روعة التلاقي

[أثال]

[أثال]

[أثال]

غشوك بالطيب وانت النية النية
جواد مرسل على الطيب وملازيمة

حدور سيلك على شعبانهم حية
وسيول خملاتهم دقة بتعليمة

راحت جمايلك يالكف النداوية
عند أرخص الناس لامعنى ولا قيمة

الطيب تطمع به نفوس الحرامية
سراقة الجود من مستودع الشيمة

... عبد الهادي سليمان

https://youtu.be/3zezz_MMI14?si=W3r_6dVGVQg4fapX

.

[أثال]

[أثال]

مهما يكون الشعور اللي علـي بـادي
لا زلت انا الوارد اللي ماطـوى حبلـه


على القـراح الزلالـي طـال تـردادي
اشرب واصدر ظما مدري وش اشرب له


يا من تغاربتـي غيابـي وهـو عـادي
بُعد الرجل عن دواعي ذله اهيـب لـه


ماامشي قبل لا اعرف الوجهه بلا قادي
ولا صلـي الا وانـا متقبـل القبـلـه


منزالي النايفه عـن حـدري الـوادي
ورجل(ن) يجي في مسيل السيل يا هبله


أبعدت مالي غـرض فـي ذل مقعـادي
ما دام يلعب لي الذعـذاع والعـب لـه


ماني لعرفي مع اهل العـرف متـرادي
لاشك كبدي من اللـي شفـت مندبلـه


يا لاقيـة خيـر هـاك العلـم للغـادي
اللي عجز يفرق الشيحـه مـن الربلـه


أمانـتـك بلغـيـه لـكـل حـسـادي
لا غارت الكـدش وكحيـلان باصطبلـه


أنا أول العشـر مانـي للعشـر حـادي
مالك ومال افتـراض الجاهـل الأبلـه


يموت انا حاسدي مـا ياصـل ابعـادي
منّي نجوم السما لو يفهـم اقـرب لـه


ولابد ما الهايج المايـج يجـي هـادي
وكل(ن) يشوف المكان اللي يناسب لـه


إن مت مات النبـي وآبـاي واجـدادي
وما دام لي يوم مانـي ميّـت(ن) قبلـه



من روائع الشاعر الكبير

عبدالرزاق الهذيل

[أثال]

ياجاحد الطيب في جالك ماهي بجالي
العيب عيبك وأنا لي رب يكفيني

أنا على الطيب ميرادي ومنهالي
لاتحسب ان فعلتك هذي ترميني

وارجع عن الطيب وقصر دونة حبالي
أنا على الجود لاخر قرش بيديني

يالله تقصر مطاليبي على مالي
وأنا اعطي الناس مابغي الناس تعطيني

.. عابر



.

[saken]

يا أثال الله يصلحك وين غادي
ضيعت دربك بين هاذي وهاذيك
حدرت لك ياصاحبي جر وادي
تبغى مع تالي الزمن من يداويك
راح العمر ماعاد ينفع .. مداوي
واللي تخبرة صيف عاما مخليك
إلا إذا كانك بعيد ....... الهقاوي
نقول ماشاء الله وتشكر مساعيك
دامك على صكات الأيام قاوى
الله يعينك لا تباعد خطاويك.


[

[أثال]

[أثال]

[أثال]

[أثال]

في سكوتي ضيع العذر الكلام
انفرط عقد الكلام وماعرف

ضاع وجه العذر في وجه الملام
والأسف مافيه داعي للأسف

الصمود اللي بوجه الانهزام
وكبريا المدمع اللي ماذرف

والرجل والبيت وشداد السنام
والكريم اللي اخذ عنهم طرف

كل مالد الكريم ابن الكرام
للحياة وضعها كف و وقف

ردها عن زخرف الدنيا وشام
كل ماتولد قناعة مات شف

لين طابت نفس في نوبة سلام
وطاحت رفوف الأماني رف رف

عبدالهادي سليمان

https://youtu.be/ik8VzAqgZPc?si=h1CEM17W7yfukG-E

.

[أثال]

[أثال]

[أثال]

عيني بعين الانتظار

البارح القمرا على صدر السهر
سحر الخيال اللي جمع ليل ونهار

البارحة طاحت سوالف من جمر
البارحة عض البرد جمرة ونار

توشع العمر الهوى مزن أنهمر
حدور سيلة تحيي الصم القفار

افراح ريعان الصبا تالي العمر
طارت فرح متوازن بسمت وقار

وانا وقفت وعينت اللحظة تمر
مستغرب وعيني بعين الانتظار

وسنين صبري في عوضها تنصهر
والغالي قبالي ودلة بالوجار

وعيون الايام المقبلة تحتظر
واقع امل والحلم ماهو مستعار

..عبدالهادي سليمان

[أثال]

..

خذ ياشعر فرايد الوصف مني
أعذب قريض هناك في خانة جزال

حلق مثل ماحلق الحظ عني
خظ القوافي خظة الوقت للحال

ارسل على جنية الشعر جني
اقلب الف باءه على النون والدال

سطر حروفي وانقل العلم عني
ان المراجل طيب نفس وبذل مال

عبدالهادي سليمان