روعة التلاقي

[أثال]

..

عجزت الدنيا تغيرك ياذاك الصديق
ان صفت دورات الايام ولا ماصفت

من عيون اخوك خذ ماتريد ولا تضيق
أصلها من فقد الأصحاب عانت واكتفت

حطني بالموقف اللي برفقتنا يليق
لادعيت أصحاب وقت الفراغة واختفت

.. عبدالهادي سليمان

[أثال]

فرحة وصكتها السنين اللي تولتها
لين صرنا نسرق ايام الفرح سرقة

ناخت ركاب الاماني دون غايتها
السنين عطاش والاكباد محترقة

والكلام اللي كتبته في بدايتها
والطموح اللي اخايل وسمه وبرقة

في مهب الريح قمت اكتب نهايتها
والضما في قاعة المحمل نشف عرقة

هذي هي وهذا انا وذي حكايتها
الشبة واضح ولكن ياكبر فرقة

.. عبدالهادي سليمان

[أثال]

،،،،

فمان الله ياشي تمنيتة والا الله راد
فمان الله ياشي الوحيد اللي تمنيتة

وداعا ياطرف دنيا هنية فاتها الميعاد
يامنوة حبلها مرخي وانا قفيت وارخيتة

يامنوة من زهد فيها وشافك من فتات الزاد
وياليته زاهد فيها وفيك اليوم ياليتة

ولا خلا لها جذوة تحرك جمرها الوقاد
على رجواه تصلاه وعلى مبداه صاليتة

وخلا الدمعتين اللى ورى الخاطر على ستعداد
وحدن محجر الشيمة يهل الدمع تاليتة

عمى الإنسان من نفسه اذا ملت من المعتاد
وتبني له امل ينخر رضاه ويهدم بويتة

ورب البيت ماخلي لها في خاطري مقعاد
من الجلده حفظت الدرس للجلده وصميتة

عبدالهادي سليمان