كسرت فنجال الغلا في صدودك
واسقيتني من ريق الايام حلواه
خليتني يازين انسى عهودك
واسهر انا وياك من آه الى آه
خذ من لذيذ الحرف بودر خدودك
وترك لنا بالصدر جمر المعاناه
ماقلت لك توبه ودي اعودك
وفيض المشاعر بينا والمناجاه
شف حيرتي منك تعدة حدودك
شف لهفتي لشوق ماهي مخباه
نثرت ورد الحب وبين حسودك
لامرت الذكرى خلها تعداه
وشرب حبيبي صافي الحب ذودك
الطرش يبعد بس يرجع على ماه
....اثااال
ترمي كلامك علي وتحب تتبلى
ياخي تاكد قبل لأتظلم احبابك
نفسي اخاصمك ودي عنك اتخلى
والقلب ماطاعني واقف على بابك
ياقو قلبك على لاصرت تتجنى
وياطيب قلبي معك متحمل اتعابك
من سكر الشوق جابه ليه يتغلى
يذوق مر الكلام اللي من اسبابك
لما ابوح الكلام اتقول اتمنى
ونجيت في عزتي تقول وش جابك
...اثااال
اخر تعديل كان بواسطة » أثال في يوم » 16-04-2022 عند الساعة » 12:07 AM
آهات في صدري بها غصة دموع
مقدرت اطلعها وماساعدتني
مثل السحاب اللي نشاء متبوع
يبرق ويرعد بس مابللتني
ياليتها سالت على خدي دموع
ومالجلجة بالصدر ثم خنقتني
مدري بلاها شي او حب مقطوع
سالتها ياغصتي وكتمتني
الله عليها كسرت فيني ضلوع
وسدت مجاري النفس وذبحتني
وصارت تنازعني من الكبد بنزوع
مقدرت اقوها و مافارقتني
باالله ياوصل الغلا هاتي دموع
ابكي بها من ناس ماريحتني
عامين وانا عندها صرت ملطوع
لاهي رحمت حالي ولا سيبتني
...اثااال
من لهفة الشوق ناديتك
ومن الوله غصت في يمك
شف فرحتي يوم لبيتك
اصبحت احظنك وضمك
يالعنبوا حيك وميتك
ذبحتني وانت ماهمك
ان غبت عنك تحريتك
ونجيت اسقيتني سمك
لبيه بالقلب راعيتك
ياليتني من ولد عمك
فنجالك الحب قهويتك
ومن الحلا سكره دمك
طربت لك لين غنيتك
وزعل على كل من ذمك
...اثااال
اخر تعديل كان بواسطة » أثال في يوم » 19-04-2022 عند الساعة » 02:34 AM
جيتك وصل وخذتني عندك فراق
وفاح الالم وسالت دموع عيني
هذا جفاك من الوفا صد الاشواق
وهذا حنيني مات بينك وبيني
صوتلك ودي دفى وضم وعناق
ورددت صوت الحب بجمل سنيني
كنت بتفاصيلي وانا كنت مشتاق
واليوم خذني يالفرح ورتويني
وترك وساده للعنا ودمع وشهاق
وليل طويل من السهر والانيني
ترى الامل في كل الاحوال مصداق
وترى الصدق احساس تلقاه فيني
تمم وفاك وهاك من ودي سياق
هذا الشعور اللي بحدك يجيني
حقك علينا ترمقك عيني ارماق
وشلون لو تمسك يدينك يديني
...اثااال
قالوا خليفة مات قلت ماله خليفة
هذا الزعيم اللي تفرد بالاخلاق
هذا الذي كانت غصونة مريفة
ابكى علية من البكا اشهق شهاق
ياالله صبرني صبار الوصيفة
اللي طوها حزن فقده والفراق
...اثااال
.
ياالخلوج اللي بكت عيني عليها
ومايمل القلب من كثر الصياح
يوم انا توي سقتني من يديها
ويوم غابت حق اهديها النجاح
ليه عيني مابكت الا عليها
ليه عيت عن كثير من الملاح
وشبها زايد وانا وشبي عليها
غير انه قدمتني للنجاح
ياصباح الحمد قم بارك عليها
وياصباح النور مع هذا الصباح
حسبي الله كان نكتوا عليها
وحسبي خير الظن من كثرالصياح
ماالوم اللي بكاء قبلي عليها
وماالوم القلب ينبت به جراح
....اثااال
اخر تعديل كان بواسطة » أثال في يوم » 23-07-2022 عند الساعة » 01:42 PM
الا ياناس بالله خبروني
كلام الشين لو يرمي عليه
عطيته كل شي وعاندوني
ورد الحب وحرمني الهديه
عجزت افهم ليه يلاهدوني
وانا اماري بهم كل البريه
غريبه منهم مافهموني
سبب هذا التحامل والاذيه
ياليت بظلمهم ماعاملوني
ولا بخلوا بطلتهم عليه
...اثااال
خليني مره اشوفك ..
وشرحلي ابسط ضروفك
ياللي شغل قلبي طيفك ..
من مده وانا احتريك
كل ما اقرب تبعد ..
يوم اتصل بك تجمد
مدري دلع مدري من جد
مع هذا .. انا ابيك
يانور قلبي وعيني ..
اجيك والا تجيني
ترى الزعل مستحيل ..
ياراحتي يوم اشوفك
يافرحتي من يعوفك
متي تسمح ضروفك ..
واخذك من عند ابوك
اديني مره جوابك ..
اجيك واطق بابك
ارجوك انا احتريك .. ارجوك أنا احتريك
..اثااال
اخر تعديل كان بواسطة » أثال في يوم » 08-08-2022 عند الساعة » 11:27 PM