ياذيب وان جتك الغنم في مفاليك
فأكمن لين الرعايا تعداك
فيما مضى ياذيب تفرس بأياديك
واليوم جاء ذيب عن الفرس عداك
ياذيب عاهدني واعاهدك ماارميك
ماارميك انا يذيب لو زان مرماك
والنفس خالف رأيها قبل ترميك
ترى لها الشيطان يرمي بالاهلاك
ومن بعد ذا لاتصحب النذل يعديك
وعن صحبة الانذال حاشاك حاشاك
ترى العشير النذل يخلف طواريك
وانا ارجي انك ماتجي دون آباك
والهقوة انك ماتجي دون آهاليك
ولا اظن عود المسك يثمر بتنباك
والحر مثلك يستحي يصحب الديك
وإن صاحبه قاقا مقاقاة الأدياك
من نم لك نم بك ولا فيه تشكيك
والياه قد زرى رفيقك وزارك
عندك حكى فينا وعندي حكى فيك
واصبحت كارهنا وحنا كرهناك
مااخطاك ماصابك ولو كان راميك
واللي يصيبك لو تتقيت مااخطاك
ابيات من قصيدة طويلة للشريف بركات
آواخر القرن العاشر وأوائل الحادي عشر
في وصيته لابنه مالك..قطعة شعرية
رائعة...
وتحياتي والسلام