في عيونك اختصار ل كلمتين
الهوى عذري وآهاته تعب

لو يلين الوقت ولا مايلين
موطني حبك واشواقي شعب

و ف شفاهك اندماج ل سكرين
العسل والذوق مع توت وعنب

ياهوى الايام ياعشق السنين
ياامان العمر يارقه وغضب

اعشقك تدرين مهما تنكرين
والمشاعر كلها قالت عجب

حبها احساس لو يخفى يبين
رقة الانفاس خالطها لهب

الهوى والروح تحلفلك يمين
انتي حب القلب اشجان وعتب

اكره الدمعات منك والونين
واعشق الضحكات منك والطرب

لحنه الهمسات واحساسن امين
بالوفى دايم ينسيني التعب

سكة الاحساس درب الهايمين
وانتي قلبي تحت امرك والطلب

ترحمينه من متاهات و انين
او بكيفك اشعلي نار وحطب


# قصيدة: لهب
# الشاعر: وليد شنّي دغريري