قصيدة ولا حاجه ايمان بكري

[زينهم بيه]

مفيش حاجة


مانيش عايز خلاص حاجة ولا محتاج انا لحاجة ولو عايز صحيح حاجة مخليتوليش ولا حاجة


عموماً بصوا فيه حاجة ...... هقولها بس محتاج لعقول تفهم..


ولو حاجة مهيش مفهومة او حاجة ....نفسرها بكام حاجة ..


نوضحها بكام حاجة وأهى حاجة مع حاجة هتظهر وتبان لنا حاجة


وانا ما بخفش من حاجة مانيش مسنودولا حاجة


لكن ما بخفش من حاجة لكن فرضاً لو هقول حاجة هيحصل إيه ... ولا حاجة


هيعملوا إية.... ولا حاجة ولو بعد الشر .. بعد الشر لو واحد من القاعدين من السامعين من الضالين فِهِم حاجة هَيعملوا إيه ؟!


اكيد برضُه ولا حاجة ....فنتوكل على الستار لوجه الله نقول حاجة فيه


ناس بتعيش علشان حاجة وناس بتموت علشان حاجة وناس بتموت على الحاجة


وناس تديلك الحاجه وهى ليها محتاجه وناس تديلك الحاجه و تاخد قصادها ميت حاجه


وناس تكبر تكون حاجه و ناس تصغر علشان حاجه


وناس منظر ومش حاجة وتلقاه كبير حرس ونفير عليه منظر... وهو جبان وشيخ منصر ولا يبنش عليه حاجة


كلامى يا خلق فيه حاجة ... لحد دلوقتى فيه حاجه؟ كلام عادى وبسيط جداً .. ولا فِهشِ ولا حاجة


ما انا ما أقدرش أقول حاجه صحيح نفسى أقول حاجه وميت حاجه لكن مش قادر اقول حاجة


لأنى لو هقول حاجه ..هييجى ناس بتوع حاجه وياخدونى ورا الحاجة وهو لو سمع حاجه هيعملوهالى ميت حاجه


عموما ... بصو لو حد من القاعدين عايزنى أبلغه بحاجة يقول مايخفش من حاجة


نعم ...... فيه إيه؟ ...لالالالالأ مافيش سرقه ولا تهليب ولا تهريب ولا حاجة


وبتقول إيه...مصمصوا إيه.... وخصخصوا إيه....ده كله كلام مفيش حاجه ... قضية إيه ... ياشيخ روح خلاص مافيش حاجه


حرامى إيه ... ولَكّح إيه ... وهرّب إيه؟ شفافيه مافيش حاجة


وبتقول إيه ... لالالآلأ عيب لافيه تدليس ولاترقيص ولا تدبيس ولا حاجه


سمع مع هس انا حاسس انه فيه حاجة دقيقة سكات لَتبقى حداد انا حاسس انه فيه حاجه


زمنكوا ياخلق فيه حاجه ولازموا كام وميت حاجه ده لو يعنى إذا كان فيه حاجة انا عن نفسى مش حاسس ولا بحاجة ولا متضايق ولا حاجة


سعادتك برضه مش زَيىِ مافيش حاجة ؟ ..... أهه بيقول مافيش حاجة جنابك برضه مش زَيىِ وعلشان زَيىِ مافيش حاجة .. أهه بيضحك بيقول مافيش حاجة


ما أنا قولتلكو من الأول مافيش حاجة عليا النعمه يا اخوانّا مافيه حاجة ورحمة ابويا ويّا أبوك على إللّى جابوك ما فيه حاجه


وعهد الله . وعهد الله. وعهد الله ما خللولنا ولا حاجه


بقولك إيه خلاص خلّص وفركش يا اخوانا


مفيش حاجة

[فتى مكة]

" والله ماحد فاهم حاجة " !

قصيدة حلوة أوي ، وتفكرني بقصيدة " البتاع " لعمّنا الشاعر الراحل أحمد فؤاد نجم :
ياللي فتحت البتاع
فتحك على مقفول
لأنّ أصل البتاع
واصل على موصول
فأيّ شي في البتاع
الناس تشوف على طول
والناس تموت في البتاع
فيبقى مين مسؤول ؟؟!

[راجع راجع]

شكرا يازنهم متقمص الدور ماشاء الله عليك..

وشكرا لفتى مكة ..

[سارة000]

الله دا الكلام مافهمناش منه ولا ولا حاقة

بالوكم ايه عاوزين حاقة ؟؟؟

[عبادي فنان العالم]

ناس تكبر تكون حاجه و ناس تصغر علشان حاجه

وعجبي

[زينهم بيه]

" والله ماحد فاهم حاجة " !

قصيدة حلوة أوي ، وتفكرني بقصيدة " البتاع " لعمّنا الشاعر الراحل أحمد فؤاد نجم :
ياللي فتحت البتاع
فتحك على مقفول
لأنّ أصل البتاع
واصل على موصول
فأيّ شي في البتاع
الناس تشوف على طول
والناس تموت في البتاع
فيبقى مين مسؤول ؟؟!

والله انت بتفهم يا عمنا

والناس تموت في البتاع ده صحيح فعلاً

منور يا كبير

[زينهم بيه]

شكرا يازنهم متقمص الدور ماشاء الله عليك..

وشكرا لفتى مكة ..

العفو

نورت المطرح

[زينهم بيه]

الله دا الكلام مافهمناش منه ولا ولا حاقة

بالوكم ايه عاوزين حاقة ؟؟؟

الله يخليكي منفسيش فحاقه

[زينهم بيه]

ناس تكبر تكون حاجه و ناس تصغر علشان حاجه

وعجبي

اهلاً اهلاً اهلاً

منور لا منور دا ايه انتا نورت خلااص

[Anmar Alemdar]

مشكور يامعلم زينهم السماحي

[زينهم بيه]

مشكور يامعلم زينهم السماحي

العفو يا استاز منور