انا ساكن في شقة
بعمارة بحي السلي بالرياض
المهم صاحب العمارة هذا
اسمه سالم العزيزي
سالم هذا انسان ظالم وجائر
كل يوم يرفع علينا الاجار
وقبل شهر ركب مظلات للسيارات
ولف عالجيران وطلب من كل مستأجر
4000 الاف المهم ان الاغلبية
مادفعوا قالوا له بعدين عالراتب
واللي قال ما بنسافر بننقل
"واللي قال في نفسه مانبيك"
المهم الكل دفع الا مستاجر سبيعي
عسكري كان مساهم في الحد الجنوبي
فقير وعنده كومة عيال
راح سالم غير كيلون الشقة
وقفل عليه هو واهله
يقول ما افتح لكم الين تدفعون
المهم الناس صاروا يرسلون لهم
اكل من الدرايش
فمنع عنهم الاكل
ومنع حتى التعاطف معاهم
او الحديث عنهم
المشكلة قبلها بفترة
دخل مزرعة أحصنة
وقتل منها 60 حصان وهرب
وعنده موقع اسمه هبوب 2030
مخصصة للنيل من اعدائه
عاد هو كل يوم له أعداء جدد
مرة المطاوعة ومرة الاخوان
ومرة العلمانيين ومرة الشيعة
وكل يوم يتهاوش مع واحد من الجيران
ويطلب الفزعة من الجيران
واحيانا من امام المسجد
احنا عارفين وساكتين
عشان مايطردنا او يسجنا
لانه شخص مسؤول ومهم في الدولة
ومحامي وعارف القانون كويس
و اخوانه كلهم ضباط في الاقسام
و يسلط اولاده على الجيران
يستفزونهم بألفاظ نابية
ويعطيهم شاي بالياسمين
اصبحنا الان في حالة نفسية سيئة
ونومنا وكلامنا صار قليل
المشكلة انه من نفس عائلتنا
و مرغ بإسم العائلة التراب
بسبب تصرفاته الرعناء
يا اخي ممكن انك تخليني
اعيش بدون بيت بدون نت
لكن مستحيل تجبرني
أعيش بلا ضمير