روح ابتعد

[wall09]

فراق واحزان واسى
وآهات ملّت من رجاك

نارين من هم وعنى
نهايتي كانت معاك

دربك مع وقتك قسى
ضيعت عمري في هواك

كنت احسب دروبك هنى
كانت مسافاتي رضاك

كنت انثر اللهفه وفى
وانته مضيعني هناك

كنت الامل كنت المنى
واحلى مشاويري رباك

قد كنت صبحي والمسى
والليل مايحلى بلاك

كم كنت للنظره مدى
والعين ماتنظر سواك

اشتاقلك واحنا سوى
واشتاقها همسة لماك

لاجيت نادتلك هلى
النبضه في قلبن حواك

وان رحت نادتلك متى
ترجع حبيبي يا عساك

لاصارت الدنيا شتى
كان الدفى كله دفاك

وان اظلم الليل بدجى
كان القمر نوره سناك

ان سالت الدمعه همى
اسّيل الدمعه وراك

والقلب لا منك شكى
بالحيل يكويني شكاك

وان جار وقتك او قسى
كان العمر يرخص فداك

ولحين تتركني كذا
ماعاد يعني مادهاك

اهديتلك قلبي هدا
اهديتني حرقة ضماك

بعد الهوى صد وجفى
انهى ينابيعه صفاك

من بعد ماغدرك سقى
قلبي الذي ياما عطاك

نارن مع ويل وشقى
ياهاجري يكفي عناك

اهديت عمري للردى
ولحين كلي قد نفاك

ان كان حبي لك خطى
ترى الخطى ماهو خطاك

بانسى الغرام اللي مضى
وامحي حروفي في غلاك

ابعد ولا ترجع كفى
قالت احاسيسي كفاك

ارويتك بنهري صفى
يّبست زرعي في ثراك

ادميتني وانته على
قلبي كما البلسم دواك

نّكلتبي حتى ملى
قلبي الالم منه خطاك

جّرحتني حتى غدى
جرحي كما كوكب سماك

دّمرتني حتى انتهى
صبري ومّلك وانتهاك

قلبي انا ياما عفى
غرسه وليته ما جناك

كنت لرياحيني شذى
واليوم فّلي قد رثاك

عافك قليبي واكتفى
عافك مثل ماهو بغاك

قد بان منك ما خفى
شفت الحقيقه في جفاك

صدق الجواهر مو سوى
والفالصو انته كساك

ياخادعي مهما غشى
قّدك حسن ربك حباك

مضمون قلبك قد خلى
منه الوفى ياذا الملاك

الغدر في طبعك طغى
والصدق ما يعرف شفاك

والوقت عن وجهك جلى
قناع زيفن قد غشاك

روح ابتعد قلبي خلى
عن حب مثلك وانتساك

قلبي انا ليله سرى
عن ليل ليلك وابتداك

ماضي ولا حتى هفى
ذكره على الخاطر وجاك

روح ابتعد قلبي كما
طيرن تحرر من لضاك

وان ذّكرك وقتك فلا
لا تظن يعنيني فضاك

"قصيدة:روح ابتعد"
وليد دغريري"شّني"
wall09

[wall09]

للهوى وقت وفصول
والمحبه له مواني

لو يقّربها العذول
ماحدن غيره يعاني

تالي الغيمه هطول
والعمر تاليه فاني

والمحبه لو تطول
تبقى لحظتها ثواني

منتهى القمرى افول
والصبابه كم تعاني

قمة العالي نزول
والشقى نار ومعاني

اخر الرحله وصول
والدفى في حضن غاني

العجب بعضه ذهول
والغلى لقليب حاني

الوله بعضه فضول
لا وسهله ارجواني

القدر لازم حصول
مايهاب الشوك جاني

الدلع فن واصول
والشقاوه لون ثاني

لفتة الطرف الخجول
سهمها ترميه ساني

عشقها ماله حلول
والوفى صدق وتفاني

والصراحه ما تحول
دامها اعذب اغاني

نظرة عيونك تقول
ان قلبك مو اناني

والحظيظ الّي ينول
حب قلبك يااماني

"قصيدة:وقت وفصول"
وليددغريري"شني"
wall09

[wall09]

من تعب روحي حبيبي من عناي
من بعادك من جحودك من جفاك

من عذاب القلب قلبي ذي عصاي
من غرامك واشتياقك من هواك

ياحبيبي صرت تايه في رجاي
من سبب بعدك حبيبي من قساك

كم انادي الصوت ماتسمع نداي
حيل اتعبني حنيني من غلاك

وين همسه كّنها في القلب ناي
وين ضحكة توهتني في رباك

وين نظره للضمى تسقيك ماي
وين ضّمه لملمتني في سماك

ياسقى الله لو انادي قلت جاي
بعد حبي صرت ضايع في مداك

ضاع حبي قلب من اهوى نساي
ليت قلبي ليت انه قد نساك

كنت نوري كنت في ليلي سناي
كان قمة فرحتي ساعة لقاك

صرت همي بعد فرحي ياشقاي
ضاع عمري يامعّنيني كفاك

دام انك بعت حبي ياغلاي
صّدق اني عفت حبك من عناك

انتهينا وانتهت قصة هواي
روح وابعد في امان الله معاك

"قصيدة:انتهينا"
وليددغريري"شّني"
wall09

[غريب الزمن]

صح لسانك

قصائد جميله واكثر ما اعجبني الاخيره


تحيتي

[wall09]

صح بدنك

من ذوقك اخوي غريب الزمن

تحياتي لك

[راجع راجع]

شكرا جزيلا

[wall09]

الشكرلك

اخوي راجع راجع

[ليل و طرب]

منور يا وليد

صح لسانك يا شاعرنا

[wall09]

النور نورك

اخوي ليل وطرب

[wall09]

*مانسيتك*

مانسيتك
لو دريتي مانسيت
لاوغيرك
لاولاغيرك هويت

انتي لو تدرين انتي
كم انا منك تعبت
كم ذرفت الدمع لاجلك
كم بشوقي كم سهرت

كم سريتك ليالي
وّي طيفك خيالي
كم نثرت المحبه
ياحياتي لئالي

انتي لو تدرين انتي
كم انا لاجلك كتبت
كم جرح قلبي بعادك
كم لاجلك كم نزفت

كم تركتيني اقاسي
يابعد روحي وناسي
كم صرخت الشوق كلمه
وانته يافتان قاسي

كنت اعيش الليل كله في عذاب
وان بدابي الصبح اطرده السراب
اخنقتني عبرتي،،،،وافضحتني دمعتي
وانتي انتي لا ولا منك كتاب
او لنار الويل فيني لاولا حتى جواب
كيف هانت دمعتي،،،،جاوبيني دنيتي
وآنا آنا تالهن اطرد سراب
آه منك آه من نار الغياب
قد كفتني غربتي،،،،حيل زادت اّنتي

رغم همي بعد ويلي والعنا
رغم جرحك بعد ناري والضنا
صدقيني رغم آهاتي انا

ما خطر غيرك سواك
من ينسيني هواك
غيرك انتي ياملاك

مانسيتك
لو عرفتي مانسيت
لاوغيرك
لا ولاغيرك هويت

وليدغريري"شّني"
wall09