الرسالة الأصلية كتبت بواسطة سارة000
بصدق وصراحة لا والله
بقول لك شىء والله على مااقول شهيد
من سبع سنوات او اكثر تقريبا
شفت العظمة اللى تكون فى الرقبة انزل 3اصابع بعدها ...فى هالمكان جانى ورم
قعدت كم اسبوع اكتشفت انو ماراح ....لحظتها انا ماخفت من الموت انا خفت من العلاج والتعب ماابى اتعب
اليوم اللى بلغت اهلى فيه كنا معزومين رحت لابوى وقلت له لحالنا....ورحت العويمة عااادى جدا
من بكرة جاب لى ابوى قصاصات جرايد عن السرطان....هههههههجرايد مغلفة شكله جايبها من احد
فى المغرب رحنا للسوق نشترى جزمة.....والحقيقة رحنا المستشفى...
رحنا لدكتورة قالت لازم استشارى مقدر افيدكم ...وطلبنا استشارى
وكنت رايحة بمصحف ههههههههه
جلست فى الاستراحة وقتها وانا اتفرج عليهم قلت مين راح يموت قبل الثانى
كنت اتأمل فيهم
اخذوا السكر والضغط وضربات القلب ...
وجاء الدكتور عندى فى الغرفة سالنى ليه قلبى يدق بسرعة
رديت ليه ضغطى مرتفع؟؟؟
قال ضغطك طبيعى ومثالى انا اسألك ليه ضربات قلبك سريعة
يعنى ايش كان يتوقع ؟؟؟مبسوطة يعنى واهيص على قولة المصريين
قال لى راح احط اصبعى ع الورم وانت قولى يوجعك ولا لا ...واعطته الممرضة قفازات ...قال مايحتاج...
انا على طول قلت مايوجعنى .... طلع وراح عند ابوى ....وبعدين بعد شوية وهدا كله فى المكان اللى يقيسوا السكر والضغط قال لى الدكتور مستعدة للعملية
قلت ايش رايك تعطينى حبوب مو لازم العملية
قال نعطيك الاثتين عملية وحبوب
قلت خليها بعدين افكر
ابوى قررر انو العملية تسوى على طول بدون تأخير يوم واحد
ويدخلونى غرفة العمليات دكتور ودكتورة الاولى اللى قالت ماادرش اقرر
المهم ويجيبوا المخدر والالات ويبدوا السلخ والتقطيع وانا اتفرج وارتعددددددد كنى ورقة فى مهب الريح ....كان وقتها
شتاء ومالبست شىء عشان كنت متوقعة اشعة ولا شىء
وهم يشتغلوا فى السلخ والتقطيع خفت من جيوبهم ملياااااانة الات التقطيع
وابكىىىىى باعلى صوتى وماعاد عليا من احد خلى كل اللى فى المستشفى يهربوا
والدكتورة تقول لى ماتخافيش
وانا اقول انا اول مرة ادخل غرفة عمليات ....
المهم واحط رجلى ابغى اهرب...والله ويقوموا يمسكونى ويجيبوا معاهم ممرضة
وشوية وجابوا شاش وحطوه على عيونى عشان مااشوف
المهم لمن غطونى بشاش وحسيت كانه كفن ...واقوم اقول اشهد ان لااله الا الله وان محمدا رسول الله ....احسبنى مت
وقالت الدكتورة ايوه كدا ازكرى ربنا....
وقتها حسيت بالموت والاموات ...
وخلصت العملية واعطونى حبوب ....
يعنى واجهت فكرة الموت بقوة
وقتها كان اهم شىء عندى مااحد يدرى انى مريضة....مااحب احد ينبسط انى مريضة
رجعنا البيت جايبن عشاء وبردااااااااانة ارتعدددد من البرد وقتها
وماقلنا لهم انى مسوية عملية ...
مشاعرى وقتها ماكان الخوف من الموت...كنت خايفة من المرض والادوية وانو يتغير شكلى كدا يعنى
قرر الدكتور خمس سنين اذا مارجع المرض اكون عديت مرحلة الخطر...والحمد لله تعديت هالمرحلة بسنوات
هذى تجربة الموت عندى ....بصدق وبصراحة
انا مااخاف فكرة الموت بس افكر ماعندى اعمال صالحة خالص مالص
وشخصيتى مااقدر اصير متدينة ...اذا الله راح يدخلنى الجنة ودى اموت الحين
واذا كنت مع ابو جهل وابو لهب لااجل ماودى اموت ....يعنى ماينفع اقابل ابو جهل وابو لهب فى المنتدى فى الحياة ...وكذلك فى الممات
سااكن ...علق بصدق وصراحة على اللى كتبته
حلو اليوم ....السهرة فى المقبرة
ههههههههههههههه حاضر سأتكلم بصرااحة تامة.. أنا جربت الموت ثلاث مرات سأذكر لكِِِ أخر مرة
أعطاني مرة احد اصدقائي ثلاث حبات بروزاك وقالي أنه لما تكتئبت او تبغى تنااام وصابك أرق أبلع منها..المهم أني اخذتها وانا متردد وبقيت عندي لمدة سته شهور وكنت حاطها في مزهرية فوق المكتبة...وليلة من الليالي كنت بالفعل مكتئب وكانت الساعة 12 ونص في الليل وبلعت الثلاث حبات دفعة واحدة وبعدها حسيت قلبي بدأ تضعف نبضاته وصدري ضاق وصعب اني اتنفس...رحت اصحي الحرمة وقلت لها انا حاس اني بأموت قالت روح المستشفى او اتصل على اخوك يجيء يوديك
اثناء هذا الكلام حسيت اني بأموت ومن غير شعور رحت اجري وطلعت من البيت و دقيت على جاري واااحد حارثي الله يذكره بالخير وعلقت الجرس وطلع مفجوع قلت له المستشفى أنا بموت وخرج معي بثوب النوم وعندما ركبنا السيارة وفي طريق أغمى علي المهم أني ماصحيت إلا بعد48 ساعة بالضبط وصحيت في الليل وكنت في العناية المركزة والاجهزة والممرضة قاعدة على ماسة وامامها جهاز القلب وصحيت قالت الحمدلله على السلامة وجابت لي برتقالة واكلتها واهلي قالهم الدكتور إذا لم يفيقبعد 24 ساعة فربما يموت هههههههههههه
الايمان الصادق بالله يؤدي الى التخلص من الخوف..الخوف من الموت لأن المؤمن يعلم يقينا ان الموت سينقله
الى الحياة الاخرة الخالدة التي ينعم فيها برحمة الله ورضوااانه و أنا ان كنت اشعر بخوف من الموت فإنما
هو في الحقيقة أخشى ألا أحظى بمغفرة الله وألا أنال رحمته..وليس الموت هو الرهيب بل الموت
المخزي وكما قال تعالى (إذا جاء اجلهم فلا يستأخرون ساعة ولا يستقدمون).أسأل الله لي ولكم
ولكل مسلم أن يثبتنا على الطاعة وان يحسن ختامنا ياحنان يامنان ياذا الجلاااال والاكراااااام