سلام يا طيبين =)
اليوم طلبت مني اختي اساعدها في مشروعها للجامعة واسوي مقابلة مع عامل نظافة من الشارع واسألو كم سؤال و اعطيه شنطة من الفريق التطوعي المشترك في نفس المشروع!
رحنا للممشى لانو اكتر مكان مناسب منها رياضة ومنها نلاقي واحد من عمال النظافة ونسألو !
وثقت المقابلة بفيديو على حسب طلب الدكتورة =)
http://cdn.top4top.co/d_36af8097690.mp4
مع اني يادوب سألتو 4 أو 5 أسئلة مااخدت مني 5 دقايق
لكن بعد ما خلصت جلست متأثرة لفترة طويلة...
عامل نظافة يشتغل اكتر من 8 ساعات يوميا
ويتحمل التعب وأحوال الجو غير الإهانات اللي يلاقيها من بعض قليلين التربية =)
ويستلم راتب 350 ريال في الشهر !
حتى الملابس اللي لابسينها مناسبة للصيف وحرارة الجو يعني ابدا ماتدفيهم وقت البرد !
مأساة !
لما رجعت سويت بحث سريع في النت عشان اتأكد من صحة المعلومات لقيت خبر في جريدة الشرق من عام 2012
يحكي عن معاناة عامل النظافة..شي يوجع القلب!
http://m.alsharq.net.sa/2012/09/22/499331
ليش عمال النظافة مضطهدين ؟
حتى في الجامعة عاملات النظافة أغلبهم كبيرات في السن ساعات عملهم فوق إل 8 ساعات
مالهم غرفة خاصة تلاقيهم جالسين ع الرصيف او ع الدرج
مالهم وجبات فطور أو شي
وعلى راتب أقل من 800 ريال !
و والله لو مريت من عند وحدة تبتسملك وتسلم عليك
وبعض الدكاترة تمر من جنبهم مايطالعو فيك حتى !
المهم انا ماني جاية انتقد انا جاية اعطي حلول :) <<عبارة عمر حسين XD
اعتقد اتضح ان وضع العمال يخلي الريال الواحد يفرق معاهم
ياريت لو كل ماخرجنا من البيت وشفنا عامل مانبخل عليه !
في الاخير احنا كمان في حاجة الصدقة بقدر حاجتهم هما للفلوس!
نبتسم في وجوههم ! > ترى الشوارع من غيرهم مزبلة =)
مانحاول نأذيهم أو نستقل منهم هما مو ذنبهم انهم فقراء!
نحاول نحافظ ع البيئة ونكون متحضرين عشان نخفف عنهم ..
اعتذر عن الإطالة
واتمنى اللي عندو اقتراحات تانية يفيدنا بيها وشكرا =)