هل يفهم خالد عبدالرحمن في المقامات؟

[ليل و طرب]

ارجع واكرر الله يسامحك ويطول بالك يااخي ليل ..

انا ماني جاهل وعمري داحين 43 سنة ومضغتني الحياه ورجل متابع لفترة خالد هذا وماقبله من الفنانيين ....
وحتى لو ان خالد لم يكتب البوم كامل بأسم مستعار ..من الاصل ماكان في داعي يكتب بعض الالبوم بإسم مستعار عشان يختبر رأي الصحافة الفنية في شخصه الكريم

يعني الحركة غبية من الاساس وغير ناضجه وتدل على مراهقة بتفكير خالد بذالك الوقت ..
وللاسف دا بعد خمس البومات يفترض يكون اكسبته نضج وثقة بنفسه وأعماله أكثر ..!

لأن الفنان الناضج الواثق من قدراته واعماله يفترض يرّكز على شغله وعمله الفني ويترك الصحافه ..

بل مما يدل على ان الصحافة في ذالك الوقت نزيهه...و لم تكن تضمر اي موقف مقصود من شخص خالد وأعماله ..

أنها مدحته لاحقا كما تفضلت حضرتك ..
بعد أن أوهمهم من خلال الاسماء المستعاره ..بأن البومه متنوع وملّون ...!

ولكن هاذي مشكلتكم التعصب التعصب .. وإستعداء الصحافة والاعلام والفنانيين بطريقة عجيبه ..

وعندكم كمان حالة غريبة من التعميم بشكل دائم مثل الاطفال ..

خالد افضل صوت يغني بدون موسيقى
خالد افضل ملحن وافضل شاعر نبطي وفصيح ..
خالد تفوق على جميع الفنانيين ..
كل الصحافة ضد خالد وتريد تقلل من كلماته والحانه ..
والخ ...

اخيرا لاتزعل مني وتغلط بالكلام وترميني بالجنون هههه .. الموضوع مجرد نقاش ورأي ورأي اخر ..

والسلام ..

مشكلة إذا عمرك 43 وهذي عقليتك ... وما زلت تكره خالد بعد كل هذا التاريخ في الفن

خالد لو كان صغير وماله بالفن إلا 3 سنوات .. ممكن اتقبل كلامك

بس فنان صال وجال .. ووضع بصمته بالفن السعودي وانتهى الموضوع

وانت جاي تسولف في سوالف .. قديمة ... ناقشناها من زمان الصمت .. وخلصنا منها

اعطيك معلومة ... لأنك تجهل خالد وهذا واضح من سوالفك


لقب مخاوي الليل .. ما زال خالد يستخدمه ... يكتب كلمات : مخاوي الليل والحان خالد عبدالرحمن

وكذلك لقب سلطان الشادي ... استخدمه خالد في ألبوم موادع في أغنية : فزو لها

وفي ألبوم قلبك كبير عام 1999 ... استخدم اللقبين ( مخاوي الليل ) للشعر

ولقب ( سلطان الشادي ) للملحن

ومعنى سلطان الشادي .. سلطان من سلطنة و الشادي يعني المغني


ويكون في علمك هذا الألبوم رقم 18 في تاريخه


لاحظ في الصورة .... أغنية : لا تستر الليل - تعالي - وش تنتظر - الود

جميعها بإسم الملحن : سلطان الشادي






بالنسبة للأفضلية

زي ما تشوف إنت فنانك أفضل .. جمهور خالد أيضا يشوف فنانه أفضل

ولا يعني .. حلال عليك وحرام عليهم




بالنسبة للصحافة ... من يكتب فيها هم أشخاص لديهم ميول .. مثلي ومثلك تماماً

يعني فنان يحبه الكاتب ... راح يمدحه حتى لو كان ما يستاهل

وإذا ما يحبه .. لأنه من نجد مثلا .. أو ماهو مزاجه ولا يسمعه .. مؤكد راح يذمه

وإذا يشوف هذا الفنان ينافس فنانه .. مؤكد راح يحاول يشوه صورته ويقلل منه ويحاول تحجيمه


الصحافة مجرد هرطقات

مش بس خالد اللي ينتقدها حتى عبدالرب إدريس في لقاء تلفزيوني يقول :

أنا ما بهاجم الصحافة .. أنا بنتقد من يكتب في الصحافة