...
في المجتمع السعودي بالذات .. أي شخص يطيل فترة العزوبية .. هو شخص مسكين
كل ما يروح مكان يسألونه : ليش ما تتزوج ؟؟
وتكثر عليه الشائعات .. واحد يقول : يمكن مريض أو معقد من الزواج
واللي يقول : يا شيخ هذا راعي سفريات ما يحب يرتبط .. يبغى يفلها
يعني طول ما كنت شخص أعزب ومقتدر ماديا ولا ينقصك شيء .. ما راح تنتهي من الشائعات
إلا بالزواج
متى يفهم الناس .. إن الإنسان حر في اختياراته ؟؟
متى يفهم الناس إنه حتى الحيوانات تتزاوج .. يعني مسألة الزواج ليست إنجاز عظيم ولا تفوق نادر
حتى أتفه الناس ممكن يتزوج ويفتح بيت ويجيب عيال
يعني كفاية اسئلة ؟؟.. كل واحد يخلي باله من نفسه ولا يحشر أنفه في شيء ما يخصه
لأن الأعزب بصراحة يجامل ويجامل وممكن ينفجر فجأة ويقول : وش دخل أمك اتزوج ولا ما اتزوج ؟
اذكر مرة واحد متزوج يقول لصديقه الأعزب :
هذا إذا ازعجك بالسؤال في كل مجلس ؟؟ .. قله : ليه ... تبي تزوجني أمك
يقول صدقني بيقمط ويتوب يسألك مرة ثانية !
بصراحة صعبة يقول هذا الكلام .. برضه الواحد عنده أخلاق ... بس إلى متى ؟؟؟ .... هنا السؤال ؟
ليش المتزوج بالذات يشوف الأعزب مسكين ... وضروري يتزوج مثله ؟!