تسألك روحي وقلبي يسألك
لي متى ذا البعد يكفيني حنين

اعشقك بالحيل ليلي اسهرك
وانثرك للصبح في قلبن وعين

سكة الاحساس فيها اجملك
سكة الفرقى بها قلبي حزين

ما بقى في الوقت غيره اصعبك
من هوى من شوق من غصة انين

ياحياتي في الهوى ما اجهلك
للسمى نجمه وللكلمه رنين

كيف انا مدري انا كيف اوصلك
دامك النجمه وانا بارضي دفين

دامك العالي وانا بعض اسفلك
بانتظر علّ وعسى قلبك يلين

تنزلي يمّي اضمك احضنك
وارتوي بالوصل من بُعد وسنين

انظرك واقضي العمر اتأملك
اعشقك والقلب ماهمه ونين

باح فيني الشوق ودي اعذبك
ياترى وش لون خذتيني سجين

صدقيني غير ذا مابسألك
هو متى اوصلك او انتي تجين

*نجمه و سجين*
وليددغريري"شني"