجبر ضلوعي من غلاه ومن ولهها تنزوي
واللي دخل غاب الجبال أكيد قلبه يرتهب
يسمع صدى صوت الذياب اللي من الجوع تعوي
واللي أخذ لحظه قراراته مع ساعة غضب
يمكن يمر بمرحلة لحظه ندمها مأسوي
والمشكله الإنسان كانه ماعلى نفسه غلب
يصعب على نفسي تشوف إنسان همه دنيوي
**********
تمعن معي ياصديقي بالكلمات أكثر من تمعنك باللحن والآداء...
ثم أربط كلماتها مع اللحن وآداء خالد
بصراحة أغنية من أقوى ماسمعت عام 2014
هناك سمة في الكلمات وهي "ضرب الأمثلة" زادت من متعة الإستماع كأنك تستمع لقصة شيقة
أعجبني تفاعل خالد في الأغنية ويظهر جلياً إعجابه بها
أغنية "ماينعذر" خرجت عن السائد وأجزم أنها تحاكي أحاسيس الجميع بمختلف أعمارهم
هي وجدانية أكثر من أن تكون عاطفية
خالد وفق إلى حد بعيد من خلال هذه الأغنية
تقييمي للأغنية:
9/10
أتوقع للأغنية أن تأخذ حيزاً كبيراً من الإهتمام في القادم من الأيام إن شاء الله
تحياتي للجميع

[الجيهان]

الظاهر ياخوي سامي بيننا توارد خواطر ونفس الشي اللي تحسه في هذي الكلمات انا احسه بعد كلام كبير

وروعه من الشاعرة ( غياهيب ) قوة الكلام عجبني واجد واسلوب خالد جداً راقي واللحن راكب على اسلوب

خالد 100 % 100

[صبا نجد 1980]

الظاهر ياخوي سامي بيننا توارد خواطر ونفس الشي اللي تحسه في هذي الكلمات انا احسه بعد كلام كبير

وروعه من الشاعرة ( غياهيب ) قوة الكلام عجبني واجد واسلوب خالد جداً راقي واللحن راكب على اسلوب

خالد 100 % 100

هلا أخوي الجيهان
شكراً لك على المرور والرد الرائع

[ليل و طرب]

عمل جميل

ما شاء الله على ابو نايف ما يشرب إلا من قراح أنهار منها يرتوي

[صبا نجد 1980]

عمل جميل

ما شاء الله على ابو نايف ما يشرب إلا من قراح أنهار منها يرتوي

تعيش وتسلم أخوي ليل وطرب