من الستينات الميلادية وعلى الإيقاع الملفوف : ياناس الهوى قاهر والمحبوب ناسيني

[صبا نجد 1980]

كلمات محمد الناصر السويلم
ألحان وغناء سلامة العبدالله
*ياناس الهوى قاهر*

ياناس الهوى قاهر
والمحبوب ناسيني
بختي منه محروم
من يحكم على الظاهر
في ما بينه وبيني
ياخذ حق مظلوم
***
وإن قال الهوى الطاهر
يرضيكم ويرضيني
كل ما كان معلوم
كل الليل أنا ساهر
يجري الدمع من عيني
وأنتى صاحب النوم
***
يامن حسنه الباهر
يقتلني ويحييني
هذا الزين مرحوم
ياللورد من زاهر
بالخدين تلويني
يابو صدر مزموم
***
هذا الجسم ياماهر
حاوي قده الليني
كن الوسط محزوم
خايف منك ياساحر
كأس الحب تسقيني
مابين أمس واليوم
***
مال الصاحب يشاهر
بقلوب المحبيني
كنه غير ملزوم
لاياخلي تجاهر
في مابين الأثنيني
خل السر مكتوم
***
خل الهرج ياشاطر
بالياباني والصيني
ما معناه مفهوم
لغز الفن ياساتر
يضحكني ويبكيني
والمقسوم مقسوم
***
واللي قاله الشاعر
يكفيكم ويكفيني
كان الشور معدوم
ياناس الهوى قاهر
والمحبوب ناسيني
بختي منه محروم
**************
سلامة العبدالله - ياناس الهوى قاهر $.mp3


<font color="Olive"><font size="5">

[عاذب الأجواء]

أنا ما أدري من وين تجيب هالنوادر ، الله يسعدك
الظاهر عندك مكتبة متكاملة لـ( سلامة العبدالله )
وَ مثل ما أعرف أن تكوين مكتبة كهذه يأخذ وقت من الجهد وَ البحث و المقارنة
يستاهل " سلامة " رحمه الله
شاكرين لك وَ مقدرين هذا الإهداء
وَ في حفظ الله

[صبا نجد 1980]

أنا ما أدري من وين تجيب هالنوادر ، الله يسعدك
الظاهر عندك مكتبة متكاملة لـ( سلامة العبدالله )
وَ مثل ما أعرف أن تكوين مكتبة كهذه يأخذ وقت من الجهد وَ البحث و المقارنة
يستاهل " سلامة " رحمه الله
شاكرين لك وَ مقدرين هذا الإهداء
وَ في حفظ الله

هلا أخوي عاذب الأجواء
والله إن جيت للجد أمشي على البركة لكن إن حصلت أحد عنده أشرطة أكون حريص على الحصول عليها