عبقرية امير عبدالمجيد في هالحفلة مو طبيعية
اولاً اغنية المحبة شوفوا اللزمات اللي فيها
راشد سواها في ثلاث حفلات دبي 97 و ابها 99 و هالحفلة
لزمات في الكمنجات صعبة بشكل مو طبيعي لدرجة ان طارق عاكف اضطر انه يغيرها في حفلاته فيالتسعينات
تفنن عبقرية في اللزمات والتوزيع ونفس الكلام راشد ماغناها مع طارق عاكف كثير وغناها مع وليدفايد لكن وليد اضطر يغيرها شوية ويبسطها لصعوبتها
المسافر عبقرية الوتريات فيها ولزمات امير رغم انها من توزيع طارق عاكف ولكن طارق عاكف نفسه غيرها في الحفلات لتكون ابسط في العزف
حبيبي معايا ايضاً تم تغيير اللزمات فيها في حفلة جرش 99 وبعض الحفلات الي مع طارق عاكف
طارق عاكف يحط كل اغاني راشد تحت ستايله وهذي ميزته
وعبقري في التوزيع
امير في الوتريات وقت التسعينات كان غير طبيعي لكنه كان مايهتم بالاورج
حفلات امير الاخيرة عندي افضل بالف مرة ووصل لمرحلة متطورة لو راشد يتعامل معاه قسم بالله بتطلع شي غير طبيعي والي يقول ان امير قديم وماينفع للجديد يسمع حفلات شرين في فبراير ويشوف الابداع
بشكل عام امير صعب احد يتغلب عليه في لزماته والمشكلة ان لزماته صعبة ولما تغيرها يروح طعم الاغنية شي غير طبعيي
طارق عاكف ابداع في احساسه وكان يبدع في كل الاغاني اللي من توزيعه بالذات وكان لها طعم خاص
حفلات التسعينات كان فيها عمالقة ما اعتقد اننا بنسمع مثلهم الآن
وكل واحد فيهم مدرسة بحد ذاته