يحبها وبصمت والصمت حيله
للي يخاف الصدق والصد قّدر

لامن نظر للعين ذيك الكحيله
ينوي الحكي والقول من ثم فّكر

ينطق حروف الحب ذيك القتيله
في داخله والبوح كم كان اّخر

حاول يحاكيها وروحه عليله
اّجل تعابيره وما كان قّرر

في حبها قد ضاع عمره وليله
الى متى ذا الصمت كم باب سّكر

فكر طوال الليل وانهد حيله
سّيل دموعه سيل والدمع كّرر

يا مسيلي بالله دور بديله
صمتك هناه الحب بالحيل كّدر

يا سيدي بالله آنا دخيله
حرف الهوى والعشق بس ليه كّسر

وش لو حصل يازين لام الجديله
لو هو حكى اوقال اوكان عّبر

ابسألك وش عاد بيفيد قيله
كل مانواه البوح اجل وبّرر

ضاع العمر في صمت دربه طويله
مات الحكي والحرف بالحيل قّصر

ضيعتني والوقت كمل جميله
وادمى الحشى والروح والحال دّمر

قال الهوى بسكات واصبح خليله
في دنيته ذا الهم كم فيه سّطر

*ضّيع هواه الصمت
*وليددغريري"شّني"
*wall09