سلام عليكم

كثير يسمع الأغاني من جوال عادي و بسماعات رخيصه .. لكن هل فكرت وش تخسر لما تسمع الأغاني بهالطريقة ؟
حقيقة أنا كنت زي كذا لمده طويله و لما بحثت في عالم الصوتيات وجدت أن هالشيء يخليك في كثير من الأحيان ما
تسمع الأغنية بشكل صحيح خاصة الأغاني الأجنبية اللي تقدر تتحصل عليها بجودة عالية و كذلك هم يحبون يضيفون
آلالات موسيقية كثير جداً في الخلفية عكس الأغاني العربية خاصة القديمة اللي ما فيها كل هذه الآلات ..

بإختصار مجال الصوتيات كبير و واسع و الأجانب ممكن تحصل واحد يدفع الى 1000 دولار للهيدفون لوحده
بالإضافة لساوند سستم يكلف مثل هذا المبلغ تقريباً لكن أنا بأنصح بشيء رخيص نسبياً للي يبي يسمع الأغاني بجودة
ممتازة جداً و ما يدفع أكثر من 1300 ريال على الهيدفون فون و الساوند سستم مع بعض ..

بالنسبة للسماعات .. أنصح بسماعات Philips X2/27 Fidelio و سعرها بحدود 280 دولار أو ما يعادل 1000 ريال
صوتها جداً نقي و مقارنة بسماعات سوني أم 200 ريال الفرق يكاد لا يصدق .. كأنك تسمع الأغنية لأول مره !

طبعاً إذا تفكر إن جوالك ممكن يشغل هالسماعات بشكل جيد فأنت غلطان .. لأن أغلب الجوالات ما تعطي باور كفاية عشان
تشغل هيدفون .. بإستثناء موديلات قليله .. كذلك اللابتوب غالباً يجي معاه كرت صوت رديء و ما يسوى تعب تشتري له
سماعات كويسه .. لذلك تحتاج جهاز صوت / أمبليفاير منفصل عشان يشغل السماعات بالجودة المطلوبة و أفضل شيء
رخيص هو جهاز FiiO E10K سعره حوالي 280 ريال و يشبك مع الكمبيوتر عن طريق الـUSB .. و الفرق بينه و بين
الصوت عن طريق اللابتوب مثل الفرق بين السماء و الأرض

طبعاً هذا كله للأغاني الأجنبية لأن تقدر تحصلها بجودة عالية و لأن الأغاني نفسها فيها تفاصيل كثيرة جداً يحتاج
سماعات و أمبليفاير كويس عشان تقدر تستمع بالأغنية بشكل جيد و تسمع كل التفاصيل الدقيقة .. و الأغاني العربية
الحديثة أيضاً تستفيد منها إذا تقدر تتحصل عليها بجودة عالية و مش من اليوتيوب ..

تقريباَ تكلفة كل هذا هو 1300 ريال ممكن مبلغ كبير بالنسبة للبعض لكن الفرق يستاهل كل ريال دفعته فيها .. و نصيحه
لا أحد يستهين بجودة الصوت في الأغاني لأن فعلاً بعض الأغاني لما سمعتها بالسماعات و الأمبليفاير الجديد حسيت و كأني
أسمعها لأول مره برغم أني قد سمعتها عشرات المرات سابقاً