رحمك الله ياوالدي
كل ماتجي ذكرى رحيلك وطاريك
القا غيابك جالس في مكانك
وتاخذني الاحزان وقعد اناجيك
وتخيلك تزهم تنادي حنانك
وشوف لك صوره بعيني تراعيك
علقتها بجدار قلبي وصانك
والمشلح اللي تلبسه يوم الاقيك
يفوح منه العود وريحة زمان
والمسبحه اللي لاعبت كل اياديك
علقتها بصدري قلاده عشانك
حتى فناجيلك وكيكك وشاهيك
سويتها وصبيتها من حنانك
وذا مجلسك لاجيت ودي اقهويك
قلت اجلسي .. تسلم يديك وبنانك
وسيارتك لاجيت ودي اخاويك
قربتها وخذيتني في امانك
ونظارتك اللي تخبي الحياء فيك
مسحتها وحطيتها في مكانك
لويسمحولي احفر القبر لاجيك
وقول لغيابك يفارق مكانك
...اثااال